Юлдашев Азамат Исмаиловичнинг
Фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Қишлоқ хўжалиги экинларини кимёвий ишлов бериш учун қўш соплоли пуркагич конструкциясини ишлаб чиқиш ва параметрларини асослаш”, 05.07.01–Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари бўйича).
Диссертация мавзуси рўйхатга олинган рақам: В2022.1.PhD/Т2716
Илмий раҳбар: Ахметов Адилбек Агабекович, техника фанлари доктори, профессор.
Диссертация бажарилган муассаса номи: “Тошкент ирригация ва қишлоқ хўжалигини механизатсиялаш муҳандислари институти” Миллий тадқиқот университети.
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институти, DSс.03/30.12.2019.Т.10.01
Расмий оппонентлар: Абдазимов Анвар Даниярович, техника фанлари доктори, профессор; Утепов Бурхан Бектурсинович, техника фанлари номзоди, доцент.
Етакчи ташкилот: Тошкент давлат аграр университети
Диссертация йўналиши: назарий ва амалий аҳамиятга молик.
II. Тадқиқотнинг мақсади:  Ишлов берилаётган юзаларга суюқ препаратларни сепиш учун техникавий восита ва технологик жараённи мукаммаллаштириш орқали ўсимликларни зараркунандалар, касалликлар ва бегона ўтлардан ҳимоя қилиш самарадорлигини оширишдир.
III. Тадқиқотнинг илмий янгилиги:
штангали ва вентиляторли пуркагичларнинг
барча ижобий элементларини бир техникавий воситада жамлантириш йўли билан  ўсимликлар тупининг юзасига тўла ишлов бериш ҳисобига уларни  кимёвий ҳимоялаш самарасини ошириш муаммосининг ҳал қилинишида;
пуркагич билан ўсимликлар юзасига заҳарли кимёвий моддани бир текис қоплама қилиб ёйиб сочишда заҳарли кимёвий модданинг ишчи аралашмаси томчиси кинематикасини математик моделлаштиришда;
ишчи суюқликнинг ўсимликларнинг барглари юзаси бўйлаб майда дисперсли бир хил тақсимланишини таъминловчи пуркагичнинг иш режими ва сочгичларнинг оптимал параметрларини ўрнатишда.
Тадқиқот натижаларининг жорий қилиниши. Заҳарли кимёвий моддаларни пуркаш жараёнида майда дисперсли томчиларни шакллантирувчи қўш соплоли вентиляторли пуркагични ишлаб чиқиш ва параметрларини асослаш бўйича олинган натижалар асосида:
Ўзбекистон Республикаси Адлия вазирлиги ҳузуридаги Интеллектуал мулк агентлигининг ихтирога патенти (№ IAP 05658 «Пуркагич» -2018 й.) ва дастурий маҳсулот учун гувоҳномаси (№ DGU 06586 «Пуркагичдан чикаётган кимёвий модда томчиларининг харакатини математик моделлаштириш дастури» - 2019 й.) олинди. Бунинг натижасида ишлаш сифати ва ишлаб чиқариш самараси юқори бўлган ресурс тежамкор қўш соплоли вентиляторли пуркагичнинг конструктив схемасини ишлаб чиқиш имкони яратилган;
Қўш соплоли вентиляторли экспериментал пуркагич Кармана ва Қизилтепа туманлари фермер хўжаликлари, ҳамда Янги йўл тумани ҚТТСМ тажриба участкасида жорий қилинди (UZ. АМТ.07.MАI.050 Синов далолатномаси). Натижада ишчи суюқликнинг сарфланиши майдон бирлигида 15,4 фоизга ва йиллик меҳнат харажатлари 163,5 киши/с га камайиши, баргсизлантириш кўрсаткичлари  5,0 фоизга, пахта чаноқларининг очилиши 6,7 фоизга ортиши таъминланган;
қўш соплоли вентиляторли пуркагичнинг мақбул параметрли  саноат нусхасини ишлаб чиқиш ва тайёрлаш учун лойиҳа-конструкторлик ҳужжатлари (техникавий шартлар ва чизмалар) «Агрихим» ҚК да лойиҳалаштириш ва сериявий  нусхаларини тайёрлаш  жараёнларига тадбиқ қилинган (Қишлоқ хўжалиги вазирлигининг 15.12.2021й. 02/023-5076 рақами остидаги маълумотномаси). Натижада «Агрихим» ҚК да қўш соплоли вентиляторли пуркагични серияли ишлаб чиқариш йўлга қўйилган.