Абдусаттаров Бунёд Каримжоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Пахта сепаратори учун янги ишчи органлар конструкциясини ишлаб чиқиш ва параметрларини асослаш” 05.02.03 - Технологик машиналар. Роботлар, мехатроника ва робототехника тизимлари.
Диссертация мавзуси рўйхатга олинган рақам: № В2022.2.PhD/Т2861. 
Илмий раҳбар: Саримсақов Олимжон Шарибжонович, техника фанлари доктори, профессор. 
Диссертация бажарилган муассаса номи: Наманган муҳандислик-технология институти.
ИК фаолият кўрсатаётган муассаса номи, ИК рақами: Наманган муҳандислик-технология институти PhD.03/30.12.2019.Т.66.01
Расмий оппонентлар: Ахмедходжаев Хамит Турсунович, техника фанлари доктори, профессор; Расулов Рўзимурод техника фанлари доктори, профессор;
Етакчи ташкилот: Андижон машинасозлик институти
Диссертация йўналиши: назарий ва амалий аҳамиятга молик.
II. Тадқиқотнинг мақсади: пахтани ҳавода ташиш тизимидаги сепаратор қурилмаси конструкциясини такомиллаштириш орқали пахта хомашёсининг табиий сифат кўрсаткичларини сақлаган ҳолда ажратиб олиш ва иш унумдорлигини оширишдан иборат.
III. Тадқиқотнинг илмий янгилиги: пневмотранспорт тизимида пахтани ҳаводан ажратиш жараёнида пахтага таъсир қилувчи кучларнинг сепаратор ишчи камераси элементларига таъсирини инобатга олган ҳолда тўрли юзага ҳаракат бериш орқали пахтани ҳаводан механик шикаст етказмай ажратишга эришилган;
сепараторнинг ишчи камерасида айланма ҳаракат қилувчи тўрли сиртга ёпишган пахтанинг қўзғалмас сидиргич таъсиридаги ҳаракат траекторияси аниқланган ҳамда тўрли сиртнинг радиал стерженларга кўп киримли спирал шаклида маҳкамланган ясси симдан таркиб топган конструкцияси ишлаб чиқилган;
ишчи камерада тўрли юзага ёпишган пахтанинг қўзғалмас сидиргич бўйлаб ҳаракати траекториясини инобатга олиб, сидиргичнинг тўрли сирт текислигига нисбатан қия ҳамда сиртининг тўрли юзага нисбатан қабариқ қилиб тайёрланган конструкцияси ишлаб чиқилган;
сепаратор ишчи камерасида тўрли юзадан пахтани ажратиб олиш учун тўрли сиртнинг пахтани тўр ортига тортувчи аэродинамик кучнинг минимал, тўрли сирт фойдали юзасининг максимал бўлишини таъминлайдиган  винт қадами ва ясси сим қалинлиги аниқланган;
тўрли сиртнинг кўп киримли спирал шаклида тайёрланиши ва сидиргичнинг юзасига нисбатан қия ўрнатилиши натижасида пахтани тўрли юза билан учрашиш вақтини камайтиришга ҳамда иш унумининг ортишига эришилган.
IV. Тадқиқот натижаларининг жорий қилиниши: Пахтани ташувчи ҳаводан ажратиб берувчи сепаратор ишчи органларининг янги конструкцияларини ишлаб чиқиш бўйича олинган натижалар асосида: 
пахтани ҳаводан ажратувчи сепаратор қурилмаси «Ўзпахтасаноат» АЖ тасарруфидаги корхоналарда, жумладан, “Наманган пахта текс” МЧЖга қарашли “Косонсой пахта тозалаш” корхонасида ишлаб чиқаришга жорий этилган (“Ўзпахтасаноат” АЖ нинг 2021 йил 14 июлдаги ФТ18/1477-сонли маълумотномаси). Натижада пахта толаси таркибидаги ифлослик ва нуқсонли аралашмалар массавий улушини 0,8 %га камайтиришга, толанинг йўқолиши пахтанинг I-II навларида 0,3% дан 0,1% га ҳамда III-IV-V навларда эса 2,18% дан 1% га камайишига эришилган.