Sayt test rejimida ishlamoqda

Абдирасулов Фаррух Абдирасул ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Шимолий Туркистон бриофлораси ва унинг биоэкологик тавсифи», 03.00.05 – Ботаника (биология фанлари).
Диссертация мавзуси рўйхатга олинган рақам: B2021.3. PhD/B627.
Илмий раҳбар: Жалов Холмурод Ҳакимович, биология фанлари бўйича фалсафа доктори (PhD), доцент.
Диссертация бажарилган муассаса номи: Самарқанд давлат университети.
ИК фаолият кўрсатаётган муассаса номи, ИК рақами: Самарқанд давлат университети, Phd.03/30.12.2019.b.02.08.
Расмий оппонентлар: Мавланов Хударган, биология фанлари доктори, профессор; Бобораджабов Бобохон, биология фанлари доктори, доцент.
Етакчи ташкилот: Қарши давлат университети.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: Шимолий Туркистон бриофитларининг конспектини тузиш ҳамда унинг биоэкологик ва географик хусусиятларини асослашдан иборат.
III. Тадқиқотнинг илмий янгилиги:
Шимолий Туркистон бриофитларининг тўлиқ флора конспекти тузилган ва бриофлоранинг 4 аждод, 14 қабила, 32 оила, 57 туркумга мансуб 116 тури аниқланган;
Ўзбекистон бриофлораси учун 14 тур, Ўрта Осиё флораси учун икки тур (Cyrtomnium hymenophylloides (Huebener) T.J. Kop., Calypogeia arguta Nees & Mont.) янги турлар қайд қилиниб уларнинг ГАТ хариталари тузилган;
Шимолий Туркистон бриофлорасининг шакланиш хусусиятлари ҳамда экотопларни 3 та типи очиб берилган;
Шимолий Туркистон бриофитлари географик элементларига кўра 7 та, намликга бўлган муносабатига кўра 6 та, субстратларда тақсимланишига кўра 9 та гуруҳга мансублиги аниқланган.
IV. Тадқиқот натижаларининг жорий қилиниши:
Шимолий Туркистон бриофитларини тадқиқ қилиш бўйича олинган илмий натижалар асосида:
Шимолий Туркистон таркибидаги 116 турнинг тарқалишини акс эттирувчи ГАТ хариталар Самарқанд ва Жиззах вилоятларидаги Экология ва атроф-муҳитни муҳофаза қилиш бошқармаларининг амалий фаолиятига жорий этилган (Ўзбекистон Республикаси Экология ва атроф-муҳитни муҳофаза қилиш давлат қўмитасининг 2022-йил 1 июндаги 03-02/7-1410-сон маълумотномаси). Натижада, Ўзбекистон бриофлораси учун 14 та камёб бриофит турлари аниқланган ва турлар тарқалган ҳудудларни муҳофаза қилиш, уларни сақлаб қолиш имконини берган;
атмосфера ҳавоси таркибидаги радионуклидларни миқдорини аниқлашда қўлланиладиган 3 та индикатор турлардан фойдаланиш учун Самарқанд ва Жиззах вилоятлари Экология ва атроф-муҳитни муҳофаза қилиш бошқармаларининг амалий фаолиятига жорий этилган (Ўзбекистон Республикаси Экология ва атроф-муҳитни муҳофаза қилиш давлат қўмитасининг 2022-йил 1 июндаги 03-02/7-1410-сон маълумотномаси). Натижада, саноат ҳудудлари атмосфера ҳавоси таркибидаги 5 та зарарли радионуклидларни, жумладан, 137Cs, 40K, 226Ra 7Be 212Th миқдорини бриофитлар орқали белгилаш ва ифлосланган ҳудудларни аниқлаш имконини берган;
бриофлора таркибидаги 50 турга мансуб 50 нусха гербарий намуналари Россия Федерацияси, Твер давлат университети гербарийси коллекциясига қабул қилинган (Россия, Твер давлат университети 2022-йил 13 майдаги 068-А3 сон маълумотномаси). Натижада, Твер Миллий гербарийсининг фондини Ўрта Осиё бриофитлари бойитган ҳамда маълумотлар базасини шакллантириш имконини берган.

Yangiliklarga obuna bo‘lish