Далиев  Бахтиёр Сирожиддиновичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи): «Биринчи тур сингуляр интеграл тенгламаларни тақрибий ечиш учун оптимал алгоритмлар», 01.01.03–Ҳисоблаш математикаси ва дискрет математика (физика-математика фанлари).
Диссертация мавзуси рўйхатга олинган рақам: В2018.1.PhD/FM197.
Илмий раҳбар: Шадиметов Холматвай Махкамбаевич, физика-математика фанлари доктори, профессор.
Диссертация бажарилган муассаса номи: Фарғона политехника институти.
ИК фаолият кўрсатаётган муассаса номи, ИК рақами: Ўзбекистон Миллий университети ҳузуридаги DSc.03/30.12.2019.FM.01.02 рақамли илмий кенгаш.
Расмий оппонентлар: Ҳаётов Абдулло Рахмонович, физика-математика фанлари доктори, профессор; Худойберганов Мирзоали Уразалиевич, физика-математика фанлари доктори, доцент.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади умумлашган Абел интеграл тенгламасини тақрибий ечиш учун оптимал квадратур формула қуриш ва уларнинг хатолик функционалларини дифференциалланувчи функциялар синфларда нормаларини ҳисоблашдир.
III. Тадқиқотнинг илмий янгилиги:
Соболев фазосида Абел интеграл тенгламасининг тақрибий ечими учун квадратур формулаларнинг хатолик функционали нормасининг квадрати ҳисобланган; 
Соболев фазосида Абел интеграл тенгламасининг тақрибий ечими учун оптимал квадратур формулаларнинг мавжудлиги ва ягоналиги исботланган, ҳамда ушбу тенгламани ечиш учун сонли алгоритм ишлаб чиқилган;
 фазосида биринчи тур Абел типидаги интеграл тенгламаларни тақрибий ечиш учун ,  ва  ҳолларда квадратур формулаларнинг оптимал коэффициентлари топилган;
 фазосида Абел типидаги тенгламаларнинг тақрибий ечимларини топиш ва ечимларнинг хатолигини баҳолаш учун дастур яратилган. 
IV. Тадқиқот натижаларининг жорий қилиниши. Соболев фазосида умумлашган Абел типидаги интеграл тенгламаларни тақрибий ечиш учун оптимал алгоритмни ҳосил қилиш бўйича олинган илмий натижалар асосида: 
Соболевнинг - тартибли ҳосиласи квадрати билан жамланувчи функциялар фазосида Абел интеграл тенгламаларини ечиш учун берилган алгоритмлардан ва қурилган оптимал квадратур формуладан ОТ-Ф-3-19 – “Энергия ўзгаришининг иссиқлик циклларига асосланган қуёш энергетик қурилмалари учун янги типдаги фундаментал тадқиқотларни ривожлантириш” фундаментал лойиҳасида энергия ўзгартиришнинг иссиқлик циклларига асосланган қуёш энергетик қурилмаларида иссиқлик тарқалиш тенгламаларини ечиш учун сингуляр интегралларни хисоблашда фойдаланилган (Фарғона политехника институтининг 2021 йил 17 июлдаги маълумотномаси). Натижада, энергия ўзгартиришнинг иссиқлик циклларига асосланган қуёш энергетик қурилмалари учун иссиқлик тарқалиш тенгламаларини ечиш учун сингуляр интегралларни ҳисоблаш имконини берган;
 фазосида сингуляр интеграл тенгламаларни тақрибий ечиш учун қурилган квадратур формулалардан МВ-Атех-2018-94 “Чўл ерлари учун турғунлиги оширилган универсал-чопиқ тракторининг конструктив ва технологик параметрларини ишлаб чиқиш” фундаментал лойиҳасида турғунлиги оширилган тракторнинг конструктив, технологик параметрларини аниқлашда дифференциал тенгламалар, интеграл тенгламалар ечимини тақрибий ҳисоблашда фойдаланилган (Ўзбекистон Республикаси Фанлар Академиясининг 2022 йил 16 июндаги маълумотномаси). Натижада, дифференциал ва интеграл тенгламаларнинг тақрибий ечими турғунлиги оширилган тракторнинг конструктив, технологик параметрларини аниқлаш имконини берган.