O‘zbekiston Respublikasi Prezidenti Sh.M.Mirziyoev rahbarligida 2022 yil 4 avgust kuni kengaytirilgan tarzda o‘tkazilgan videoselektor yig‘ilishining 61-sonli bayonining 11-bandi ijrosini ta’minlash maqsadida Oliy attestatsiya komissiyasi tomonidan Yosh mutaxassislarni tanlash dasturi loyihasi ishlab chiqilib, OAK Rayosatining 2022 yil 30 sentyabrdagi 325/9.2-son qarori bidan tasdiqlandi.
Dasturning maqsadi – oliy malakali ilmiy va ilmiy-pedagog kadrlar attestatsiyasi bo‘yicha tashkilot faoliyatiga eng munosib kadrlarni tanlash va istiqbolli kadrlarni tayyorlashni tizimli yo‘lga qo‘yish hamda OTM bitiruvchilarini faoliyati samaradorligini oshirishdan iborat.
Mazkur dastur bilan https://oak.uz/pages/5230 manzili orqali tanishish mumkin.
Yosh mutaxassislarni OAK Axborot-tahlil bo‘limi, Monitoring bo‘limi hamda Axborot-kommunikatsiya texnologiyalarini joriy etish va rivojlantirish markazi DUKda stajirovkadan o‘tkazish ko‘zda tutilgan.
Talabgorlarga qo‘yiladigan asosiy talablar: kompyuter texnologiyalari, dasturlash tillari hamda ma’lumotlar bazalari bilan ishlashni bilishi; iqtisodiy bilim asoslarini mukammal bilishi; davlat tili va xorijiy tilni bilishi.
Stajirovkadan o‘tish bo‘yicha arizalarni info@oak.uz elektron pochta orqali taqdim etish mumkin.
Izoh: Arizada quyidagi ma’lumotlar keltiriladi: F.I.O, tug‘ilgan yili, tahsil olayotgan oliy ta’lim muassasasi nomi, ta’lim bosqichi va magistratura (bakalavriatura) mutaxassisligi (yo‘nalishi), talablarda ko‘rsatilgan masalalarga qisqacha tasnif va bog‘lanish ma’lumotlari.