Абдулхаев Зохиджон Эркинжоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): Шаҳар ҳудудида ер ости сувлари сатҳини аниқлаш услубини такомиллаштириш (Фарғона шаҳар мисолида), 05.09.07 – “Гидравлика ва муҳандислик гидрологияси” (техника фанлари).
Диссертация мавзуси рўйхатга олинган рақам: В2022.1.PhD/Т2734.
Илмий раҳбарнинг Ф.И.Ш., илмий даражаси ва унвони:
Арифжанов Айбек Мухамеджанович, техника фанлари доктори, профессор.
Диссертация бажарилган муассаса номи: Фарғона политехника институти.
ИК фаолият кўрсатаётган муассаса (муассасалар) номи, ИК рақами: Тошкент давлат транспорт университети ҳузуридаги DSc.15/27.02.2020.T.73.02 рақамли Илмий Кенгаш.
Расмий оппонентлар: Ризаев Абдумалик Набиевич, техника фанлари доктори, профессор; Гаппаров Фурқат Ахматович, техника фанлари доктори.
Етакчи ташкилот – Тошкент архитектура-қурилиш институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Шаҳар ҳудудида ер ости сувларининг кўп йиллик ва мавсумий ўзгаришини инобатга олиб, ер ости сувлари сатҳини гидравлик ҳисобини такомиллаштиришдан иборат.
III. Тадқиқотнинг илмий янгилиги:
шаҳар ҳудудида ер ости сувлари сатҳининг кўп йиллик ва мавсумий ўзгаришини  инобатга олиб математик  модели ишлаб чиқилган;
ер ости сувлари миқдори ва сатҳини ўзгаришини инобатга олиб  горизонтал ва комбинацияланган дренаж қурилмаларининг  конструктив параметрлари асосланган;
шаҳар ҳудудида ер ости сувлари сатҳини бошқаришда напорсиз ва напорли режимда ишлайдиган дренаж қувурларини гидравлик ҳисоблаш  усули такомиллаштирилган;
ер ости сувларининг  гидравлик параметрлари ва сатҳининг харитаси жойнинг рельефини инобатга олиб MAGNET дастури асосида ишлаб чиқилган.
IV. Тадқиқот натижаларининг жорий қилиниши. Шаҳар ҳудудида ер ости сувлари сатҳини аниқлаш услубини такомиллаштириш бўйича олинган натижалар асосида:
дренажлар орқали ер ости сувлари сатҳини бошқариш ва йиғилган сувларни суғориш учун йўналтириш бўйича ишлаб чиқилган гидравлик модел Экология ва атроф-муҳитни муҳофаза қилиш Фарғона вилоят бошқармасига жорий этилган (Ўзбекистон Республикаси Экология ва атроф-муҳитни муҳофаза қилиш давлат қўмитасининг 2022-йил 3-мартдаги 03-02/7-503 сон маълумотномаси). Натижада ер ости сувларининиг атроф-муҳит экологияси, экин майдонлари, бино ва иншоотлар  ҳамда ер ости муҳандислик коммуникацияларига салбий таъсирни камайтиришга эришилган;
бино-иншоотлар, ер ости муҳандислик коммуникациялари ишончлилигини ҳамда самадорлигини ошириш ва атроф-муҳит экологиясини яҳшилаш мақсадида ер ости сувлари сатҳини дренаж орқали бошқариш модели ва гидравлик ҳисоблаш бўйича тавсиянома ишлаб чиқилган ҳамда “Imperium Arch Group” МЧЖ га жорий этилган (Ўзбекистон Республикаси Экология ва атроф-муҳитни муҳофаза қилиш давлат қўмитасининг 2022-йил 3-мартдаги 03-02/7-503 сон маълумотномаси). Натижада ҳудудларда ер ости сувларини мониторингини олиб бориш ва башорат қилиш имконияти яратилган;
шаҳар ҳудудини экологияси барқарорлаштириш ва зах босишидан ҳимоялаш учун конструктив параметрлари такомиллаштирилган дренаж тизими Фарғона шаҳар ҳудудида  ер ости сувлари сатҳини пасайтириш учун жорий этилган (Ўзбекистон Республикаси Экология ва атроф-муҳитни муҳофаза қилиш давлат қўмитасининг 2022-йил 3-мартдаги 03-02/7-503 сон маълумотномаси). Натижада ҳисоб-китоб вақтини 1,1 баробарга қисқартиришига,бино-иншоотлар ҳамда ер ости муҳандислик коммуникацияларининг ишлаш муддатларини 15–20 фоизга ошириш имконини берган.