Рауфов Алишер Анваровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси: «Бронхиал астма ва ўпканинг сурункали обструктив касаллиги кесишмасида клиник-иммунологик ва молекуляр-генетик жиҳатлари» ихтисослик шифри: 14.00.36 – Аллергология ва иммунология (тиббиёт фанлари).
Диссертация мавзуси рўйхатга олинган рақам: B2022.1.PhD/Tib1459.
Илмий раҳбар: Файзуллаева Нигора Яхъяевна, тиббиёт фанлари доктори (DSc).
Диссертация бажарилган муассаса номи: Бухоро давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Бухоро давлат тиббиёт институти, DSc.04/30.04.2022.Tib.93.01.
Расмий оппонентлар: Наврузова Шакар Истамовна, тиббиёт фанлари доктори, профессор; Нурпеисов Таир Тамирланович, тиббиёт фанлари доктори, профессор (Қозоғистон Республикаси). 
Етакчи ташкилот: Тошкент педиатрия тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: бронхиал астма ўпканинг сурункали обструктив касаллиги билан биргаликда келганда муҳим иммунологик ва молекуляр-генетик маркёрларни ҳисобга олган ҳолда эрта ташҳислашни оптималлаштириш ва касаллик кечишини прогнозлашдан иборат.
III. Тадқиқотнинг илмий янгилиги:
илк бор ўзбек миллатига мансуб одамларда P-450 ген полиморфизмининг (CYP3A5 (G6986A)) ноқулай аллел A ва G/A генотипи бронхиал астма ҳамда бронхиал астма ўпканинг сурункали обструктив касаллиги билан биргаликда келгандаги ривожланиш хавфи билан боғлиқлиги аниқланган;
CFTR_F508del ва CFTR_W1282Х генларининг гетерозигота ҳолатидаги хавф мутациясининг бронхиал астма ўпканинг сурункали обструктив касаллиги билан биргаликда келганда ривожланишининг генетик хавф омили сифатидаги роли асосланган; 
бронхиал астма ўпканинг сурункали обструктив касаллиги билан биргаликда келган беморларда касалликнинг кечиши, асоратлар ривожланиши ва иммун тизим цитокинлари даражасининг ўзгариши (IL-8, IFN-γ) ўртасида касаллик прогнозида пропорционал боғлиқлик аниқланган;
бронхиал астма ўпканинг сурункали обструктив касаллиги билан биргаликда келганда TNFα ва С-реактив оқсил ўртасида тўғри пропорционал боғлиқлик борлиги аникланган;
бронхиал астма ўпканинг сурункали обструктив касаллиги билан биргаликда келганда цитокинлар (IL-4, IFN-γ) ва IgE синтези ўртасида ишонарли даражадаги боғлиқлик борлиги исботланган. 
IV. Тадқиқот натижаларининг жорий қилиниши. 
Бронхиал астма ва сурункали обструктив ўпка касаллиги кесишмасида клиник, иммунологик ва молекуляр-генетик жиҳатларини ўрганиш бўйича илмий тадқиқот натижалари асосида:
бронхиал астма ва сурункали обструктив ўпка касаллигида иммунологик маркёрлар прогностик аҳамиятини аниқлаш бўйича олиб борилган тадқиқотнинг илмий янгилиги асосида ишлаб чиқилган «Бронхиал астма ва сурункали обструктив ўпка касаллиги кесишмаси билан оғриган беморларда иммунологик маркёрларнинг прогностик аҳамияти» номли услубий тавсиянома тасдиқланган (Соғлиқни сақлаш вазирлигининг 2022 йил 27 апрелдаги 8н-р/404-сон маълумотномаси). Илмий натижаларнинг жорий қилиниши беморларда касалликни эрта аниқлаш, ўз вақтида даволаш усулини қўллаш орқали касаллик ривожланиши ва келиб чиқадиган асоратларини олдини олишга  хизмат қилган;
бронхиал астма ва сурункали обструктив ўпка касаллиги кесишмаси бор беморларни ташхислаш, прогнозлаш ва профилактика усулларини  такомиллаштириш бўйича олинган илмий натижалар соғлиқни сақлаш амалиётига, жумладан, Бухоро вилояти кўп тармоқли тиббиёт маркази, Тошкент шаҳар 3-сон клиник шифохонаси ва “Пойтахт мед диагностика” хусусий клиникаси амалий фаолиятига жорий қилинган (Соғлиқни сақлаш вазирлигининг 2022 йил 18 майдаги 8н-з/242-сонли маълумотномаси). Илмий натижаларнинг клиник амалиётга жорий этилиши касалликни эрта ташҳислаш, даволаш тактикасини такомиллаштириш, касаллик асоратларини камайтириш, тиббий ёрдам кўрсатиш сифатини ошириш хисобига стационарда даволаниш давомийлигини қисқартиришга имкон яратган.