Sayt test rejimida ishlamoqda

Камалова Дилнавоз Ихтиёровнанинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Электрон саноати учун модификацияланган композицион полимер материаллар ва улар асосида маҳсулотлар таркиби ва технологиясини ишлаб чиқиш», 02.00.07–«Композицион, лок-бўёқ ва резина материаллари кимёси ва технологияси», 01.04.06–«Полимерлар физикаси» (техника фанлари).
Диссертация мавзуси рўйхатга олинган рақам: B2022.2.DSc./T520.
Илмий маслаҳатчилар: Умаров Абдусалом Вахитович, техника фанлари доктори, профессор; Негматова Комила Сайибжановна, техника фанлари доктори, профессор
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Мамадалимов Абдуғаффор Тешабаевич, физика-математика фанлари доктори, профессор, академик; Акбаров Ҳамдам Икрамович, кимё фанлари доктори, профессор; Ўлмасов Тўлқин Усмонович, техника фанлари доктори.
Етакчи ташкилот: Наманган давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: электрон саноати учун модификацияланган композицион полимер материаллар таркиби ва уларни олиш технологиясини ишлаб чиқишдан иборат.
III. Тадқиқотнинг илмий янгилиги:
электрон саноатида ишлатиладиган ярим металлар, металл ойналар ва улар асосидаги нур ўтказгичлар ўрнини босувчи, қурум, ПС, ПВДФ асосида, импорт ўрнини босувчи ва экспортга асосланган модификацияланган композицион полимер материалларнинг оптимал таркиби аниқланган;
композицион полимер материаллар олишда қўлланиладиган технологик жараёнлар орқали полимер-қурум тизимида уларнинг миқдори ва нисбатлари фазалараро қатламдаги тузилишидаги ўзгаришлар аниқланган;
қурум ПС ва ПВДФ таркибли композицион материалларнинг физик-кимёвий ва физик-механик хоссалари ҳамда тузилишига жиддий таъсир этиши, яратилган композицион полимер материаллар таркибидаги қатлам пара- ва ферромагнит сифатида характерловчи қатламнинг мавжудлиги асосланган;
тажрибада ПС+қурум ва ПВДФ+сажа композитида ЭПР спектрларининг кучли кенгайиши аниқланди;
ПС, ПВДФ, қурум асосида ультратовушли модификациялаш орқали электрон саноатида қўлланиладиган ярим металлар, металл ойналар ва улар асосидаги нур ўтказгичларнинг ўрнини босувчи композицион полимер материалларнинг самарали таркиби ишлаб чиқилган;
қурум билан тўлдирилган, ультратовуш билан қайта ишланган композицион полимер материаллар асосида, электрон саноатида қўлланадиган нур ўтказгичлар олиш технологияси ишлаб чиқилган.
IV. Тадқиқот натижаларининг жорий қилиниши.
Электрон саноати учун модификацияланган композицион полимер материаллар ва улар асосида маҳсулотлар таркиби ва технологиясини ишлаб чиқиш бўйича олинган илмий натижалар асосида:
маҳсулотлар “Фотон” АЖдаги микроэлетроника асбоблари ва механизмлари ишчи органларида жорий этилган («Фотон » АЖнинг 2022 йил 26 июлдаги 212-сон маълумотномаси, «Uzeltexsanoat» Ассоциацияси 2022 йил 29 июлдаги 04-3/1723-сон маълумотномаси). Натижада, яратилган модификацияланган композицион полимер материаллардан тайёрланган нур ўтказгичлар ёрдамида қимматбаҳо кремний ва металл ойналардан тайёрланган нур ўтказгичларни ўрнини алмаштириш имконини берган;
ишлаб чиқилган световодлар “Фотон” АЖдаги микроэлетроника асбоблари ва механизмлари ишчи органларида жорий этилган («Фотон» АЖнинг 2022 йил 26 июлдаги 212-сон маълумотномаси, «Uzeltexsanoat» Ассоциацияси 2022 йил 29 июлдаги 04-3/1723-сон маълумотномаси). Натижада, қурум билан тўлдирилган ва ультратовуш билан ишлов берилган модификацияланган композицион полимер материаллар ва улар асосидаги нур ўтказгичларни микроэлектроникада ишлатиш имконини берган;
«Модификацияланган композицион полимер материаллар ва улар асосида световодлар олиш» учун ташкилот стандарти ишлаб чиқилган ва «Ўзстандарт» агентлигида рўйхатдан ўтказилган (Тs 22534216-07:2019) («Uzeltexsanoat» Ассоциацияси 2022 йил 29 июлдаги 04-3/1723-сон маълумотномаси). Натижада, электрон саноатида модификацияланган композицион полимер материаллар ва улар асосидаги маҳсулотларни олиш имконини берган;
«Модификацияланган композицион полимер материаллар ва улар асосида световодлар» олиш учун технологик регламент ишлаб чиқилган (ТР 40.4-14952796-024:2019) («Фотон» АЖнинг 2022 йил 26 июлдаги 212-сон маълумотномаси, «Uzeltexsanoat» Ассоциацияси 2022 йил 29 июлдаги 04-3/1723-сон маълумотномаси). Натижада, электрон саноатида модификацияланган композицион полимер материаллар асосида маҳсулотлар ишлаб чиқиш имкони берган.

Yangiliklarga obuna bo‘lish