Уралов Елибой Омоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Зарафшон иқтисодий райони саноатининг ҳудудий таркибини такомиллаштириш», 11.00.02 - Иқтисодий ва ижтимоий география (география фанлари).
Диссертация мавзуси рўйхатга олинган рақам: В2022.1.PhD/Gr5.
Илмий раҳбар: Қаюмов Абдуҳаким Абдуҳамидович, география фанлари доктори, профессор.
Диссертация бажарилган муассаса номи: Тошкент  давлат педогогика  университети.
ИК фаолият кўрсатаётган муассаса номи, ИК рақами: Самарқанд давлат университети, PhD.03/30.12.2021.Gr.02.07.
Расмий оппонентлар: Равшанов Алиқул Худойбердиевич, география фанлари бўйича фалсафа доктори (PhD), Зокиров Сайидфозил Сайидакбарович, иқтисод фанлари доктори, доцент.
Етакчи ташкилот: Қорақалпоқ давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Зарафшон иқтисодий райони табиий-ресурс ва меҳнат ресурслари имкониятлари ҳамда хўжалигининг ҳозирги ҳолатини баҳолаш асосида иқтисодий район саноатини ривожлантириш ва ҳудудий ташкил этилишини такомиллаштириш бўйича илмий–амалий тавсиялар ва таклифлар ишлаб чиқишдан иборат.
III. Тадқиқотнинг илмий янгилиги:
Зарафшон иқтисодий райони ҳудудидаги шаҳар ва туманларнинг саноат маҳсулотлари ишлаб чиқариш салоҳияти ва экспорт имкониятлари ва истиқболли (саноат ривожланиши кўрсаткичлари бўйича) жиҳатлари аниқланган;
Зарафшон иқтисодий райони 5 та кичик районга ажратилган ҳамда уларнинг 1:1000000 масштабдаги районлаштириш картаси яратилган;
Зарафшон иқтисодий райони ҳудудида саноатга таъсир этувчи географик омиллар даражаси ҳамда унинг эркин иқтисодий зоналарни ташкил этишдаги роли аниқланган ва улар карталаштирилган;
иқтисодий район ижтимой-иқтисодий ривожланишида кичик бизнес ва хусусий тадбиркорликнинг ўрни аниқланган ва унинг мавқеини янада кучайтиришга қаратилган таклиф ва тавсиялар ишлаб чиқилган.
IV. Тадқиқот натижаларининг жорий қилиниши.
Зарафшон иқтисодий райони саноатининг ҳудудий таркибини такомиллаштириш бўйича олинган илмий натижалар асосида:
Бухоро, Навоий, Самарқанд вилоятлари ҳудудларидаги шаҳар ва туманларнинг саноат маҳсулотлари ишлаб чиқариш салоҳияти ва экспорт имкониятларининг қиёсий таҳлиллари ва истиқболли жиҳатлари Ўзбекистон Республикаси Савдо-саноат палатаси амалиётига жорий этилган (Ўзбекистон Республикаси Савдо-саноат палатасининг 2022 йил 15 феврал 7/05-16-1107-сон маълумотномаси). Натижада, шаҳар ва туманлар саноат маҳсулотлари ишлаб чиқариш салоҳияти ва экспорт имкониятлари, иқтисодий ўсишнинг минтақавий омилларидан оқилона фойдаланиш бўйича имкониятларни кенгайтиришга хизмат қилган;
Зарафшон иқтисодий райони ижтимоий-иқтисодий ривожланишида кичик бизнес ва хусусий тадбиркорликнинг аниқланган ўрни ва унинг мавқеини янада кучайтириш юзасидан берилган таклиф ва тавсиялар Ўзбекистон Республикаси Савдо-саноат палатаси амалиётида қўлланилган (Ўзбекистон Республикаси Савдо-саноат палатасининг 2022 йил 15 феврал 7/05-16-1107-сон маълумотномаси). Натижада, мазкур ҳудудда кичик бизнес ва хусусий тадбиркорликни иқтисодий қўллаб-қувватлаш тизимини янада ривожлантириш ҳамда тадбиркорликни ривожлантириш бўйича мақсадли-ҳудудий дастурлар тузиш ва уни амалга ошириш имконини берган;
Зарафшон иқтисодий райони ҳудудида жойлашган саноат корхоналари иқтисодиётини янада ривожлантириш мақсадида иқтисодий географик жиҳатдан районлаштириш натижалари Ўзбекистон Республикаси Савдо-саноат палатасида амалиётга жорий этилган (Ўзбекистон Республикаси Савдо-саноат палатасининг 2022 йил 15 феврал 7/05-16-1107-сон маълумотномаси). Натижада, ишлаб чиқариш кучларини оптимал жойлаштириш ва иқтисодиётнинг барқарор ривожланишини таъминлаш, аҳоли турмуш даражасини ошириш имконини берган;
Зарафшон иқтисодий райони саноатига таъсир этувчи аниқланган омиллар ҳамда яратилган эркин иқтисодий зоналар карта схемаси Ўзбекистон Республикаси Савдо-саноат палатаси амалиётига жорий этилган (Ўзбекистон Республикаси Савдо-саноат палатасининг 2022 йил 15 феврал 7/05-16-1107-сон маълумотномаси). Натижада, аниқланган омиллар ишлаб чиқаришнинг самарадорлигини ошириш ҳамда бой табиий-иқтисодий салоҳиятга эга бўлган Кармана, Ургут ва Ғиждувон туманларини ўзига хос стратегик ривожланиш йўналишларини иқтисодиётнинг тармоқ ва ҳудудий таркибини мажмуали боғланган ҳолда ўрганиш имконини берган.