Рустамова Нигора Рустамовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Картошка ковлагич машинаси комбинациялашган қазиш ишчи органининг параметрларини асослаш», 05.07.01 - Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2019.2.PhD/T1207     
Илмий раҳбар: Маматов Фармон Муртозевич, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Қарши муҳандислик-иқтисодиёт институти, PhD.03/30.06.2020.Т.111.02. 
Расмий оппонентлар: Тўхтақўзиев Абдусалим, техника фанлари доктори, профессор; Абдурахмонов Ўрол Нурматович, техника фанлари номзоди, доцент.
Етакчи ташкилот: «Тошкент ирригация ва қишлоқ хўжалигини механизациялаш муҳандислари институти» миллий тадқиқот университетининг Қарши ирригация ва агротехнологиялар институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади иш унумини ошириш ва юқори сифат кўрсаткичларини таъминлайдиган картошка ковлагич комбинациялашган қазиш ишчи органининг параметрларини асослаш. 
III. Тадқиқотнинг илмий янгилиги: 
лемехлар, ўнг ва чап шнеклар ва бўлгичдан ташкил топган комбинациялашган қазиш ишчи органи билан жиҳозланган картошкани йиғиштириб олиш машинасининг конструктив схемаси тупроқ палахсасини жадал парчаланиши ва уни лемех олдида тўпланмаслигини ҳисобга олиниб ишлаб чиқилган;
комбинациялашган қазиш ишчи органи лемехининг кенглиги тупроқни минимал қамраб олган ҳолда пуштада жойлашган туганакларни тўлиқ ковлашни таъминлаш, горизонтга нисбатан оғиш бурчаги эса лемех билан кесиладиган палахсанинг таянч кучи қийматини минимал бўлиши шартидан келиб чиққан ҳолда аниқланган; 
комбинациялашган қазиш ишчи органи шнекининг кинематик иш режими кўрсатгичи, диаметри ва ўрамлар қадами картошкани шикастланмасдан тупроқ палахсасини эркин деформацияланиши ва силжитилишини ҳисобга олган ҳолда аниқланган;
бўлгичнинг параметрлари картошкали массани шнек ўрамлари томонга кам энергия сарф қилган ҳолда силжитишини ҳисобга олган ҳолда асосланган. 
IV. Тадқиқот натижаларининг жорий қилиниши: Картошка ковлагичнинг комбинациялашган қазувчи ишчи органи параметрларини асослаш бўйича олинган натижалар асосида:
комбинациялашган қазувчи ишчи органли картошка ковлагич машинасига дастлабки талаблар ва техник топшириқ тасдиқланган (Қишлоқ хўжалиги вазирлигининг 2022 йил 3 августдаги 07/24-04/5230-сон маълумотномаси). Натижада, картошкани агротехник талаблар даражасида ковлашни амалга оширадиган иш сифати юқори комбинациялашган қазувчи ишчи органли картошка ковлагичнинг конструкциясини ишлаб чиқиш имконияти яратилган;
комбинациялашган қазувчи ишчи органли картошка ковлагич машинаси Қашқадарё вилояти Шаҳрисабз тумани фермер хўжаликларида жорий этилган (Қишлоқ хўжалиги вазирлигининг 2022 йил 3 августдаги 07/24-04/5230-сон маълумотномаси). Натижада картошкани ковлашда ёнилғи сарфи 21,5 фоизга, меҳнат сарфи 21,6 фоизга ва фойдаланишдаги харажатлар 20,0 фоизга камайган;
ишлаб чиқилган картошка ковлагич машинасининг саноат нусхаларини ишлаб чиқиш ва тайёрлаш учун дастлабки талаблар, техник топшириқ ва лойиҳа-конструкторлик ҳужжатлари (техникавий шартлар ва чизмалар) «BMKB-Agromash» АЖ да лойиҳалаш жараёнига жорий этилган (Қишлоқ хўжалиги вазирлигининг 2022 йил 3 августдаги 07/24-04/5230-сон маълумотномаси). Натижада асосланган параметрларга эга картошка ковлагичнинг саноат нусхаларини ишлаб чиқариш имкони яратилган.