Raxmonov Farhod Do‘stmurodovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Yuqori tartibli xususiy hosilali differensial tenglamalar uchun nolokal masalalar», 01.01.02 – Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2022.3.PhD/FM305 
Dissertatsiya bajarilgan muassasa nomi: Mirzo Ulug‘bek nomidagi O‘zbekiston Milliy universiteti.
IK faoliyat ko‘rsatayotgan muassasa nomi, IK raqami: V.I.Romanovskiy nomidagi Matematika instituti huzuridagi DSc.02/30.12.2019.FM.86.01 raqamli Ilmiy kengash.
Ilmiy rahbar: Yuldashev Tursun Kamaldinovich, fizika-matematika fanlari doktori, dotsent.
Rasmiy opponentlar: Taxirov Jozil Ostanovich, fizika-matematika fanlari doktori, professor; Qodirqulov Baxtiyor Jalilovich, fizika-matematika fanlari doktori.
Yetakchi tashkilot: Xo‘ja Axmad Yassaviy nomidagi Xalqaro Qozoq-Turk universiteti (Qozog‘iston).
Dissertatsiya yo‘nalishi: nazariy ahamiyatga molik.
II. Tadqiqotning maqsadi yuqori tartibli xususiy hosilali differensial va integro-differensial tenglamalar uchun nolokal to‘g‘ri va teskari masalalarning konstruktiv echimini qurishdan iboratdir.
III. Tadqiqotning ilmiy yangiligi:
bir jinsli yuqori tartibli bir fazoviy argumentli xususiy hosilali differensial, integro-differensial va aralash turdagi tenglamalar uchun yangi chegaraviy masalalarning bir qiymatli echilishi isbotlangan;
parametrning regulyar qiymatlarida yuqori tartibli ikki fazoviy argumentli xususiy hosilali differensial, integro-differensial va aralash tenglamalar uchun chegaraviy va aralash teskari masalalarning bir qiymatli echilishi isbotlangan;
yuqori tartibli xususiy hosilali ko‘p fazoviy argmentli chiziqsiz differensial va integro-differensial tenglamalar birinchi marta ko‘rilgan va ular uchun teskari masalalarning bir qiymatli echilishi isbotlangan.
IV. Tadqiqot natijalarining joriy qilinishi. Yuqori tartibli xususiy hosilali differensial tenglamalar uchun nolokal masalalar bo‘yicha olingan natijalar asosida:
parametrning regulyar qiymatlarida yuqori tartibli ikki fazoviy argumentli xususiy hosilali differensial, integro-differensial va aralash tenglamalar uchun chegaraviy va aralash teskari masalalarning bir qiymatli echimidan AP09259137 raqamli «Involyutiv almashtirishli integro-differensial tenglamalar uchun ko‘p nuqtali chegaraviy masalalarning echish usullarini ishlab chiqish» mavzusidagi xorijiy grant loyihasida chiziqli va chiziqsiz differensial tenglamalar uchun nolokal chegaraviy masalalarni bir qiymatli echimlarini qurishda foydalanilgan (Xo‘ja Ahmad Yassaviy nomidagi Qozoq-Turk xalqaro universitetining 2022 yil 17 iyundagi №04/1674-sonli ma’lumotnomasi, Qozog‘iston). Ilmiy natijaning qo‘llanishi involyutiv almashtirishli bir jinsli xususiy hosilali differensial tenglamalar uchun ko‘p nuqtali chegaraviy masalalarning bir qiymatli echilishi uchun etarli bo‘lgan shartlarni olishni imkonini bergan;
yuqori tartibli xususiy hosilali ko‘p fazoviy argmentli chiziqsiz differensial va integro-differensial tenglamalar uchun teskari masalalarning bir qiymatli echish usulidan OT-F-4-(36+32) raqamli «Matematik fizika va optimal boshqaruv masalalarini echishning zamonaviy usullarini ishlab chiqish va toq tartibli xususiy hosilali tenglamalar uchun noklassik boshlang‘ich va spektral masalalar va ularning tatbiqlari» mavzusidagi fundamental loyihada xususiy hosilali differensial tenglamalar uchun aralash va chegaraviy masalalarni echishda foydalanilgan (O‘zbekiston Milliy universitetining 2022 yil 13 iyuldagi №04/11-4124-sonli ma’lumotnomasi). Ilmiy natijalarning qo‘llanishi Shturm-Luivull chiziqli differensial tenglamalari uchun chegaraviy masalalar echimlarini topishni imkonini bergan.