Sayt test rejimida ishlamoqda

Тавашов Шахзод Хужахматовичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Олтингугурт бирикмаларини ютувчи чиқинди рухли адсорбентдан рух оксидини ажратиш ва унинг асосида адсорбент олиш технологиясини ишлаб чиқиш», 02.00.13 - Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2022.2.PhD/Т1522.
Илмий раҳбар: Дадаходжаев Абдулла Турсунович, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Умумий ва ноорганик кимё институти, DSc.02/30.12.2019.K/T.35.01.
Расмий оппонентлар: Намазов Шафаат Саттарович, техника фанлари доктори, профессор, академик; Шамшиддинов Исроилжон Тургунович, техника фанлари доктори, профессор.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: чиқинди рух сақловчи адсорбентлардан олтингугурт бирикмаларининг самарали адсорбентини олишнинг маҳаллий технологиясини ишлаб чиқишдан иборат.
III. Тадқиқотнинг илмий янгилиги:
чиқинди рухли адсорбентлардан олинган эритмаларнинг кимёвий таркиби ва рух оксидига технологик параметрларнинг таъсири аниқланган;
ГИАП-10 чиқинди рухли адсорбентдан ажратиб олинган нитрат кислотали эритмалардан тоза рух бирикмаларини натрий, аммоний карбонат ва аммиак эритмалари билан ажратиб олиш талаблари ва рух оксидини (91,28%) ажратиб олишни максимал даражасини ташкил этувчи жараённинг оптимал шароитлари аниқланган;
асосий рух карбонатни рух оксидига қайта ишлаш ва ундан рухли адсорбент олишни технологик режимининг оптимал нормалари аниқланган;
ГИАП-10 чиқинди рухли адсорбентларни қайта ишлаб, рух оксиди ва унинг асосида олтингугуртли бирикмалар адсорбенти олиш технологияси ишлаб чиқилган.
IV. Тадқиқот натижаларининг жорий қилиниши:
Рух сақловчи адсорбент олиш технологиясини ишлаб чиқиш бўйича олинган илмий натижалар асосида:
ГИАП-10 маркали чиқинди рух сақловчи адсорбентларидан рух оксиди ва керакли тозаликдаги рух бирикмаларини ажратиб олиш технологияси «ОКМК» АЖнинг «2024-2025 йилларда амалиётга жорий этиш бўйича истиқболли ишланмалар рўйхати»га киритилган («ОКМК» АЖнинг 2022 йил 17 майдаги АА-003592-сон маълумотномаси). Натижада, чиқинди рухли адсорбентлардан рух оксиди ишлаб чиқаришни ташкил этиш имконини беради;
чиқинди рухли адсорбентлардан табиий газни олтингугурт бирикмаларидан тозалаш учун рух сақловчи адсорбентлар олиш технологияси «ОКМК» АЖнинг «2024-2025 йилларда амалиётга жорий этиш бўйича истиқболли ишланмалар рўйхати»га киритилган («ОКМК» АЖнинг 2022 йил 17 майдаги АА-003592-сон маълумотномаси). Натижада, ушбу технологиянинг жорий этилиши кимё саноатини олтингугуртли бирикмалар адсорбенти билан таъминлайди ва импорт қилинадиган катализаторларга бўлган эҳтиёжни камайтириш имконини беради.

Yangiliklarga obuna bo‘lish