Рўзибоев Нуриддин Нурали ўғли
фалсафа доктори (Phd) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Турли компонентли “Siro” ипини йигириш технологиясини такомиллаштириш”  05.06.02 – “Тўқимачилик материаллари технологияси ва хомашёга дастлабки ишлов бериш” (техника фанлари)
Диссертация мавзуси рўйхатга олинган рақам: B2022.2.PhD/Т2918
Илмий раҳбар: Исақулов Вохид Тўлаганович, техника фанлари номзоди, доцент.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Ханхаджаева Нилуфар Рахимовна, техника фанлари доктори, профессор; Бобожанов Хусан Тохирович техника фанлари доктори, профессор.
Етакчи ташкилот: Ўзбекистон табиий толалар илмий-тадқиқот институти.
Диссертация йўналиши: амалий аҳамиятга молик.
II. Тадқиқотнинг мақсади: ҳалқали йигириш машиналарининг технологик имкониятларидан келиб чиқиб, Sirо усулида ип олиш технологиясини такомиллаштиришдан иборат.
III. Тадқиқотнинг илмий янгилиги қуйидагилардан иборат:
ҳалқали йигириш машинасининг чўзиш асбоби  эзувчи валиги  эластик қопламаси турли компонентли “Siro” ип ишлаб чиқариш учун икки қисмли ҳар хил бикрликдаги эзувчи валик конструкцияси ишлаб чиқилган;
“Siro” ипи ишлаб чиқариш учун икки қисмли  ҳар хил бикрликдаги эзувчи валик параметрларини пишитиш учбурчагига ва пишитилганликга таъсири илк бор назарий  аниқланган;   
турли компонентли “Siro” ипи ишлаб чиқаришда,  эзувчи валикнинг пишитиш учбурчагига таъсир даражаси аниқланган ва рационал технологик параметрлари асосланган;
ҳалқали йигириш машинасида икки қисмли  ҳар хил бикрликдаги эзувчи валик қўллаган ҳолда турли компонентли сифатли “Siro” ипи ишлаб чиқариш технологияси такомиллаштирилган.
IV. Тадқиқот натижаларининг жорий қилиниши: ҳалқали йигириш машинасида чиқарувчи чўзиш жуфтлиги эзувчи валикнинг икки қисмли эластик қоплама бикрлиги бўйича параметрларнинг турли компонентли “Siro” ипи шаклланишига ипнинг сифат кўрсаткичларига таъсирини тадқиқот қилиш бўйича олинган натижалар асосида:
ҳалқали йигириш машинасининг чиқарувчи чўзиш жуфтлиги эзувчи  валигига Ўзбекистон Республикаси Адлия вазирлиги хузуридаги интеллектуал мулк агентлигининг ихтирога патенти (“Эзувчи валиги” № IAP 10508,2022 й) олинган. Натижада турли компонентли “Siro” ипини ишлаб чиқариш имконияти яратилди;
 турли компонентли “Siro” ипини ишлаб чиқариш технологияси “O’zto’qimachiliksanoat”  уюшмаси  тизимидаги корхоналарида, хусусан “Osborn textile” ХК  МЧЖ,  “REAL TEX TASHKENT” МЧЖларда жорий этилган (“Ўзтўқимачиликсаноат” уюшмасининг 2022 йил 12 сентябрдаги 03/25-2644-сон маълумотномаси). Илмий тадқиқот натижасида турли компонентли “Siro” ипи ишлаб чиқаришда ипларнинг узилишлар сонини 21% камайиши ҳисобига ип  чиқиш миқдорининг 1,5 % ортишига эришилган.