Кувшинова Маргарита Феликсовнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Учбош-Қарши флексура-узилмали зонасининг геологик-геофизик модели ва юра-палеозой оралиғининг нефть-газлилигини башоратлаш», 04.00.07 – Нефть ва газ конлари геологияси, уларни қидириш ва разведка қилиш (геология-минералогия фанлари).
Диссертация мавзуси рўйхатга олинган рақам: В2022.2.PhD/GM138.
Илмий раҳбар: Абдуллаев Ғайбулла Сайфуллаевич, геология-минералогия фанлари доктори, профессор.
Диссертация бажарилган муассаса номи: Нефть ва газ конлари геологияси ҳамда қидируви институти ДМ.
ИК фаолият кўрсатаётган муассаса номи, ИК рақами: Нефть ва газ конлари геологияси ҳамда қидируви институти ДМ, DSc.24/30.12.2019.GM.41.01.
Расмий оппонентлар: Юлдашев Ғофур, геология-минералогия фанлари доктори; Атабаев Дилшод Хусанбаевич, геология-минералогия фанлари доктори.
Етакчи ташкилот: Геология ва геофизика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: сейсмик разведканинг МОГТ-2D ва 3D материалларини бурғилаш маълумотларига боғлаган ҳолда системали қайта изоҳлаш асосида Учбош-Қарши флексура-узилмали зонасининг юра-палеозой интервалининг ички тузилишини ва нефтгазлилик истиқболини аниқлашдан иборат.
III. Тадқиқотнинг илмий янгилиги:
тадқиқ қилинаётган объектнинг геологик-геофизик модели ишлаб чиқилди, у тенг масофада кетма-кет жойлашган кўндаланг ва квазикўндаланг сейсмогеологик кесмалар ҳамда асосий структуравий юзалар бўйича асосида тузилган структуравий-тектоник хариталар мажмуаси ишлаб чиқилган;
геодинамиканинг остки сурилма-силжимали хусусиятига мос ҳолда ўзаро туташган қия ва сурилма- узилмали бузилишларнинг яхлит системаси аниқланди ва харитага туширилди, уларнинг 4 та сегментга бирлаштирилган 16 та алоҳида участкалардан иборатлиги исботланган;
юра-палеозой оралиғининг углеводород потенциали аниқланди, у ўз ичига ўрта-юқори юра карбонат ётқизиқларидаги тектоник тўсилган тутқичлар гуруҳига эга бўлган нефть ва газ конларини ҳамда  кесим бўйича пастроқда ётган ўрта-юқори юра ётқизиқларидаги башорат қилинган қийиқланиш зоналари ва дарё ўзани фацияларини, туташган палеозой локал антиформалари ҳамда метаморфик ва гранитоид массивларнинг кўмилган эрозион дўнгликларини ўз ичига олиши аниқланган;
барча турдаги локал объектларни ва узилмали-бузилишлар тизимини ҳамда улар таъсирида ҳосил бўлган блокларнинг маҳаллий шаклини ҳисобга олган ҳолда Учбош-Қарши флексура-узилмали зонасидаги юра-палеозой оралиғининг углеводород потенциалини келгусида ўзлаштириш йўналишлари ишлаб чиқилган.
IV. Тадқиқот натижаларининг жорий қилиниши:
Учбош-Қарши флексура-узилмали зонанинг ишлаб чиқилган геологик-геофизик модели бўйича юра-палеозой оралиқларида бўйича олинган илмий натижалар асосида:
ахраб структурасининг таянч горизонтлари бўйича тузилган структура хариталари «Ўзбекгеофизика» АЖда амалиётга жорий қилинган (Ўзбекистон Республикаси Давлат геология қўмитасининг 2022 йил 22 июлдаги 04-3486-сон маълумотномаси). Натижада, ўрта-юкори юра даври карбонат ётқизиқлари торкибиди аниқланган Ахраб структураси аниқ хариталанди ва унинг структуравий тузлишини Ўчбош-Қарши флексура-узилмали зона билан назорат қилиш имконини берган;
локал Улуюк структурасида МОГТ-2D дала сейсмик разведка ишларининг энг мақбул тизими «Ўзбекгеофизика» АЖда амалиётга жорий қилинган (Ўзбекистон Республикаси Давлат геология қўмитасининг 2022 йил 22 июлдаги 04-3486-сон маълумотномаси). Натижада, кам иқтисодий харажатлар билан сейсмик маълумотларнинг ахборот мазмунини ошириш имконини берган;
истиқболли Янги Зекри структурасини чуқур бурғилашга тайёрлаш мақсадида муфассал-излов сейсмик разведка ишларини ўтказиш бўйича тавсия «Ўзбекгеофизика» АЖда амалиётга жорий қилинган (Ўзбекистон Республикаси Давлат геология қўмитасининг 2022 йил 22 июлдаги 04-3486-сон маълумотномаси). Натижада,  Янги Зекри геологик модели қурилди ва структураси чуқур бурғилашга тайёрлаш учун тавсия этилган, бунинг натижасида углеводород хом ашёси ресурслари миқдорини орттириш имконини берган.