Холмуродов Дилшод Рашидовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар: Диссертация мавзуси, ихтисослик шифри (илмий даража берадиган фан тармоғи номи): “Ўзбекистон Республикаси ва Россия Федерацияси ўртасида ўзаро хамкорлик алоқаларининг ривожланиши (1991-2015 йй.)”, 07.00.01 – Ўзбекистон тарихи (тарих фанлари).
Диссертация мавзуси рўйхатга олинган рақам: B2019.1.PhD/Tar419. 
Илмий раҳбар: Шаропов Шамсиддин, тарих фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти. 
ИК фаолият кўрсатаётган муассаса номи, ИК рақами: Қарши давлат университети, PhD.03/27.02.2021.Tar.70.05. 
Расмий оппонентлар: Бўриев Очил, тарих фанлари номзоди, профессор; Бабаходжаева Лола Маратовна, тарих фанлари доктори, профессор.
Етакчи ташкилот: Ислом Каримов номидаги Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади 1991-2015 йилларда Ўзбекистон ва Россия ўртасидаги ўзаро дўстлик алоқалари ривожланишини очиб беришдан иборат.
III. Тадқиқотнинг илмий янгилиги: 
Ўзбекистон Республикасининг Россия Федерацияси билан узоқ муддатли ва ўзаро манфаатли ҳамкорлик учун мустаҳкам замин яратилганлиги, бугунги кунга келиб икки томонлама алоқаларнинг 337 тага етган давлатлараро, ҳукуматлараро ва идоралараро битимлардан иборат  шартномавий-ҳуқуқий базани ишлаб чиқишга эришилганлиги, мавжуд келишувлар ва ўзаро манфаатли лойиҳаларни нафақат тезроқ амалда рўёбга чиқариш, балки истиқболли йўналишларда ҳам ҳамкорликни кенгайтирилганлиги аниқланган;
Ўзбекистон ва Россия ҳамкорлиги учун рақамли иқтисодиётни ривожлантириш соҳаси ниҳоятда истиқболли йўналиш ҳисобланиб, мазкур соҳада белгиланган мақсадларни биргаликдаги саъй-ҳаракатлар асосида амалга ошириш учун рақамли иқтисодиёт, технопарклар фаолиятини йўлга қўйиш, почта алоқасини такомиллаштириш, жамоатчилик билан алоқалар бўйича мутахассислар малакасини ошириш ва IT-мутахассисларни тайёрлаш жабҳасида ҳамкорлик учун мустаҳкам пойдевор қўйилганлиги далилланган;
Ўзбекистонда Россиянинг етакчи олий ўқув юртлари филиалларини очиш тўғрисида 100 дан ортиқ шартнома имзоланиб, таълим соҳасига эътибор икки давлат раҳбарларининг доимий диққат марказида эканлиги, узоқ йилларга мўлжалланган маданий ва гуманитар соҳада ҳамкорлик дастури, Жиззах вилоятидаги Суффа платосида йирик радиотелескоп ташкил этиш лойиҳасини амалга ошириш, Олмалиқ шаҳрида Москва пўлат ва қотишмалар институти филиали, Тошкентда Москва давлат университети, Россия иқтисодиёт академияси ва Россия давлат нефть ва газ университети, Москва давлат халқаро муносабатлар институти ҳамда Россия Миллий илмий-тадқиқот ядро университети Москва муҳандислик физикаси институти филиалларини ташкил этиш тўғрисида келишувлар имзоланганлиги далилланган;
миллий, минтақавий ва халқаро хавфсизликни таъминлаш масалаларида Ўзбекистоннинг Россия Федерацияси билан мустаҳкам йўлга қўйган ҳамкорлиги кенг қамровли йўналишларда, хусусан, тинчлик ва барқарорликни мустаҳкамлаш, терроризм ҳамда экстремизм, оммавий қирғин қуроллари тарқалиши, гиёҳвандлик воситаларининг ноқонуний айланмаси, янги таҳдидлар ва хатарларга қарши курашиш бўйича ўзаро фаол алоқаларни йўлга қўйганлиги аниқланган.
