Ганиханова Мадина Бахретдиновнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Техник олий таълим муассасаси талабаларида медиатехнологиялар асосида инглиз тилини ўқитиш методикаси”, 13.00.02- «Таълим ва тарбия назарияси ва методикаси» (инглиз тили) (педагогика фанлари).
Диссертация мавзуси рўйхатга олинган рақами: В2018.3.PhD/Ped605.
Илмий раҳбар: Махкамов Улфат Илҳомович педагогика фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент вилояти Чирчиқ давлат педагогика институти, DSc.03/30.04.2021.Ped.82.01.
Расмий оппонентлар: Нурманов Абдиназар Ташбаевич, педагогика фанлари доктори, доцент; Икрамхонова Феруза Икрамовна, филология фанлари доктори.
Етакчи ташкилот: Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади техника олий таълим муассасаларида медиатехнологиялар асосида талабаларга инглиз тилини ўқитиш методикасини такомиллаштиришдан иборат.
III. Тадқиқотнинг илмий янгилиги:
бўлажак муҳандисларга инглиз тилини ўргатишнинг мадиатехнологик компонентлари тил ўргатмаларининг “инъекция” ва “семиотик” ёндашувларини талабаларнинг билиш даражасини интенсив ривожлантиришга йўналтирилган ахборий-дидактик муҳитга қайта алоқали муносабатда киритиш орқали такомиллаштирилган;
касбий фаолиятда ўқув-медиа маълумотларни қабул қилиш ва синтезлашга қаратилган “engineering activity”, “technical resume” каби интерфаол таълим методлари тил ўрганиш тажрибаларини жамоавий ҳаракатлар мувофиқлигида ривожлантиришга йўналтирилган иш турлари билан оптималлаштириш асосида такомиллаштирилган;
инглиз тилини ўқитиш методикасини такомиллаштириш модели  тил малакалари интеграциясига асосланган ахборотли контекстни касбий лексикани қиёсий ўрганишга қаратилган медиамуҳитда адаптив қўллаш асосида такомиллаштирилган;   
касбий коммуникативликни ривожлантиришда медиатехнологиялардан фойдаланишнинг дидактик таъминоти иллюстратив, репродуктив, ижодий каби тил билиш даражалари ва вазиятбоплик, қадриятлилик, тушунарлилик каби тамойилларга устуворлик бериш асосида такомиллаштирилган.
IV. Тадқиқот натижаларининг жорий қилиниши: Медиатехнологиялар асосида бўлажак муҳандисларни ишлаб чиқариш фаолиятига тайёрлашда инглиз тилини билиш даражасини такомиллаштириш бўйича ўтказилган тадқиқот натижалари асосида:
бўлажак муҳандисларга инглиз тилини ўргатишнинг мадиатехнологик компонентлари тил ўргатмаларининг “инъекция” ва “семиотик” ёндашувларини талабаларнинг билиш даражасини интенсив ривожлантиришга йўналтирилган ахборий-дидактик муҳитга қайта алоқали муносабатда киритишга доир таклифлардан ФЗ-2019-06172 - “Маҳаллий хом-ашё ва саноат чиқиндилари асосида фенолформальдегид смоласини ўрнини босувчи композицион полимер боғловчини олиш технологияимни ишлаб чиқиш ва ўзлаштириш” (2019–2021 йй.) мавзусидаги илмий лойиҳани амалга оширишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 11 ноябрдаги 89-09-17-сон маълумотномаси). Натижада, бўлажак муҳандисларни ишлаб чиқариш фаолиятига тайёрлашда инглиз тилини билиш имкониятлари кенгайтирилган.
касбий фаолиятда ўқув-медиа маълумотларни қабул қилиш ва синтезлашга қаратилган “engineering activity”, “technical resume” каби интерфаол таълим методлари тил ўрганиш тажрибаларини жамоавий ҳаркатлар мувофиқлигида ривожлантиришга йўналтирилган иш турлари билан оптималлаштиришга оид тавсиялари “English teach” мобил дастурий таъминот мазмунига сингдирилган (Ўзбекистон Республикаси Олий ва ўрта махсус таълим вазирлигининг 2020 йил 11 ноябрдаги 89-09-17-сон маълумотномаси). Натижада, бўлажак муҳандисларнинг инглиз тилини ўрганиш жараёни ўқув-услубий жиҳатдан таъминланишига эришилган;  
инглиз тилини ўқитиш методикасини такомиллаштириш моделини амалиётга татбиқ этишга оид   тавсиялари “English for technical directions” номли ўқув қўлланмага сингдирилган (Ўзбекистон Республикаси Олий ва ўрта махсус таълим вазирлигининг 2020 йил 11 ноябрдаги 89-09-17-сон маълумотномаси). Натижада, бўлажак муҳандисларнинг медиатехнологиялар муҳитида инглиз тилини ўрганиш жараёнини методик жиҳатдан тизимли ташкил этиш имконияти яратилган.