Норбоев Ўткир Акбаралиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Линтерни самарадорлигини оширишда такомиллаштирилган аралаштиргични ишлаб чиқиш”, 05.06.02- “Тўқимачилик материаллари технологияси ва хомашёга дастлабки ишлов бериш” ихтисослиги.
Диссертация мавзуси рўйхатга олинган рақам: №В2021.4.PhD/Т2523.
Илмий раҳбар: Сулаймонов Рустам Шенникович, техника фанлари доктори, профессор.
Диссертация бажарилган муассаса номи: “Пахтасаноат илмий маркази” АЖ.
ИК фаолият кўрсатаётган муассаса номи, ИК рақами: “Пахтасаноат илмий маркази” акциядорлик жамияти, DSc.30/30.11.2021.Т.141.01.
Расмий оппонентлар: Мадумаров Илхом Дадахонович, техника фанлари доктори, профессор, Джамолов Рустам Камолидинович, техника фанлари доктори, профессор.
Етакчи ташкилот: Фарғона политехника институти.
Диссертация йўналиши: амалий аҳамиятга молик.
II. Тадқиқотнинг мақсади. Чигитни самарали линтерлаш технологиясини таъминлайдиган такомиллаштирилган линтерни ишлаб чиқишдан иборат.
III. Тадқиқотнинг илмий янгилиги:
линтер парраклари билан вал оралиғи беркитилган, парракларга резина ўрнатилган ва резина билан аррали цилиндр оралиқ масофасининг муқобил катталиги танланган янги конструкцияли аралаштиргич асосида такомиллаштирилган ускуна ишлаб чиқилган; 
линтерлаш зонасида чигит сиртидан момиқни қириб олишнинг жадаллашиши, чигит шикастланишини ва момиқ ифлослигининг камайиши аралаштиргич икки парраги оралиғидаги массали чигитни аррали цилиндр юзасига берадиган босим кучлари оқимининг сиқилиши ва силжиши назарий асосланган;
самарали линтерлаш жараёни, чигит ва момиқ сифатининг яхшиланиши аралаштиргич парраклардаги резина қалинлигини, қаттиқлик коэффициентини,  резинани парраклардан ташқарига чиқиши баландлигини ва резина билан аррали цилиндр оралиқ масофасини инобатга олган ҳолда аралаштиргичнинг параметрлари асосланган;
линтерни иш унумдорлигига, ишлаб чиқарилган чигит ва момиқнинг миқдорига таъсир этувчи аралаштиргичнинг конструктив ва технологик каттликлари кўп омилли тажриба натижалари асосида аниқланган. 
IV. Тадқиқот натижаларининг жорий қилиниши. Пахта- тўқимачилик кластери пахта тозалаш корхоналарида чигитни линтерлашда самарадорлиги юқори бўлган ускуналарни яратиш бўйича олинган илмий натижалар асосида:
пахта чигитини линтерлаш технологияси ва ускунаси «Пахта-тўқимачилик кластерлари» уюшмаси тасарруфидаги корхонага, жумладан Жиззах вилояти Дўстлик тумани “САНГЗОР ТЕКСТИЛ” МЧЖ пахта тозалаш корхонасига жорий этилган («Ўзбекистон пахта-тўқимачилик кластерлари» уюшмасининг  2022 йил 15 августдаги 02/22-497-сон маълумотномаси). Натижада юқори ва паст навли чигитни линтерлашда линтернинг чигит бўйича иш унумдорлигини ўртача 47 kg/h ва 46 kg/hга, момиқ бўйича иш унумдорлигини ўртача 2,8  kg/h ва 3,1 kg/hга ошириш имкони яратилган;
такомиллаштирилган 5ЛП линтери «Пахта-тўқимачилик кластерлари» уюшмаси тасарруфидагикорхонага, жумладан Жиззах вилояти Дўстлик тумани “САНГЗОР ТЕКСТИЛ” МЧЖ пахта тозалаш корхонасига жорий этилган («Ўзбекистон пахта-тўқимачилик кластерлари» уюшмасини 2022 йил 15 августдаги 02/22-497-сон маълумотномаси).Натижада юқори ва паст навли  чигитларни линтерлашда чигитнинг шикастланиши ўртача 0,38 (абс)% дан 0,85 (абс)%га, момиқдаги ифлос аралашмалар ва бутун чигитларнинг массавий улушини ўртача 0,62 (абс)% дан 0,37 (абс)%га камайтириш ҳамда ишлаб чиқарилаётган чигит ва момиқ сифатини яхшилаш имкони яратилган.