Абсаламов Рашид Амировичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Энергетика соҳасининг электр кабел тармоқларида ёнғинларнинг олдини олиш усулларини такомиллаштириш”, 05.10.02 – Фавқулодда ҳолатларда хавфсизлик. Ёнғин, саноат, ядро ва радиация хавфсизлиги диссертация мавзуси рўйхатга олинган рақам:В2022.1.PhD/Т1238.
илмий раҳбар: Бердиев Кабул Раимович, техника фанлари бўйича фалсафа доктори (PhD), профессор.
Диссертация бажарилган ташкилот номи: Ўзбекистон Республикаси Фавқулодда вазиятлар вазирлиги Академияси.
ИК фаолият кўрсатаётган ташкилот номи, ИК рақами: Ўзбекистон Республикаси Фавқулодда вазиятлар вазирлиги Академияси ҳузуридаги 
PhD 40/30.12.2020.Т.129.01. рақамли Илмий кенгаши.
Расмий оппонентлар: Р.И.Исмаилов – И.Каримов номидаги Тошкент давлат техника университети профессори, техника фанлари доктори, профессор; Р.Р.Нурмаматова – Қарши Давлат университети доценти, техника фанлари бўйича фалсафа доктори (PhD), доцент.
Етакчи ташкилот: Фарғона политехника институти.
II. Тадқиқотнинг мақсади электр кабел тармоқларида ёнғинларнинг олдини олиш учун кабелларда аланганинг тарқалишини таҳлил қилиш ҳамда оловбардош полимер композитлар орқали кабел тармоқларида ёнғин хавфини пасайтиришнинг иқтисодий ва оптимал усулларини такомиллаштиришдан иборат.
III.Тадқиқотнинг илмий янгиликлари:
таклиф этилаётган янги намунадаги полимер композитларнинг физик-механик хусусиятларининг мустаҳкамлиги 12-15% гача, зичлиги 10% гача, чўзилишига нисбатан 20% гача, сиқилиш ва букилишга бўлган хусусиятлари 7-10% гача, совуққа бардошлилиги -30 °С гача, масса йўқотиши 3,5-5%гача яхшилаш усуллари ишлаб чиқилган;
полимер композит таркиблари инсон организмига таъсир қилувчи (HCl) водород хлорид газининг амалдаги соҳавий меъёрий стандарт талабларига мувофиқ рухсат этилган чегара концентрациясидан 40%га камайтирилганлиги ва тутун ҳосил қилиш коэффициенти ўртача туташ хоссасига эга эканлиги илмий жиҳатдан асосланган;
таклиф этилаётган янги намунадаги оловбардош полимер композитлар таркиблари билан қопланган кабель намуналарига 750-800°С оралиғида аланга таъсирида оловбардош кокс қоплама ҳосил қилиши орқали,  таклиф этилаётган намунадаги кабель изоляциясининг ҳимоя қилиш хусусияти 70-90 дақиқагача сақланиб қолинишига эришилган; 
полимер композитлар билан қопланган намунадаги электр кабелининг аланга тарқалиши аниқланмади, таклиф этилаётган янги намунадаги кабель изоляциясида оловбардош кокс ҳосил қилиб, аланганинг таъсирида изоляция шикастланиши 14 ммдан ошмаслиги ва амалдаги кабелларга нисбатан аланганинг тарқалиши 30%гача камайтириш имконияти яратилган.
IV.Тадқиқот натижаларининг жорий қилиниши. Илмий иш натижалари асосида олинган кабел симларининг изоляцияси учун маҳаллий хом ашёлар асосидаги полимер композитли оловбардош қопламалар таркиби ишлаб чиқилган ва олинган илмий натижалар асосида:
янги оловбардош композиция билан электр кабелларини ишлаб чиқиш учун Ўзбекистондаги СП ОО “UZERAECABLE”дан 2022 йил 19 февралдаги 21-сонли ва СП ОО “TECHNO CABLE GRUP”дан 2022 йил 18 мартдаги 32-сонли корхоналар томонидан жорий этилишига далолатнома ва тегишли тартибдаги ҳужжатлар олинган. Бундан ташқари, Ўзбекистон Республикаси Фавқулодда вазиятлар вазирлиги томонидан 2022 йил 1 августдаги 8/4/36-2/56-сон маълумотномаси олинган.Натижада импорт ўрнини босувчи маҳаллий хомашёлар асосидаги янги оловбардош таркиблар билан электр кабелларни ишлаб чиқариш имконини берган.