Фарманов Беҳзод Илҳомовичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Табиий газга бирламчи ишлов бериш риформингида маҳаллий катализаторларни ишлаб чиқиш», 02.00.13 - Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2020.2.PhD/Т1523.
Илмий раҳбар: Дадаходжаев Абдулла Турсунович, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Умумий ва ноорганик кимё институти, DSc.02/30.12.2019.K/T.35.01.
Расмий оппонентлар: Гуро Виталий Павлович, кимё фанлари доктори, профессор; Сафаров Ёдгор Тоирович, техника фанлари бўйича фалсафа доктори (PhD), доцент.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: таркибида саноат чиқинди катализаторлари асосида табиий газни бирламчи риформинг қилиш учун самарали юқори мустаҳкамликка эга катализаторни олишнинг маҳаллийлашган мақбул технологиясини ишлаб чиқишдан иборат.
III. Тадқиқотнинг илмий янгилиги:
технологик параметрларнинг экстракция даражаси ва чиқинди катализаторлардан ажратиб олинган никел эритмалари таркибига таъсири аниқланган;
никел нитратнинг юқори сифатли эритмаларини олишга имкон берувчи техник ечимлари ишлаб чиқилган;
буғ ҳосил қилувчи қўшимчалар, калций ва магний оксидлари нисбатларининг катализаторлар учун ташувчи хусусиятларига таъсири аниқланган;
юқори мустаҳкам ва кам гидравлик қаршиликка эга ташувчисини олиш усули ишлаб чиқилган;
никел оксидини қайта ишлайдиган ташувчида никелни ўз ичига олган катализатор олишнинг мақбул технологик параметрлари аниқланган.
IV. Тадқиқот натижаларининг жорий қилиниши: 
Никель тутган катализаторни олиш технологиясини ишлаб чиқиш бўйича олинган илмий натижалар асосида:
ГИАП-8 саноат чиқинди катализаторларидан никелни ажратиб олиш ва эритмаларини юқори сифатда тозалаш технологияси "ОКМК" АЖнинг “2024-2025 йилларда амалиётга жорий этиш бўйича истиқболли ишланмалар рўйхати"га киритилган ("ОКМК" АЖнинг 2022 йил 17 майдаги АА-003593-сон маълумотномаси). Натижада, чиқинди катализаторларнинг эритмаларидан фойдаланган ҳолда никелли катализаторларни олиш имконини беради;
ГИАП–8 нинг чиқинди катализаторларидан табиий газни бирламчи риформинг қилиш учун никел ўз ичига олган катализаторни олиш технологияси "ОКМК" АЖнинг “2024-2025 йилларда амалиётга жорий этиш бўйича истиқболли ишланмалар рўйхати"га киритилган ("ОКМК" АЖнинг 2022 йил 17 майдаги АА-003593-сон маълумотномаси). Натижада, ушбу технологиянинг жорий этиш саноатни ўз катализаторлари билан аммиак олиш учун синтез газини ишлаб чиқаришни таъминлайди ва бу жараёнда GTL жараёнида суюқ ёқилғи ишлаб чиқариш учун катализаторлар импортини камайтириш имконини беради.