Ураков Нуриддин Абраматовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Йигирув машинаси дискретлаш барабанчаси ва таъминлаш цилиндри конструкцияларини такомиллаштириш ва параметрларини ҳисоблаш методлари” 05.02.03 – Технологик машиналар. Роботлар, мехатроника ва робототехника тизимлари ихтисослиги.
Диссертация мавзуси рўйхатга олинган рақам: № B2022.2.PhD/T2870.
Илмий раҳбар: Джураев Анвар Джураевич, техника фанлари доктори, профессор.
Диссертация бажарилган муассаса номи: Наманган муҳандислик-қурилиш институти.
ИК фаолият кўрсатаётган муассаса номи, ИК рақами: Наманган муҳандислик-технология институти PhD.03/30.12.2019.Т.66.01
Расмий оппонентлар: Жуманиёзов Қадам Жуманиёзови, техника фанлари доктори, профессор; Муродов Акромхон Абдусаторович, техника фанлари номзоди доцент.
Етакчи ташкилот: Андижон машинасозлик институти
Диссертация йўналиши: назарий ва амалий аҳамиятга молик.
II. Тадқиқотнинг мақсади: пневмомеханик йигирув машинасининг ишчи органларини янги самарали конструкциясини яратиш, параметрларни асослаш, толали пилтани бир текисда узатиш ҳамда дискретлаш жараёнини самарадорлигини оширишдан иборат.
III. Тадқиқотнинг илмий янгилиги: қуйидагилардан иборат:
таъминлаш ва дискретизация зонасида толали пилтани эни ва бўйи бўйича бир текисда узатиш имкониятини яратувчи рифляли, қайишқоқ элементлари бўлган таъминлаш цилиндри ҳамда уч хил тишга эга бўлган тишли гарнитурадан ташкил топган дискретловчи барабанчанинг самарали конструкцияси ишлаб чиқилган;  
таркибли дискретловчи барабанча тишли гарнитураларини қайишқоқ амортизатор бикрлигини инобатга олган ҳолда вертикал тебранишларини ифодаловчи математик ифода олинган, айланма бикрлик коэффиценти, ўртадаги гарнитура амортизаторининг бикрлик коэффицентиларини ҳисобга олган ҳолда тишли гарнитураларни тебраниш қонуниятлари аниқланган;
дискретловчи барабанчани ўртадаги тишли гарнитурасидаги тебраниш амплетудасини камайтириб, икки четдаги гарнитураларга мослаш орқали амортизатор бикрлигини оширилган;
таркибли дискретловчи барабанча тишли гарнитуралари бурчак тезликларининг тебраниш қамровини ўзгариши натижасида толали лентадаги толаларни параллел ҳаракати амалга ошиши аниқланган;
таркибли таъминловчи цилиндр билан толали лента орасидаги ишқаланиш кучини аниқлаш формуласи тавсия этилган ва дискретловчи зонанинг цилиндр умумий массасини тишли гарнитура ҳамда толали лента билан ишқаланиш кучи цилиндр бучак тезлигини кўпайиши ҳисобига ортиши аниқланган.  
IV. Тадқиқот натижаларининг жорий қилиниши: Олинаётган ипнинг сифат кўрсаткичларини ошириш мақсадида янги такомиллаштирилган конструкциядаги эгри чизиқли тишли таъминловчи цилиндр ва уч хил тишга эга бўлган тишли гарнитурадан ташкил топган дискретловчи амортизаторли барабанча конструкциясини ишлаб чиқаришга қўллаш асосида:
пневмомеханик йигирув машинасининг дискретлаш жараёнига такомиллаштирилган янги конструкциядаги таъминловчи цилиндр ва дискретлаш барабанчасини Тошкент шаҳридаги «AGRO TEKS ALLIANCE» МЧЖ, Хоразм вилоятидаги «SHOVOT TEKSTIL» МЧЖ ва «XORAZM TEX» МЧЖ корхоналарида ишлаб чиқаришга жорий этилган («Ўзтўқимачиликсаноат» уюшмасининг 2022 йил 22 майдаги №03/25-1548-сонли маълумотномаси). Натижада, ипдаги узилишлар сони 20% га камайишига эришилган ва юқори сифатли пневмомеханик ип олинган.