IV. Тадқиқот натижаларининг жорий қилиниши. Ўзбекистон Республикаси ва Россия Федерацияси ўзаро дўстик ҳамкорлик алоқаларининг шаклланиш ва ривожланиш тарихига доир олинган илмий натижалар ва амалий таклифлардан:
Ўзбекистон Республикасининг Россия Федерацияси билан узоқ муддатли ва ўзаро манфаатли ҳамкорлик учун мустаҳкам замин яратилганлиги, бугунги кунга келиб икки томонлама алоқаларнинг 337 тага етган давлатлараро, ҳукуматлараро ва идоралараро битимлардан иборат  шартномавий-ҳуқуқий базани ишлаб чиқишга эришилганлиги, мавжуд келишувлар ва ўзаро манфаатли лойиҳаларни нафақат тезроқ амалда рўёбга чиқариш, балки истиқболли йўналишларда ҳам ҳамкорликни кенгайтирилганлиги каби жиҳатларни илмий ва архив материаллари асосида ёритиш масалалари акс этган тадқиқот натижаларидан Ўзбекистон Миллий телерадиокомпанияси “O’zbekiston” телерадиоканали ДУК кўрсативларини сценарийларини тайёрлашда фойдаланилган (Ўзбекистон Миллий телерадиокомпаниясининг 2021 йил 4 мартдаги O’z/R-S-23-21-сон маълумотномаси). Натижада телетомашабинларда Ўзбекистон ва Россия ўртасидаги иқтисодий, илмий ва маданий ҳамкорликнинг ривожланишига бағишланган таҳлилий фикрлар ва назарий хулосаларни шакллантиришга хизмат қилган. 
Ўзбекистон ва Россия Федерациясининг маданий ҳамкорлиги, Ўзбекистоннинг миллатлараро тотувлик сиёсати каби масалалар Ўзбекистон Республикаси Ташқи ишлар Вазирлиги фаолиятига татбиқ этилиб,  Ўзбекистон-Россия ўртасидаги ўзаро дўстлик алоқалари ҳақидаги маълумотлардан илмий манба сифатида фойдаланилган (Ўзбекистон Республикаси Ташқи ишлар вазирлиги Консуллик-ҳуқуқий департаментининг 2021 йил 17 июндаги маълумотномаси). Ушбу натижалар орқали Ўзбекистон Республикаси Ташқи ишлар вазирлигида Ўзбекистон – Россия ўртасидаги алоқаларни таҳлил қилинишида маълум даражада хизмат қилган;
Ўзбекистон ва Россия ҳамкорлиги учун рақамли иқтисодиётни ривожлантириш соҳаси ниҳоятда истиқболли йўналиш ҳисобланиб, мазкур соҳада белгиланган мақсадларни биргаликдаги саъй-ҳаракатлар асосида амалга ошириш учун рақамли иқтисодиёт, технопарклар фаолиятини йўлга қўйиш, почта алоқасини такомиллаштириш, жамоатчилик билан алоқалар бўйича мутахассислар малакасини ошириш ва IT-мутахассисларни тайёрлаш жабҳасида  ҳамкорлик учун мустаҳкам пойдевор қўйилганлиги статистик маълумотлардан Ўзбекистон Миллий телерадиокомпаниясининг радиоэшиттириш сценарийсини тайёрлашда фойдаланилган (“O’zbekiston” телерадиоканали давлат муассасасининг 2022 йил 23 февралдаги 04-36-455-сон маълумотномаси). Бу эса радиоэшиттирувчиларга рақамли иқтисодиёт, технопарклар фаолиятини йўлга қўйиш, почта алоқасини такомиллаштириш, жамоатчилик билан алоқалар бўйича мутахассислар малакасини ошириш ва IT-мутахассисларни тайёрлаш  билан боғлиқ маъоумотларни шакллантиришга ёрдам берган.