Азимов Сардорбек Илхомовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сил касаллигига чалинган беморларда урологик касалликлар клиник-иммунологик тавсифи», 14.00.36 – Аллергология ва иммунология; 14.00.31 – Урология (тиббиёт фанлари).
Диссертация мавзуси рўйхатга олинган рақам: B2022.2.PhD/Tib1001.
Илмий раҳбар: Хамдамов Бахтиёр Зарифович, тиббиёт фанлари доктори (DSc); Рашидов Зафар Рахматуллаевич, тиббиёт фанлари доктори.
Диссертация бажарилган муассаса номи, ИК рақами: Бухоро давлат тиббиёт институти, DSc.04/30.04. 2022.Tib.93.01.
Расмий оппонентлар: Мусаходжаева Дилором Абдуллаевна, биология фанлари доктори, профессор; Зубань Олег Николаевич, тиббиёт фанлари доктори, профессор (Россия Федерацияси).
Етакчи ташкилот: Самарқанд давлат тиббиёт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: сил касаллиги билан биргаликда келган беморларда урологик касалликларнинг клиник-иммунологик тавсифини баҳолаш ва урологик ёрдам кўрсатиш самарадорлигини оширишдан иборат.
III. Тадқиқотнинг илмий янгилиги:
илк бор сил касаллиги урологик касалликлар билан кечган беморлар иккиламчи иммунодефицит чуқурлилиги СD3+- ва СD4+-ҳужайралар нисбий ҳамда мутлоқ миқдорларидаги камайиши, ушбу беморлар иммун тизимидаги ўзгаришлар иммун тизими Т-бўғинининг чуқур тотал иккиламчи иммунодефицити билан тавсифланиши асосланган;
илк бор ўпка сили урологик касалликлар бирга келганда иммун тизимнинг В-бўғинига (гуморал иммунитет) таъсир бўйича урологик касалликлар ўпка силига оғирлаштирувчи омил эмаслиги исботланган, яллиғланишни қўлловчи ва яллиғланишга қарши цитокинлар концентрациясининг беморлар қон зардобида ишонарли ошиши яллиғланиш жараёнининг кучайиб бораётгани ҳамда ўпка сили кечишини оғирлаштирувчи омил эканлиги исботланган;
яллиғланиш жараёнининг фаол босқичида антибактериал воситалар билан биргаликда қўлловчи антирецидив терапия сифатида ҳам Канефрон Н сийдик тош касаллиги ва сийдик йўли ноанъанавий инфекциясида сил касаллиги билан оғриган беморларда даволаш ва профилактик тадбирлар комплексидан фойдаланиш, сил касаллиги билан оғриган беморларда ушбу касалликларни даволашда самарали усулнинг варианти сифатида ишлаб чиқилган;
сил касаллигига чалинган беморларда йўлдош урологик касалликлардан сийдик тош касаллиги, сийдик йўли инфекцияси, простата безининг хавфсиз гиперплазияси тарқалиши ва уларнинг сил касаллиги кечишига салбий таъсири даражаси аниқланган.
IV. Тадқиқот натижаларининг жорий қилиниши.
Сил касаллигига чалинган бeморларда урологик касалликлар клиник-иммунологик тавсифи бўйича илмий натижалар асосида:
сил касаллиги урологик касалликлар билан келганда даволаш тактикасини аниқлаш бўйича олиб борилган тадқиқотнинг илмий натижалари асосида ишлаб чиқилган «Сил касаллиги билан оғриган беморларда простата безининг зарарсиз гиперплазиясининг даволаш ва профилактик тактикаси» номли услубий тавсиянома тасдиқланган (Соғлиқни сақлаш вазирлигининг 2021 йил 4 февралдаги 8н-р/97-сон маълумотномаси). Ушбу услубий тавсиянома сил касаллиги билан оғриган беморларда простата безининг зарарсиз гиперплазиясининг даволаш ва профилактик тактикасини ишлаб чиқиш имконини берган;
сил касаллигига чалинган бeморларда урологик касалликлар клиник-иммунологик тавсифи бўйича илмий натижалар амалий соғлиқни сақлашга, жумладан Бухоро вилояти фтизиатрия ва пулмонология маркази, Навоий вилояти фтизиатрия ва пулмонология маркази, Қашқадарё вилояти фтизиатрия ва пулмонология маркази амалиётига киритилган.