Пармонов Сарвар Тошпўлатовичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Руда майдаловчи дробилка деталларини тайёрлаш учун қаттиқ қотишманинг ейилишга бардош таркибини ишлаб чиқиш ва уни тадқиқ қилиш», 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: В2022.1.PhD/Т1588.
Илмий раҳбар: Шарипов Конгратбай Авезимбетович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса (муассасалар) номи, ИК рақами: Навоий давлат кончилик ва технологиялар университети, DSc.17/04.06.2021.T.06.01.
Расмий оппонентлар: Тураходжаев Нодир Джахонгирович, техника фанлари доктори, профессор; Рисқулов Алимжон Ахмаджанович, техника фанлари доктори, профессор.
Етакчи ташкилот: Миллий технологик тадқиқотлар университети «МИСиС»нинг Олмалиқ шаҳридаги филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади руда майдаловчи дробилка деталларини тайёрлаш учун қаттиқ қотишманинг ейилишга бардошли таркибини ишлаб чиқишдан иборат.
III. Тадқиқотнинг илмий янгилиги:
абрaзив мaтериaллар оқими таъсирида дробилка бармоқлари зарбли абразив ейилишининг абразив заррачалар зарба тезлиги, ҳужум бурчаги, ўлчами, концентрацияси, намлиги, қаттиқ қўшимчалар таркиби ва миқдорига боғлиқлик қонуниятлари зарбли абразив муҳитдаги ейилиш динамикаси асосида ишлаб чиқилган;
роторли дробилкаларнинг ВК6 маркали бармоқлари учун зарбли абразив ейилишга бардошли вольфрам карбид асосли қаттиқ қотишманинг янги кимёвий таркиби кобальт боғловчини ультрадисперс титан карбид билан модификациялаш асосида ишлаб чиқилган;
зарбли абразив ейилишга бардошли ВК6УДТ5 маркали қаттиқ қотишмадан тайёрланган дробилка бармоқларини вакуум ва инерт муҳитда ишлаб чиқиш технологияси нисбатан паст ҳароратларда ва икки босқичли қиздириб пишириш режими асосида яратилган;
ультрадисперс титан карбид билан модификацияланган ейилишга бардошли қаттиқ қотишмаларни пресслаш ва қиздириб пишириш технологик регламенти: пресслаш босимига, қиздириб пишириш ҳароратига, қиздириб пишириш давомийлигига ва ультрадисперс титан карбид миқдорига боғлиқлик графиги асосида ишлаб чиқилган;
ВК6 маркали дробилка бармоқларига нисбатан рудаларни майдалашдаги зарбли абразив ейилишга бардошлилиги 20-25% юқори бўлган янги таркибли бармоқлар ультрадисперс титан карбид заррачаларининг боғловчи кобальтда эримасдан, унинг юқори эгилишга мустаҳкамлик чегараси, қаттиқлиги ва абразив ейилишга бардошлилигини таъминлаган қиздириб пишириш ҳароратининг оптимал қийматлари асосида ишлаб чиқилган.
IV. Тадқиқот натижаларининг жорий қилиниши.
Руда майдаловчи дробилка бармоқларини тайёрлаш учун қаттиқ қотишманинг ейилишга бардошли таркибини ишлаб чиқиш ва абразив ейилишга бардошлилик бўйича олинган натижалар асосида:
ультрадисперс титан карбид билан модификацияланган ейилишга бардошли вольфрам карбид кобальтли қаттиқ қотишма таркиби “Навоий KMK” АЖ Марказий кон бошқармасининг “Олтинни уюмда эритмага ўтказиш цехи”да амалиётга жорий этилган (“Navoiy KMK” АЖнинг 2022 йил 3 февралдаги №23.01-01-07/204-сонли маълумотномаси). Натижада, ВК6УДТ5 бармоқнинг ейилишга бардошлилигини 1,2-1,25 марта ошириш имконини берган;
ВК6УДТ5 модификацияланган қаттиқ қотишма асосида дробилка бармоқларини ишлаб чиқариш технологияси “Навоий KMK” АЖ Марказий кон бошқармасининг “Олтинни уюмда эритмага ўтказиш цехи”да амалиётга жорий этилган (“Navoiy KMK” АЖнинг 2022 йил 3 февралдаги №23.01-01-07/204-сонли маълумотномаси). Натижада, “CEMCO” ва “BARMAK” дробилка бармоқлари ишлаш муддатини 10-12% га ошириш имконини берган;
ультрадисперс титан карбид билан модификацияланган ейилишга бардошли қаттиқ қотишма пресслаш ва қиздириб пишириш технологик регламенти “Навоий KMK” АЖ Марказий кон бошқармасининг “Олтинни уюмда эритмага ўтказиш цехи”да амалиётга жорий этилган (“Navoiy KMK”АЖнинг 2022 йил 3 февралдаги №23.01-01-07/204-сонли маълумотномаси). Натижада, “CEMCO” ва “BARMAK” дробилкаларининг жорий таъмирлашга сарфланадиган тўхташ вақтини 14-16% га қисқартириш имконини берган.