Хамдамова Ситора Бахшиллоевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Уильям Батлер Йейтс шеъриятида анъанавийлик ва новаторлик  уйғунлиги», 10.00.04. – Европа, Америка ва Австралия халқлари тили ва адабиёти (филология фанлари).
Диссертация мавзуси рўйхатга олинган рақам: В2020.1.PhD/Fil1135.
Илмий раҳбар: Бакаева Муҳаббат Каюмовна, филология фанлари доктори, профессор.
Диссертация бажарилган муассаса номи: Бухоро давлат университети. 
ИК фаолият кўрсатаётган муассаса (муассасалар) номи, ИК рақами: Бухоро давлат университети, DSc.03/04.06.2021.Fil.72.03.
Расмий оппонентлар: Жўраева Малоҳат Муҳаммадовна, филология фанлари доктори, профессор; Муҳаммедова Ҳулкар Элбоевна, филология фанлари бўйича фалсафа доктори (PhD), доцент.
Етакчи ташкилот: Самарқанд давлат университети.    
Диссертация йўналиши: назарий ва амалий аҳамиятга молик.
II. Тадқиқотнинг мақсади Уильям Батлер Йейтс шеъриятида анъана ва новаторлик уйғунлиги масаласини очиб беришдан иборат.
III. Тадқиқотнинг илмий янгилиги: 
замонавий инглиз шеъриятида анъанавийлик ва новаторлик ўртасидаги уйғунлик масаласи, уларнинг бадиий акс эттирилишида муаллиф тафаккури, воқелик дискурси, лисоний элементларнинг конструктив функциялари, индивидуаллик ва тақлид қилиш муаммоси, “шеърий инқилоб” даврида инглиз маданияти анъаналарини сақлаб қолиш, аждодлардан мерос қолган қадриятларни қайта кўриб чиқиш тенденцияси, адабий таъсир каби поэтик хусусиятлар инглиз шеърияти вакилларининг муҳим вазифасига айланганлиги аниқланган; 
У.Б.Йейтс ижодида анъанавийлик ҳамда новаторлик уйғунлиги нуқтаи назаридан алоҳида эътиборга лойиқлиги, ижод қилган давр адабий оқимлари курашининг аксарият қисми унинг ижодида ўз аксини топганлиги, ушбу зиддиятли ва шиддатли ўзгаришлар даврида ижодкорнинг бош мақсади шеърий анъана ва новаторлик ўртасидаги уйғунликни сақлаш, мазмун ва бадиий шакл яхлитлигини таъминлашдаги аҳамияти далилланган;
У.Б.Йейтс ижодининг серқирра ва мураккаблиги, унинг муаллифлик услуби ривожининг асосий босқичларини аниқлашда муаллифнинг индивидуал ўзига хос услуби ва маҳорати, уларда анъанавийлик ва новаторлик уйғунлиги шоир ижодида намоён бўладиган бир неча адабий оқимлар алмашинуви зайлида ўзгариб туриши асосланган;
У.Б.Йейтс бадиий асарларининг ғоявий-бадиий хусусиятлари аниқланиб, шоир ижодида қўп асрлик адабий анъаналарнинг янгиланиш тамойиллари билан уйғунлашув жараёни аллюзия, ремесценция, таржима, монтаж, коллаж ва бошқа воситалар ёрдамида шартланганлиги исботланган.
IV. Тадқиқот натижаларининг жорий қилиниши. Инглиз ва ўзбек тилларидаги антономазияларнинг семантик, лингвопоэтик ҳамда лингвокультурологик таҳлили тадқиқи жараёнида олинган илмий натижа ва хулосалар асосида:
инглиз ва ўзбек тилидаги антономазияларнинг тил ва нутқда юзага келиш сабабияти, лисоний манбалари, шаклланиш механизми, троплар тизими ва бадиий матндаги ўрни, функцияси ҳамда аҳамияти аниқланиб, семантик моҳият-мазмуни лингвомаданият билан бевосита боғлиқлигига оид назарий хулосалардан Қорақалпоқ гуманитар фанлар илмий-тадқиқот институтида 2017-2020 йилларда бажарилган ФА-Ф1-005-рақамли «Қорақалпоқ фольклоршунослиги ва адабиётшунослиги тарихини тадқиқ этиш» мавзусидаги фундаментал тадқиқот лойиҳасида белгиланган вазифаларни бажаришда фойдаланилган (Қорақалпоқ гуманитар фанлар илмий-тадқиқот институтининг 2022 йил 15 февралдаги 123-сон маълумотномаси). Натижада лойиҳа материаллари икки тил доирасидаги антропонимлар таҳлилига асосланган соҳа луғатлари яратиш учун янги илмий-назарий манба ва маълумотлар билан бойиган;
инглиз тилидаги антономазияларнинг лексик-семантик хусусиятларини очиб бериш, адабий асарларда уларнинг бадиий санъатларни воқелантиришдаги ўрни, юзага келиш механизми ҳамда уларнинг лингвопоэтик жиҳатларини тадқиқ этиш ва инглиз тилида антономазияларнинг шаклланиш манбалари ва қонуниятлари ҳамда халқ маданияти билан бевосита боғлиқлиги масалаларини аниқлашга оид хулосалардан Бухоро давлат университетида бажарилган SUZ800-20-IN0098 рақамли «Access-STEM» хорижий лойиҳада белгиланган вазифаларни бажаришда фойдаланилган (Бухоро давлат университетининг 2021 йил 20 октябрдаги 05-01-1437-сон маълумотномаси). Натижада инглиз тилидаги антономазияларнинг таҳлилига асосланган ахборот-коммуникацион технологиялари асосида виртуал ресурслар яратилган ҳамда ўқув жараёнига жорий қилинган;
инглиз ва ўзбек тилларида антономазиянинг табиати ўхшаш, шаклланиш ва воқеланиш механизми деярли бир хил эканлиги, мақсад ҳамда вазифаси ҳам бир-бирига мувофиқ келиши, иккала тилда ҳам антономазияларнинг шаклланиш манбалари шу халқларнинг ижтимоий ҳаёти, маданияти, диний эътиқоди, тарихи ва адабиёти билан бевосита боғлиқлигига оид илмий-назарий хулосалардан  Бухоро вилоят телерадиокомпаниясида «Ассалом, Бухоро», «Саккизинчи мўъжиза» кўрсатувларининг 2021 йил май сонидаги сценарийсини тайёрлашда фойдаланилган (Бухоро вилояти телерадиокомпаниясининг 2021 йил 2 майдаги 1/149-сон маълумотномаси). Натижада тадқиқотдаги маълумотлар миллий-маънавий меросни тарғиб қилишга қаратилган кўрсатувлар сценарийсини бойитишга хизмат қилган.