Бекимбетов Руслан Турсинбаевичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Нукус шаҳри шўрланган грунтларида бино ва иншоотлар пойдеворларини лойиҳалашнинг ўзига хосликларини муҳандис-геологик асослаш», 04.00.04 – Гидрогеология ва муҳандислик геологияси (техника фанлари). 
Диссертация мавзуси рўйхатга олинган рақам: B2022.3.PhD/Т3012.
Илмий раҳбар: Аимбетов Иззет Каллиевич, техника фанлари доктори, катта илмий ходим.
Диссертация бажарилган муассаса номи: Қорақалпоқ табиий фанлар илмий-тадқиқот институти.
ИК фаолият кўрсатаётган муассаса номи, ИК рақами: Гидрогеология ва инженерлик геологияси институти ҳузуридаги DSc.24/30.12.2019.GM.96.01 рақамли илмий кенгаш асосидаги бир марталик илмий кенгаш.
Расмий оппонентлар: Каюмов Абдубоки Джалилович, техника фанлари доктори, профессор; Тошхўжаев Алишер Улхўжаевич, техника фанлари бўйича фалсафа доктори (PhD). 
Етакчи ташкилот: Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Нукус шаҳрининг шўрланган грунтларида биноларни ишончли қуриш ва фойдаланишнинг муҳандислик-геологик илмий асосларни ишлаб чиқиш, шунингдек грунтларнинг ўзига хос хусусиятлари ва физик-механик хоссаларини баҳолашдан иборат. 
III. Тадқиқотнинг илмий янгилиги: 
Нукус шаҳри ҳудуди грунтларининг бетонга нисбатан агрессивлик даражасига кўра муҳандислик-геологик районлаштириш амалга оширилган ҳамда грунт сувлари ва грунтларнинг шўрланишини схематик ГАТ хариталари тузилган;
Нукус шаҳрининг муҳандислик-геологик шароитлари учун қоқилган қозиқли пойдеворларнинг узунлиги ва юк кўтариш қобилиятининг экспериментал корреляцион боғлиқлиги аниқланган, Нукус шаҳри тасмасимон ва қоқилган қозиқ пойдеворларининг ГАТ - технологияларидан фойдаланган ҳолда юк кўтариш қобилиятининг схематик хариталари тузилган; 
Нукус шаҳрининг муҳандислик-геологик шароитлари учун биринчи марта тасмасимон ва “плита” пойдеворларининг мақбул ўлчамларини қабул қилишни PLAXIS компьютер дастуридан фойдаланган ҳолда асосланган;
илк бор PMWIN 5.3 компьютер дастуридан фойдаланган ҳолда Нукус шаҳрининг гидрогеологик шароитларига Дўстлик канали ва Ачикўл кўлининг таъсири аниқланган.
IV. Тадқиқот натижаларининг жорий қилиниши: 
Нукус шаҳри шўрланган грунтларида бино ва иншоотлар пойдеворларини лойиҳалашнинг ўзига хосликларини муҳандислик-геологик асослаш бўйича олинган илмий натижалар асосида:
Нукус шахрининг шўрланиш схематик хариталари, шўрланган грунтлар учун ҳисоблаб чиқилган ҳар хил ўлчамдаги тасмасимон ва қозиқли пойдеворларни юк кўтариш қобилияти ва чўкиши бўйича тузилган компьютер ГАТ схематик хариталар ва кесимлар “Нукусгорландшафтпроект” МЧЖ лойиҳалаш институти фаолиятига жорий қилинган (Қорақалпоғистон Республикаси уй-жой комунал хизмат кўрсатиш вазирлигининг 2022 йил 1 августдаги 05-04/1113-сон маълумотномаси). Натижада, Нукус шаҳридаги биноларни капитал таъмирлашга ва реконструкция қилишда ишончли лойиҳа қарорларини қабул қилиш ва ҳудудда қурилиш объектларини лойиҳалаш, техник-иқтисодий асослаш (ТИА) вақтини қисқартиришга имконият яратган;
PLAXIS комьпютер дастури ёрдамида бажарилган бино чўкишини ҳисоблаш натижаларининг дала кузатувлари билан қиёсий таҳлили ва Нукус шаҳрининг турли муҳандислик-геологик шароитлари учун тасмасимон ва “плита” пойдеворларининг оптимал ўлчамларини қабул қилиш учун берилган асос, “Қурилишда, геоахборот ва шаҳарсозлик кадастрида муҳандислик изланишлари” давлат лойиҳа-қидирув институтининг Қорақолпоғистон филиали («O’ZGASHKLITI») фаолиятига жорий қилинган (Қорақалпоғистон Республикаси Қурилиш вазирлигининг 2022 йил 1 августдаги 01-07/01-1531-сон маълумотномаси). Натижада, муҳандислик-геологик тадқиқотлар вақтини қисқартириш ва Нукус шаҳрида лойиҳалаш тизимининг самарадорлигини ошириш имконини берган;
PMWIN 5.3 компьютер дастуридан фойдаланган ҳолда Дўстлик канали ва Ачикўл кўлининг Нукус шаҳарининг гидрогеологик шароитларига таъсирини аниқланиши натижада, Нукус шахрининг грунт сувларини пасайтириш бўйича ишлаб чиқилган тавсиялари “UzGIP” МЧЖ Қорақалпоғистондаги шўъба кархонасига жорий қилинган (Қорақалпоғистон Республикаси Қурилиш вазирлигининг 2022 йил 1 августдаги 01-07/01-1531-сон маълумотномаси). Натижада, Нукус шаҳрининг дренаж тизимининг самарадорлигини оширадиган лойиҳавий қарорларини қабул қилиш орқали иқтисодий самарадорликка эришиш имконини берган.