Matyoqubov Zokirbek Qadamovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri: «Trubasimon sohalarda golomorf funksiyalar uchun integral formulalar va ularning tatbiqi», 01.01.01- Matematik analiz (fizika-matematika fanlari).
Dissertatsiya mavzusi ro‘yxatga olingan raqam: B2021.4.PhD/FM646.
Ilmiy rahbar: Xudayberganov Gulmirza, fizika-matematika fanlari doktori, professor.
Dissertatsiya bajarilgan muassasa nomi:  Xorazm Ma’mun akademiyasi.
IK faoliyat ko‘rsatayotgan muassasa nomi, IK raqami: Urganch davlat universiteti, PhD.03/30.12.2019.FM.55.01. 
Rasmiy opponentlar: Otemuratov Bairambay Perdebaevich, fizika-matematika fanlari doktori (DSc), dotsent; Yarmetov Jumanazar Ruzimovich, fizika-matematika fanlari nomzodi, dotsent.
Yetakchi tashkilot: Berdaq nomidagi Qoraqalpoq davlat universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi: matrisaviy yuqori yarim tekislikda Karleman formulasini topish, birinchi tip matrisaviy Zigel` sohasi uchun Karleman formulasini isbotlash, chegaralanmagan matrisaviy sohalarda Bergman integral formulasini qurish, ikkinchi tip matrisaviy shar uchun Karleman formulasini topish, ikkinchi tip matrisaviy shar uchun chegaraviy Morera teoremasini isbotlash, chegaralanmagan matrisaviy sohalarda Bergman va Koshi-Sege yadrolarini topish va topilgan yadrolar yordamida integral formulalarni qurish masalalaridan iborat.
III. Tadqiqotning ilmiy yangiligi: 
matrisaviy yuqori yarim tekislik va birinchi tip klassik sohaning bigolomorf ekvivalentligidan foydalanib, matrisaviy yuqori yarim tekislik uchun Karleman formulasi isbotlangan; 
birinchi tip matrisaviy Zigel` sohasi va ikkinchi tip klassik soha orasidagi bigolomorf ekvivalentlik topilgan, hamda bu ekvivalentlik yordamida birinchi tip matrisaviy Zigel` sohasi uchun Karleman formulasi olingan;
chegaralanmagan matrisaviy sohalar (kososimmetrik matrisalar uchun ikkinchi tip Zigel` sohalari) va uchinchi tip matrisaviy shar orasidagi bigolomorf ekvivalentlik topilgan, hamda bu ekvivalentlik yordamida chegaralanmagan matrisaviy sohalar uchun Bergman yadrosi hisoblangan va unga mos integral formula qurilgan;
ikkinchi tip matrisaviy shar avtomorfizmidan foydalanib, ikkinchi tip matrisaviy shar chegarasining bir qismida berilgan funksiyani bu sharga golomorf davom qildirish haqidagi masalani echimi bo‘ladigan Karleman formulasi isbotlangan;
ikkinchi tip matrisaviy shar avtomorfizmi va Puasson yadrosining xossalarini tatbiq qilib, ikkinchi tip matrisaviy shar uchun chegaraviy Morera teoremasi isbotlangan;
chegaralanmagan matrisaviy sohalar (simmetrik matrisalar uchun ikkinchi tip Zigel` sohalari) va ikkinchi tip matrisaviy shar orasidagi bigolomorf ekvivalentlik topilgan, hamda bu ekvivalentlik yordamida chegaralanmagan matrisaviy sohalar uchun Bergman, Koshi-Sege yadrolari hisoblangan va bu yadrolarga mos integral formulalar qurilgan.
IV. Tadqiqot natijalarining joriy qilinishi. Dissertatsiya ishida olingan ilmiy natijalar quyidagi sohalarda amaliyotga joriy qilingan:
matrisaviy yuqori yarim tekislik va birinchi tip klassik sohaning bigolomorf ekvivalentligidan OT-F-4-(37-29) raqamli «A(z)-analitik funksiyalarning funksional xossalari va ularning tatbiqlari. Matrisaviy sohalarda kompleks analizning ayrim masalalari» (2017-2021 yillar) nomli loyihada matrisaviy yuqori yarim tekislik uchun Karleman  formulasini topishda qo‘llanilgan (Mirzo Ulug‘bek nomidagi O‘zbekiston Milliy universitetining 2022 yil 29 iyundagi ma’lumotnomasi). Natijada matrisaviy yuqori yarim tekislik uchun Dirixle masalasini echish imkonini bergan;
ikkinchi tip matrisaviy Zigel` sohasi va ikkinchi tip matrisaviy shar orasidagi bigolomorf akslantirishdan foydalanib, ikkinchi tip matrisaviy Zigel` sohasi va ikkinchi tip matrisaviy shardagi Bergman va Koshi-Sege yadrolarining bog‘liqligidan 18-51-41011 raqamli “Ko‘p o‘lchamli kompleks analiz” (2018-2020 yillar) nomli xorijiy loyihada chegaralanmagan sohalar uchun golomorf yadroli integral formulalar qurishda qo‘llanilgan (Sibir federal` universitetining 2022 yil 15 iyundagi №3597-sonli ma’lumotnomasi). Natijada topilgan yadrolar ikkinchi tip matrisaviy Zigel` sohasida golomorf funksiyalarning integral ifodalarini hosil qilish va ikkinchi tip matrisaviy Zigel` sohasidagi funksiyalarni golomorf davom qildirish imkonini bergan.