Юсупова Эльвира Гайнатовнанинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Моноклонал антитаналар (гепатит B вирусига), рекомбинант антигенлар (сифилисга) ва гаптен-оқсил конъюгатлари (опиоидларга қарамликни аниқлаш учун) асосида ИФА тест-системалар ишлаб чиқиш», 02.00.10 – Биоорганик кимё (кимё фанлари).
Диссертация мавзуси рўйхатга олинган рақам: B2022.2.DSc/K131.
Илмий маслаҳатчи: Азимова Шахноз Садиковна, биология фанлари доктори, профессор.
Диссертация бажарилган муассаса номи: Ўсимлик моддалари кимёси институти.
ИК фаолият кўрсатаётган муассаса номи, ИК рақами: Биоорганик кимё институти, DSc.02/30.12.2019.K/В.37.01.
Расмий оппонентлар: Далимова Сурайё Нигмановна, биология фанлари доктори, профессор; Рахманбердиева Рано Каримовна, кимё фанлари доктори; Ощепкова Юлия Игоревна, кимё фанлари доктори.
Етакчи ташкилот: Тошкент фармацевтика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: HBsAg га моноклонал антитаналар ишлаб чиқарувчи гибридомалар, антитаналарга қарши конъюгатлар ва гаптен-оқсил конъюгатларини олиш  ва улар асосида гепатит В вирусининг сирт антигенини, сифилис қўзғатувчисига нисбатан антитаналарни ва гиёҳванд моддалар истеъмол қилувчи шахсларни аниқлаш учун ИФА тест-системаларини ишлаб чиқишдан иборат.
III. Тадқиқотнинг илмий янгилиги:
илк бор тут ипак қурти (Bombyx mori) личинкалари томонидан ишлаб чиқарилган рекомбинант HBsAg га қарши моноклонал антитаналарни ишлаб чиқарувчи гибридомалар олинган;
рекомбинант HBsAg га қарши моноклонал антитаналар асцитли суюқликлардан ажратилиб, тозаланган ва уларнинг хусусиятлари аниқланган;
соянинг 17 хил маҳаллий навларининг умумий оқсиллар миқдори аниқланган ва улар орасидан “Ўзбек-6” нави энг оқсилга бой нав эканлиги исботланган;
илк бор морфин-оқсил конъюгатларини олишда ташувчи сифатида фойдаланиш мақсадида “Ўзбек-6” соя нави таркибидаги оқсилларнинг аминокислоталар таркиби аниқланган;
биринчи марта танланган соя оқсили билан морфин конъюгати синтез қилинган;
морфин-соя оқсили конъюгатидан гиёҳвандлар қон зардобининг ИФА таҳлилида фойдаланиш шароитлари аниқланган;
Treponema pallidum нинг антиген детерминантларига мос келадиган рекомбинант антигенларнинг таркиби ва сорбция шароитлари сифилис қўзғатувчисига антитаналарни аниқлаш учун ИФА тест-системасини ишлаб чиқиш ва ўтказишда иммуносорбент сифатида фойдаланиш учун танланган.
IV. Тадқиқот натижаларининг жорий қилиниши.
Моноклонал антитаналар (гепатит В вирусига), рекомбинант антигенлар (сифилисга) ва гаптен-оқсил конъюгатлари (опиоидларга қарамликни аниқлаш учун) бўйича олинган илмий натижалар асосида:
инсон қон зардобидаги гепатит В вирусининг сирт антигенини аниқлаш учун ИФА тест-системаси яратилган ва ишлаб чиқариш фармакопея мақоласи (ФСП 42 Уз-3535440-2788-2019) хамда ишлаб чиқариш регламенти (ПР 42 Уз-03873-0353440-2730-2018) тасдиқланган. Натижада, гепатит В вирусининг сирт антигенини аниқлаш учун ИФА тест-тизими ишлаб чиқариш имконини берган;
гепатит В вирусининг сирт антигенини аниқлаш учун ИФА тест-системасини кенг кўламда ишлаб чиқариш учун Ўзбекистон Республикаси Соғлиқни сақлаш вазирлиги «Дори воситалари, тиббий буюмлар ва тиббий техникаси экспертизаси ва стандартлаш Давлат маркази» ДУК рўйхатидан ўтказилган (Гувоҳнома, TB/M 00006/04/15). Натижада, Ўсимлик моддалари кимёси институтининг тажриба ишлаб чиқариш корхонасида серияли ишлаб чиқариш имконини берган;
одам қон зардобидаги (плазмасидаги) сифилис қўзғатувчисига қарши антитаналарни аниқлаш максадида ИФА тест-системаси яратилган ва ишлаб чиқариш фармакопея мақоласи (ФСП 42 Уз-3535440-2789-2019) хамда ишлаб чиқариш регламенти (ПР 42 Уз-03873-03535440-2778-2018) тасдиқланган. Натижада, сифилис қўзғатувчисига қарши антитаналарни аниқлаш максадида ИФА тест-системаси ишлаб чиқарилган;
одам қон зардобидаги (плазмасидаги) сифилис қўзғатувчисига қарши антитаналарни тезкор аниқлаб берувчи ИФА тест-тизими кенг кўламда ишлаб чиқариш учун Ўзбекистон Республикаси Соғлиқни сақлаш вазирлиги «Дори воситалари, тиббий буюмлар ва тиббий техникаси экспертизаси ва стандартлаш Давлат маркази» ДУК рўйхатидан ўтказилган (Гувоҳнома. TB/M 00007/04/15). Натижада, Ўсимлик моддалари кимёси институтининг тажриба ишлаб чиқариш корхонасида серияли ишлаб чиқариш имконини берган.