Назарова Нигина Отабек қизининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Люпус нефрит ривожланишининг   клиник-патогенетик ва генетик жиҳатларини прогностик  аҳамияти», 14.00.05 – Ички касалликлар (тиббиёт фанлари).
Диссертация мавзуси рўйхатга олинган рақам: В2021.2.PhD/Tib1879
.4.PhИлмий раҳбар: Жаббаров Озимбай Отаханович, тиббиёт фанлари доктори, доцент.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib 30.02.
Расмий оппонентлар: Шодиқулова Гуландом Зикрияевна, тиббиёт фанлари доктори, профессор; Мухамедов Рустам Султанович, тиббиёт фанлари доктори, профессор.
Етакчи ташкилот: Тошкент давлат стоматология институти.
Диссертация йўналиши: амалий аҳамиятга молик.
II. Тадқиқотнинг мақсади ўзбек миллатига мансуб тизимли қизил бўрича билан касалланган беморларда клиник ва генетик таҳлил натижаларига асосланган ҳолда люпус нефрит ривожланишининг прогностик аҳамиятини баҳолашдан иборат.  
III. Тадқиқотнинг илмий янгилиги:
люпус нефритни клиник белгилари, лаборатор ва асбобий текширув натижаларининг СD14 (С-159Т) ва TGFb1 (Arg25Pro) генлар полиморфизми билан узвий боғлиқлиги аниқланган;
ўзбек миллатида люпус нефрит ривожланган беморларда  CD14 генининг С159Т полиморф маркерини функционал нохуш Т аллелининг учраш даражаси 55,1%, ҳамда TGFb1 генининг Arg25Pro полиморф маркерини функционал нохуш Pro аллелининг учраш даражаси 10,3%  эканлиги аниқланган;
ўзбек миллатида люпус нефрит чақиришига мойиллик туғдирувчи СD14 генининг C159T ва  TGFb1 генининг Arg25Pro   полиморфизмларининг алоҳида ва ўзаро таъсир хусусиятлари аниқланган; 
люпус нефрит ривожланишига сабаб бўладиган хавф гуруҳларини шакллантиришда  ахборот генетик маркерларнинг диагностик аҳамияти асосланган.
IV. Тадқиқот натижаларининг жорий қилиниши.
Люпус нефрит ривожланишининг   клиник-патогенетик ва генетик  жиҳатларини прогностик  ахамияти бўйича олинган илмий натижалар асосида ишлаб чиқилган: 
люпус нефрит ривожланишининг клиник-патогенетик ва генетик жиҳатларининг прогностик  аҳамияти бўйича олинган натижалар асосида ишлаб чиқилган «Люпус нефрит ривожланишининг клиник-патогенетик жихатларнинг прогностик аҳамияти» номли услубий тавсияномаси тасдиқланган (Соғлиқни сақлаш вазирлигининг 2022 йил 19 январдаги 8н-р/5-сон маълумотномаси). Мазкур услубий тавсиянома люпус нефрит мавжуд беморларда патогенетик механизмларни ҳисобга олган ҳолда, даволашда буйрак фаолиятини барқарорлаштириш натижасида сурункали буйрак касаллигининг даво самарадорлиги ошириш, унинг асоратлари эрта ривожланишининг олдини олиш ва ўз навбатида беморлар ҳаёт сифати яхшилаш имконини берган; 
люпус нефрит ривожланишининг клиник-патогенетик ва генетик жиҳатларини прогностик аҳамиятини аниқлаш бўйича олинган илмий натижалар соғлиқни сақлаш амалиётига, жумладан, Тошкент тиббиёт академияси кўп тармоқли клиникаси, Андижон давлат тиббиёт институти клиникаси ва Республика ихтисослаштирилган нефрология ва буйрак трансплантатцияси илмий-амалий тиббиёт марказига жорий қилинган (Соғлиқни сақлаш вазирлигининг 2022 йил 29 сентябрдаги 08/30007-сон маълумотномаси). Олинган илмий натижаларнинг амалиётга татбиқ этилиши люпус нефрит мавжуд беморларнинг умр давомийлиги узайиши, гемодиализга бўлган вақтни узайтириш, аҳоли орасида ўлим ва ногиронликни камайтириб меҳнатга лаёқатсизлик муддатини қисқартириш имконини берган.