Набиев Дилмурод Абдуалиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Терефтал кислота асосида органик пигментлар олиш технологиясини ишлаб чиқиш», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2022.3.PhD/T3006.
Илмий раҳбар: Тураев Хайит Худайназарович, кимё фанлари доктори, профессор.
Диссертация бажарилган муассаса номи: Термиз давлат университети.
ИК фаолият кўрсатаётган муассаса номи, ИК рақами: Термиз давлат университети, PhD.03/30.12.2019.Т.78.01.
Расмий оппонентлар: Мухиддинов Баҳодир Фахриддинович, кимё фанлари доктори, профессор; Нормуродов Бахтиёр Абдуллаевич, техника фанлари бўйича фалсафа доктори (PhD), доцент.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: терефтал кислота асосида металл тутган янги органик пигментларни олиш технологиясини ишлаб чиқишдан иборат.
III. Тадқиқотнинг илмий янгилиги:
янги таркибли органик пигментлар терефтал кислота, карбамид, фтал ангидриди, металл тузлари, ҳамда катализатор асосида синтез қилинган;
мис, кобальт, кальций ва терефтал кислота асосида M-1, M-2, K-1 ва K-2 маркали органик пигментлар олинган;
синтез қилинган терефтал кислота асосидаги фталоцианин пигментлари таркибининг ҳароратга, синтез давомийлигига, дастлабки компонентларнинг нисбатига ва муҳитнинг рН-га боғлиқлиги аниқланган;
синтез қилинган терефтал кислота асосидаги фталоцианин пигментлари механик хоссаларининг сульфат кислота концентрациясига боғлиқлиги аниқланган;
терефтал кислота асосида органик пигментларни олиш жараёни ўрганилганда, терефтал кислота амиди қолдиқлари тутган янги фталоцианин пигментлари ҳосил бўлиши аниқланган;
терефтал кислота асосидаги фталоцианин пигментларининг металл комплекслари олиниши ва улар асосидаги полимер буюмлар ва лок-бўёқ қопламалари эксплуатацион хоссаларининг яхшиланишига олиб келиши аниқланган;
терефтал кислота асосида органик пигментлар олишнинг ресурс тежамкор технологияси ишлаб чиқилган ва уларни ишлаб чиқариш жараёнининг мақбул технологик параметрлари аниқланган.
IV. Тадқиқот натижаларининг жорий қилиниши.
Терефтал кислота асосида органик пигментлар олиш технологиясини ишлаб чиқиш бўйича олинган илмий натижалар асосида:
терефтал кислота асосида синтез қилинган янги органик пигментлар  ишлаб чиқариш технологияси “BMAX BUILDING MATERIALS” МЧЖ Ўзбекистон-Туркия қўшма корхонасида амалиётга жорий қилинган (“BMAX BUILDING MATERIALS” МЧЖ Ўзбекистон-Туркия қўшма корхонасининг 2022 йил 28 апрелдаги 33-сон маълумотномаси). Натижада, терефтал кислота қолдиғи тутган органик пигментлар асосида импорт ўрнини босувчи янги пигментлар олиш имконини берган;  
иккиламчи хомашёлардан олинган терефтал кислота асосида синтез қилинган янги органик пигментлар ишлаб чиқариш технологияси “BMAX BUILDING MATERIALS” МЧЖ Ўзбекистон-Туркия қўшма корхонасида амалиётга жорий қилинган (“BMAX BUILDING MATERIALS” МЧЖ Ўзбекистон-Туркия қўшма корхонасининг 2022 йил 28 апрелдаги 33-сон маълумотномаси). Натижада, иккиламчи хом ашёлардан олинган терефтал кислота асосидаги органик пигментлар иштирокида ПФ-115 маркали эмалнинг намуналарни олиш имконини берган.