Жаниев Хуршид Эшназаровичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ауминза-Белтов тоғлари олтин маъданлашувнинг қидирув мезонлари», 04.00.02 – Қаттиқ фойдали қазилма конларининг геологияси, уларни қидириш ва разведка қилиш. Металлогения ва геокимё (геология-минералогия фанлари).
Диссертация мавзуси рўйхатга олинган рақам: B2020.3.PhD/GМ.86.
Илмий раҳбар: Цой Владимир Деньевич, геология-минералогия фанлари доктори, профессор.
Диссертация бажарилган муассаса номи: «Минерал ресурслар институти» ДМ.
ИК фаолият кўрсатаётган муассаса номи, ИК рақами: «Минерал ресурслар институти» ДМ, DSc.24/30.12.2019.GM.40.01.
Расмий оппонентлар: Турапов Мирали Камалович, геология-минералогия фанлари доктори, профессор; Тангиров Абдимутал Исамитдинович, геология-минералогия фанлари бўйича фалсафа доктори (PhD).
Етакчи ташкилот: Геология ва геофизика институти.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: Ауминза-Белтов маъданли минтақаси ҳудудида яширин маъданлашувга истиқболли майдонларни ажратишнинг башорат-қидирув меъзонлар мажмуасини аниқлаш ҳисобланади.
III. Тадқиқотнинг илмий янгилиги:
АБММ олтин маъданли коналрининг шаклланиши ва жойлашувида аосисй факторлар ва белгиларнинг роли ўрнатилди;
АБММ  геофизик, геокимёвий аномалияларига нисбатан ёриқли бузилмалар зичлиги харитасида олтин маъданлашувининг жойлашуида оптимал шароитлар аниқланди;
Овминза-Белтоғ маъданли минтақасида яширин маъданлашувни башоратлаш меъзонларининг оқилона тўплами аниқланди.
IV. Тадқиқот натижаларининг жорий қилиниши:
Ауминза-Белтов тоғлари ва тоғ олди ҳудудларининг геологик тузилишининг ўзига хос хусусиятлари бўйича олинган илмий тадқиқот натижалари асосида:
олтин маъданлашувининг башоратлаш ва қидирув мезонлари комплекси “Регионалгеология” ДУК амалиётига жорий қилинган (Давлат геология қўмитасининг 2021 йил 14 январдаги 02-18-сон маълумотномаси). Натижалар конларнинг геология қидирув ишлари қамраб олмаган чуқурликдаги маъдан таналарини қидиришни давом эттиришга имкон берган;
ёриқли бузилишлар зичлиги харитаси - “Регионалгеология” ДУК амалиётига жорий қилинган (Давлат геология қўмитасининг 2021 йил 14 январдаги 02-18-сон маълумотномаси). Натижалар минераллашган ва маъданли зоналарнинг ҳосил бўлиш қонуниятларини аниқлаш ва ёриқларда шаклланиши билан боғлиқлигини башоратлаш имконини берган;
Овминза-Белтов маъдан районининг космоструктуравий ва структуравий-статистик материаллари дешифрировка натижалари “Регионалгеология” ДУК амалиётига жорий қилинган (Давлат геология қўмитасининг 2021 йил 14 январдаги 02-18-сон маълумотномаси). Натижалар конлар ва маъдан намоёнларининг чуқур горизонтлари ва қанотларида қидирув ишларини мақсадли олиб бориш имконини берган.