Арипова Васила Бахтияровнанинг
фалсафа доктори (PhD) диссертацияси ҳимояси ҳақида эълон 

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Мактабгача ёшдаги болаларни ҳаракатли ўйинлар орқали жисмоний сифатларини ривожлантириш”, 13.00.04 – Жисмоний тарбия ва спорт машғулотлари назарияси ва методикаси (педагогика фанлари).
Диссертация мавзуси рўйхатга олинган рақам: В2020.4.PhD/Ped2018.
Диссертация бажарилган муассаса номи: Ўзбекистон давлат жисмоний тарбия ва спорт университети.
ИК фаолият кўрсатаётган муассаса (муассасалар) номи, ИК рақами: Ўзбекистон давлат жисмоний тарбия ва спорт университети, DSc.03/30.12. 2019.Ped 28.01.
Илмий раҳбар: Ярашев Комилжон Дехканович педагогика фанлари номзоди, профессор.
Расмий оппонентлар: Усмонходжаев Талъат Саидович, педагогика фанлари доктори, профессор; Абдуллаев Мехриддин Жунайдиллаевич, педагогика фанлари бўйича фалсафа доктори (PhD), профессор.
Етакчи ташкилот: Чирчиқ давлат педагогика университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади мактабгача ёшдаги болаларнинг ҳаракатли ўйинлардан ва ноанъанавий гимнастика машғулотларидан фойдаланиш орқали жисмоний сифатларини ривожлантиришдан иборат.
III. Тадқиқотнинг илмий янгилиги:
мактабгача ёшдаги болаларнинг жисмоний сифатларини ривожлантириш учун ҳаракатли ўйинларнинг турлари, хусусияти, бажарилишини инобатга олиб уларни жуфтлик ёки яккаликдаги оддий ҳамда мураккаб ҳаракатларни ижодий, сюжетли, спорт элементлари бўйича мақсадли танлаш ва йўналтиришга қаратилган картотекасини ишлаб чиқиш ҳисобига жисмоний кўрсаткичларини ривожлантириш имконияти кенгайтирилган;
машғулотлар жараёнида ноанъанавий гимнастика (калланетика ва бодифлей) орқали бўғимларни ортиқча юклама бермасдан мушаклар тизимини мукаммал даражада мустаҳкамлаш ва нафас олиш билан биргаликда статик ҳолатда мушаклар таранглигини мутаносиб ривожлантиришга қаратилган микромашғулотларни ишлаб чиқиш ҳисобига қадди-қоматни шакллантириш имконияти кенгайтирилган;
мактабгача ёшдаги болалар учун белгиланган асосий ҳаракат турларини бажаришда мушакларни эластик чўзилувчанлигини оширишга қаратилган гимнастика турларидан ташкил топган соғломлаштирувчи стречинг ва кичик мушак гуруҳларини ривожлантиришга қаратилган болалар йога машғулотларини киритиш ҳисобига ҳаракат фаоллиги ривожлантирилган; 
мактабгача таълим ташкилоти тарбияланувчиларининг жисмоний қобилиятларини ривожлантиришга қаратилган ҳаракатли ўйинларга ўргатиш бўйича зарурий ҳаракат фаолиятини ривожланганлик даражаси бўйича машғулотнинг “Қувноқ ўйинлар” дастури ишлаб чиқилган.
IV. Тадқиқот натижаларининг жорий қилиниши. Мактабгача ёшдаги болаларнинг жисмоний қобилиятларини ҳаракатли ўйинлар орқали ривожлантириш бўйича ўтказилган тажрибалар асосида:
мактабгача ёшдаги болаларнинг жисмоний сифатларини ривожлантириш учун ҳаракатли ўйинларнинг турлари, хусусияти, бажарилишини инобатга олиб уларни мақсадли танлаш ва йўналтиришга қаратилган ҳаракатли ўйинлар картотекасини қўллаш бўйича таклифлар “Жисмоний тарбия ва спорт (Гимнастика)” номли ўқув қўлланма мазмунига сингдирилган (Ўзбекистон Республикаси Олий ва ўрта махсус таълим вазирлигининг 2021 йил 20 октябрдаги 441-сон, 441-028 рақамли гувохнома). Натижада мактабгача ёшдаги болаларнинг жисмоний қобилиятлари 10,5%га яхшиланган;
машғулотлар жараёнида ноанъанавий гимнастика (калланетика ва бодифлей) орқали буғимларни ортиқча юклама бермасдан мушаклар тизимини мукаммал даражада мустаҳкамлаш ва нафас олиш билан биргаликда статик ҳолатда мушаклар таранглигини мутаносиб ривожлантиришга қаратилган микромашғулотларни қўллаш бўйича таклифлар Учтепа тумани 604-сонли давлат мактабгача таълим ташкилоти жисмоний тарбия машғулотлар жараёнига жорий қилинган (Ўзбекистон Республикаси Туризм ва спорт вазирлигининг 2021 йил 29 июлдаги 03-17-02-3354-сон маълумотномаси). Натижада болалар қадди-қомати 25% га  тўғри шаклланишига эришилган;
мактабгача ёшдаги болалар учун белгиланган асосий ҳаракат турларини бажаришда мушакларни эластик чўзилувчанлигини оширишга қаратилган стречинг ва болалар йога машғулотларини қўллаш бўйича таклифлар Учтепа тумани 604-сонли давлат мактабгача таълим ташкилоти жисмоний тарбия машғулотлар жараёнига жорий қилинган (Ўзбекистон Республикаси туризм ва спорт вазирлигининг 2021 йил 29 июлдаги 03-17-02-3354-сон маълумотномаси). Натижада мактабгача ёшдаги болаларнинг жисмонан ривожланиши бўйича ҳаракат фаоллиги 10.5% га ўзгарган; 
мактабгача таълим ташкилоти тарбияланувчиларининг жисмоний қобилиятларини ривожлантиришга қаратилган ҳаракатли ўйинларга ўргатиш бўйича “Қувноқ ўйинлар” дастури “Жисмоний тарбия ва спорт (Гимнастика)” номли ўқув қўлланма мазмунига сингдирилган (Ўзбекистон Республикаси Олий ва ўрта махсус таълим вазирлигининг 2021 йил 20 октябрдаги 441-сон буйруғи, 441-028-рақамли гувохнома). Натижада Учтепа тумани жисмоний тарбия йўналиши бўйича ишларни ташкил этиш ўртача 10% га ошишига эришилган.