Нусратиллоева Дилноза Нусратиллоевнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Хуршид Давроннинг индивидуал услуби ва поэтик маҳорати”, 10.00.02–Ўзбек адабиёти (филология фанлари).
Диссертация мавзуси рўйхатга олинган рақам: B2020.4.PhD/Fil422.
Илмий раҳбар: Хасанов Шавкат Ахадович, филология фанлари доктори, профессор.
Диссертация бажарилган муассаса номи: Навоий давлат педагогика институти.
ИК фаолият кўрсатаётган муассаса номи, ИК рақами: Шароф Рашидов номидаги Самарқанд давлат университети, DSc.03/30.12.2019.Fil.02.03.
Расмий оппонентлар: Тўраев Дамин, филология фанлари доктори, профессор; Қувватова Дилрабо Ҳабибовна, филология фанлари доктори, профессор.
Етакчи ташкилот: Жиззах давлат педагогика институти. 
Диссертация йўналиши: назарий ва амалий аҳамиятга молик.
II. Тадқиқотнинг мақсади Хуршид Давроннинг лирик фаолиятини, индивидуал услубини аниқлаш, поэтик маҳорати ва адабий-эстетик қарашларининг асослари, шаклланиш босқичлари, етакчи тамойилларини очиб беришдан иборат. 
III. Тадқиқотнинг илмий янгилиги:
Хуршид Даврон шеъриятида табиат манзараларининг жамият ҳодисотлари билан уйғунлашиб кетганлиги, тарихий ҳақиқатнинг бадиий ҳақиқатга айлантириш жараёнлари, поэтик фикр ва ҳиссиётлар гаммасининг яхлитлик касб этганлиги унинг поэтик услубида пейзаж ва ижтимоий лириканинг мавқеини оширганлиги исботланган;
Хуршид Даврон лирикасида жаҳон шеъриятининг танк, хокку, терцет каби шеър шаклларини синтезлаштирганлиги, миллий шеъриятнинг Чўлпон, Ойбек, Рауф Парфи каби намоёндаларининг мусаллас шеър композициясини тузишдаги локанизми, рамзийликка асосланган образлилиги, пейзаж яратиш услуби, фалсафий тафаккур тарзи анъаналарига издошлиги очиб берилган;
Хуршид Давроннинг воқеликнинг поэтик идрок этишдаги шеър композицияси, лафзий ва маънавий ифода тасвир воситалари, поэтик синтаксис, вазн ва қофия, ритм ва оҳанг устида ишлашдаги адабий маҳорати далилланган;
шоирнинг лирика, шеърлар ҳамда ривоятлар туркуми, эссе, тарихий бадиа, сонет, достон жанрларига ҳамда маснавий, мусаллас, мурабба, аралаш вазн каби шеър шаклларига мансуб асарларининг бадиияти асосланган.
IV. Тадқиқот натижаларининг жорий қилиниши. Хуршид Давроннинг индивидуал услуби ва поэтик маҳоратини тадқиқ этиш бўйича олинган илмий натижалар асосида:
Хуршид Даврон шеъриятида табиат манзараларининг жамият ҳодисотлари билан уйғунлашиб кетганлиги, тарихий ҳақиқатнинг бадиий ҳақиқатга айлантириш жараёнлари, поэтик фикр ва ҳиссиётлар гаммасининг яхлитлик касб этганлиги каби омиллар унинг поэтик услубида пейзаж ва ижтимоий лириканинг мавқеини оширганлиги ҳамда Хуршид Давроннинг воқеликнинг поэтик идрок этишдаги шеър композицияси, лафзий ва маънавий ифода тасвир воситалари, поэтик синтаксис, вазн ва қофия, ритм ва оҳанг устида ишлашдаги адабий маҳорати каби етакчи тамойилларини ёритишдаги хулосаларидан Ўзбекистон Фанлар Академияси Қорақалпоқ гуманитар фанлар илмий тадқиқот институтида 2017-2020 йилларда амалга оширилган ФА-Ф-1-005 рақамли “Қорақалпоқ фольклоршунослиги ва адабиётшунослик тарихини тадқиқ қилиш” мавзуидаги фундаментал тадқиқот лойиҳани бажаришда фойдаланилган (Қорақалпоқ гуманитар фанлар илмий тадқиқот институтининг 2021 йил 8 сентябрдаги 17.02/208-сон маълумотномаси). Натижада, амалий лойиҳанинг самарали бўлишига хизмат қилган;
Хуршид Даврон лирикасида жаҳон шеъриятининг танк, хокку, терцет каби шеър шаклларини синтезлаштирганлиги, миллий шеъриятнинг Чўлпон, Ойбек, Рауф Парфи каби намоёндаларининг мусаллас шеър композициясини тузишдаги локанизми, рамзийликка асосланган образлилиги, пейзаж яратиш услуби, фалсафий тафаккур тарзи анъаналарига издошлиги каби хулосалардан 2012-2016 йилларда бажарилган ФА-Ф1-Г002 рақамли “Қорақалпоқ фолклори ва адабиёти жанрларининг назарий масалаларини тадқиқ этиш” мавзуидаги фундаментал тадқиқот лойиҳани бажаришда фойдаланилган (Қорақалпоқ гуманитар фанлар илмий тадқиқот институтининг 2021 йил 13 декабрдаги 383/1-сон маълумотномаси). Натижада Ўзбек ва Қорақалпоқ адабиётидаги поэтик қарашлар боғлиқлиги илмий далилланган;
Хуршид Давроннинг лирика, шеърлар ҳамда ривоятлар туркуми, эссе, тарихий бадиа, сонет, достон жанрларига ҳамда маснавий, мусаллас, мурабба, аралаш вазн каби шеър шаклларига мансуб асарларининг бадиияти орқали баён этилган хулосалардан Навоий вилоят теларадиокомпаниясининг “Долзарб мавзу”, “Адабий муҳит” дастури сценарийсини тайёрлашда фойдаланилган (Навоий вилоят теларадиокомпаниясининг 2021 йил  7 июлдаги 01-02-120-сон маълумотномаси). Натижада, томошабинларнинг буюк аждодларимиз илмий меросига ҳурмат, умуминсоний қадриятларга муҳаббат туйғуси ҳақидаги назарий фикр-мулоҳазалар билан бойитилган.