Ибрагимов Фаррух Адамбаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кичик бизнес субъектларининг экспорт фаолиятини такомиллаштириш», 08.00.15 - Тадбиркорлик ва кичик бизнес иқтисодиёти (иқтисодиёт фанлари).
Диссертация мавзуси рўйхатга олинган рақам: В2018.3.PhD/Iqt788.
Илмий раҳбар: Гафуров Убайдулло Вахабович, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/30.12.2020.I.16.02.
Расмий оппонентлар: Суюнов Дилмурод Холмуродович, иқтисодиёт фанлари доктори, профессор; Умаров Илхомжон Юлдашевич, иқтисодиёт фанлари доктори, доцент.
Етакчи ташкилот: Тошкент кимё-технологиялар институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади кичик бизнес субъектлари экспорт фаолиятини кенгайтириш ва такомиллаштириш бўйича илмий-услубий таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
кичик бизнес субъектларининг экспорт фаолиятига потенциал таъсир даражасини баҳолаш услуби тармоқдаги бандлик, хом-ашё ва материал тежамкорлиги ҳамда инновацияларни жорий этиш орқали экспорт ҳажмини ошириш жиҳатидан такомиллаштирилган;
кичик бизнес субъектларининг иқтисодий фаолият турлари бўйича умумий иқтисодий салоҳият ҳамда экспорт салоҳиятидан фойдаланиш даражаларини ўзаро таққослаш орқали ҳудудлардаги экспортни ривожлантириш йўналиш ва имкониятларини аниқлаш таклифи асосланган;
кичик бизнес корхоналари экспорт фаолияти жараёнлари асосий босқичларидаги харажатларнинг тармоқ бўйича белгиланган намунавий-тавсиявий меъёрлари орқали самарадорлиги аниқлаш ҳамда уни меъёрий даражага етказиш асосида экспорт фаолиятини такомиллаштириш таклифи асосланган;
кичик бизнеснинг экспорт салоҳиятидан самарали фойдаланиш учун толлинг операцияларини қўллаш имкониятларини кенгайтириш, сертификатлаш ҳамда экспорт фаолиятини инфратузилмавий қўллаб-қувватлаш тизимини такомиллаштириш таклифи асосланган.
IV. Тадқиқот натижаларининг жорий қилиниши.
Кичик бизнес субъектлари экспорт фаолиятини кенгайтириш ва такомиллаштириш бўйича ишлаб чиқилган илмий-услубий таклиф ва тавсиялар асосида:
кичик бизнес субъектларининг экспорт фаолиятига потенциал таъсир даражасини баҳолашнинг тармоқдаги бандлик, хом-ашё ва материал тежамкорлиги ҳамда инновацияларни жорий этиш орқали экспорт ҳажмини ошириш жиҳатидан такомиллаштирилган услубидан “Кимё саноатида экспорт фаолиятини ривожлантириш чора-тадбирлари дастури”ни ишлаб чиқишда фойдаланилган («Ўзкимёсаноат» АЖнинг 2022 йил 5 апрелдаги 16-2024-сон маълумотномаси). Мазкур таклифни амалиётга жорий этиш натижасида кимё саноатида фаолият юритаётган кичик саноат корхоналарининг экспорт фаолиятидаги иштирокини фаоллаштириш ва кенгайтиришнинг имкониятларини баҳолашда услубий асос яратилган;
кичик бизнес субъектларининг иқтисодий фаолият турлари бўйича умумий иқтисодий салоҳият ҳамда экспорт салоҳиятидан фойдаланиш даражаларини ўзаро таққослаш орқали ҳудудлардаги экспортни ривожлантириш йўналиш ва имкониятларини аниқлаш таклифидан “Кимё саноатида экспорт фаолиятини ривожлантириш чора-тадбирлари дастури”ни ишлаб чиқишда фойдаланилган («Ўзкимёсаноат» АЖнинг 2022 йил 5 апрелдаги 16-2024-сон маълумотномаси). Мазкур таклифни амалиётга жорий этиш натижасида мамлакатимиз ҳудудлари бўйича кимё саноатида фаолият юритаётган кичик саноат корхоналарининг экспорт фаолиятидаги иштирокини янада ошириш имкониятлари ва йўналишларини аниқлаш имкони яратилган;
кичик бизнес корхоналари экспорт фаолияти жараёнлари асосий босқичларидаги харажатларнинг тармоқ бўйича белгиланган намунавий-тавсиявий меъёрлари орқали самарадорлиги аниқлаш ҳамда уни меъёрий даражага етказиш асосида экспорт фаолиятини такомиллаштириш таклифидан “Кимё саноатида экспорт фаолиятини ривожлантириш чора-тадбирлари дастури”ни ишлаб чиқишда фойдаланилган («Ўзкимёсаноат» АЖнинг 2022 йил 5 апрелдаги 16-2024-сон маълумотномаси). Мазкур таклифни амалиётга жорий этиш натижасида кимё саноати таркибидаги кичик корхоналарнинг экспорт фаолияти самарадорлигини таъминлашда асосий жараёнлари кесимидаги ҳолатни алоҳида баҳолаш ҳамда бу борадаги юқори кўрсаткичларга эришилган корхоналар тажрибасини умумлаштириш асосида экспорт фаолиятини янада такомиллаштириш йўлларини аниқлаш имкони яратилган;
кичик бизнеснинг экспорт салоҳиятидан самарали фойдаланиш учун толлинг операцияларини қўллаш имкониятларини кенгайтириш, сертификатлаш ҳамда экспорт фаолиятини инфратузилмавий қўллаб-қувватлаш тизимини такомиллаштириш таклифидан “Кимё саноатида экспорт фаолиятини ривожлантириш чора-тадбирлари дастури”ни ишлаб чиқишда фойдаланилган («Ўзкимёсаноат» АЖнинг 2022 йил 5 апрелдаги 16-2024-сон маълумотномаси). Мазкур таклифни амалиётга жорий этиш натижасида кимё саноати таркибидаги кичик бизнес корхоналарининг толлинг операцияларидан фойдаланиш имкониятларини кенгайтириш, экспорт фаолиятининг ривожланишида қулай шарт-шароитлар яратиш, жумладан, сертификатлаш жараёнларининг соддалаштириш, инфратузилма жиҳатидан қўллаб-қувватлаш самарадорлигининг ошириш имкони яратилган.