Чоршамиев Нуриддин Абдиалимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ёш курашчиларнинг тайёргарлик тизимида машқланиш ва тикланиш даражасини оширишда шарқона массаждан фойдаланиш методикаси ”, 13.00.04–Жисмоний тарбия ва спорт машғулотлари назарияси ва методикаси (педагогика фанлари).
Диссертация мавзуси рўйхатга олинган рақам: В2020.1.PhD/Ped1489.
Диссертация бажарилган муассаса номи: Ўзбекистон давлат жисмоний тарбия ва спорт университети.
Илмий Кенгаш фаолият кўрсатаётган муассаса номи, ИК рақами: Ўзбекистон давлат жисмоний тарбия ва спорт университети, DSc.03/30.12.2019.Ped.28.01.
Илмий раҳбар: Усманходжаев Талъат Саидович, педагогика фанлари доктори, профессор.
Илмий маслаҳатчи: Нуруллаева Наргиза Мухтархановна, тиббиёт фанлари доктори, доцент. 
Расмий оппонентлар: Кошбахтиев Илдар Ахмедович, педагогика фанлари доктори, профессор; Алиев Искандар Бахромович, педагогика фанлар номзоди, доцент.
Етакчи ташкилот: Наманган давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ёш курашчиларнинг тайёргарлик тизимида машқланиш ва тикланиш даражасини ошириш учун мушак кучи ҳамда тонусини машғулот ва мусобақалардан сўнг шарқона массаждан фойдаланиб организмнинг қайта тикланиш даражасини оширишдан иборат.
III. Тадқиқотнинг илмий янгилиги: 
ёш курашчилар организмининг функционал ҳолати ва машғулотдан сўнг тикланиши имкониятидан келиб чиқиб  шарқона массажга қўшимча сифатида спорт массажи силаш ва уқалаш усуллари қўллардан орқага тортиш-буриш (45° га), елкадан билакка қараб силаш ва қўл кафтини ҳам қўшиб силаш, тортиш ҳаракатларини бажариш ҳисобига мушак кучлари  динамикасини тезкор ривожлантириш услубияти такомиллаштирилган;
ёш курашчиларнинг жисмоний ва функционал кўрсаткичларини инобатга олиб шиддатли машғулотларда машқланиш ва тикланиш даражасини оширувчи массаж турлари  эзиш ва уқалаш каби мушак тонуси бўйича тикланишни тезлаштирувчи бир марталик, уч ва беш ойлик серияли машғулот воситаларини киритиш эвазига юкламадан кейин организмнинг қайта тиклаш имконияти оширилган;
ёш курашчиларнинг тайёргарлик тизимида спортчиларнинг функционал ҳолатини тиклаш ва ишчанлик қобилятини ошириш учун қисқа вақт ичида амалга оширишга ёрдам берувчи “тиклантирувчи массаж” воситаларини ўтказиш вақти ҳамда шаклларини вазиятга боғлиқ ҳолда ишлаб чиқиш ҳисобига организмдаги зўриқишни камайтириш имконияти кенгайтирилган; 
ёш курашчиларни йиллик тайёргарлик жараёнида спортчиларни мушак тонуси кўрсатгичларини  инобатга олган ҳолда  юкламадан кейин тикланиш даражасини ишлаб чиқилган шарқона массаж услубини қўллаш асосида машғулот  самарадорлигини ошириш имкониятлари  такомиллаштирилган.
IV. Тадқиқот натижаларининг жорий қилиниши. Кураш билан шуғулланувчи 14-17 ёшли спортчилар организмини тиклашга мўлжалланган шарқона массаж ҳамда машқлантириш бўйича олиб борилган жорий тадқиқотлар ва педагогик тажриба натижалари ҳамда уларнинг қиёсий таҳлили асосида: 
ёш курашчиларнинг мушак кучи ва тикланиш даражасини оширишда шарқона массаж усуллари курашчиларнинг техникасига ижобий таъсир кўрсатувчи ва тез тикланишни ривожлантириш бўйича қўлланилган массаж мажмуасини қўллаш бўйича таклиф ва тавсиялар Тошкент шаҳаридаги Республика олимпия ва паралимпия марказидаги кураш билан шуғулланувчилар машғулотларига жорий қилинган (Ўзбекистон Республикаси Туризм ва спорт вазирлигининг 2021 йил 2 июлдаги 03-17-02/3575-сон далолатномаси). Натижада курашчиларнинг техник-тактик тайёргарлиги 15 % га ортган;
ёш курашчиларда машғулот олди ва кейинги ҳолатларда тикланувчанлик сифатини ривожлантиришга мўлжалланган шарқона массаж қўлланиш тартиби Чирчиқ олимпия ва паралимпия марказидаги кураш билан шуғулланувчилар машғулотларига жорий қилинган (Ўзбекистон Республикаси Туризм ва спорт вазирлигининг 2021 йил 2 июлдаги 03-17-02/3575-сон далолатномаси). Натижада мусобақа фаолияти кўрсаткичлари 20 % ўсганлиги аниқланган;
ёш курашчиларнинг тайёргарлик тизимида спортчиларнинг функционал ҳолатини тиклаш ва ишчанлик қобилятини ошириш учун қисқа вақт ичида амалга оширишга ёрдам берувчи “тиклантирувчи массаж” воситаларини ўтказиш вақти ҳамда шаклларини вазиятга боғлиқ ҳолда қўллаш тартиби Тошкент шаҳаридаги Республика олимпия ва паралимпия марказидаги кураш билан шуғулланувчилар машғулотларига жорий қилинган (Ўзбекистон Республикаси Туризм ва спорт вазирлигининг 2021 йил 2 июлдаги 03-17-02/3575-сон далолатномаси). Натижада курашчиларда машқлардан сўнг мушакларнинг тикланиш даври кўрсаткичлари  11,3 % га ошган;
ёш курашчиларнинг организми тикланиш даражаси тажриба асосида аниқланган. мушакнинг таранглашуви ва бўшашишини ривожлантириш бўйича таклиф ва тавсиялар Чирчиқ олимпия ва паралимпия марказидаги кураш билан шуғулланувчилар машғулотларига жорий қилинган (Ўзбекистон Республикаси Туризм ва спорт вазирлигининг 2021 йил 2 июлдаги 03-17-02/3575-сон далолатномаси). Натижада ёш курашчиларнинг эгилувчанлик қобилиятини ривожланиш даражаси 15 % га яхшиланган.