Хожиматова Малика Шухратовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Марказий асаб тизимининг ўткир яллиғланиш касалликларининг жиддийлигини кўп омилли математик таҳлил қилиш ва прогнозлаш», 14.00.13 – Неврология (тиббиёт фанлари).
Диссертация мавзуси рўйхатга олинган рақам: В2019.2.PhD/Tib931
Илмий раҳбар: Рахимбаева Гулнора Саттаровна, тиббиёт фанлари доктори, профессор.
Диссертация бажарилган муассаса номи: Андижон давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Тиббиёт ходимларининг касбий малакасини ривожлантириш маркази, DSc.04/30.12.2019.Tib.31.01.
Расмий оппонентлар: Мирджураев Эльбек Миршавкатович, тиббиёт фанлари доктори, профессор; Раимова Малика Мухамеджановна, тиббиёт фанлари доктори, доцент.
Етакчи ташкилот номи: Тошкент педиатрия тиббиёт институти.
Диссертациянинг йўналиши: амалий аҳамиятга молик.
II.Тадқиқотнинг мақсади: кўп омилли математик тахлил ўтказиш асосида марказий асаб тизими ўткир яллиғланиш касалликларининг (энцефалит, миелит, энцефаломиелит) кечиш оғирлигини, касаллик якунини прогнозлаш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
марказий асаб тизими ўткир яллиғланиш касалликларида (миелит, энцефалит, энцефаломиелит) вирусемия ҳисобига ҳосил бўлган қон зардобидаги циркуляция қилувчи иммун комплекслар (ЦИК йирик ва майда) концентрацияси патологик жараён кечиши характери билан боғлиқлиги ва касалликнинг ўткир даврида миядаги умумий яллиғланиш реакциясининг даражасини акс эттириши исботланган;
марказий асаб тизими иккиламчи ўткир яллиғланиш касалликларида неврологик асоратларнинг авж олишида, Т-лимфоцитлар активацияси ва антитаначалар синтезининг кучайиши сабабли IL-6 миқдори ортиб кетиши аниқланган;
бош ва орқа мия яллиғланиш касалликларида хужайра иммун тизими кўрсаткичлари (яллиғланиш олди цитокинлари IL-1β, ТNF-α) ортиб кетиши ҳисобига тўқималарда демиелинизацияланиш жараёни кучайиши аниқланган;
илк бор ўткир миелит, энцефалит, энцефаломиелитлар кечишини оғирлигини баҳолаш, касаллик якунини аниқлаш, ҳамда индивидуал медикаментоз эрта даво танлаш имконини берувчи математик прогнозлаш билан такомиллаштирилган.
IV. Тадқиқот натижаларининг жорий қилиниши:
Марказий асаб тизими ўткир яллиғланиш касалликларини диагностикасига қаратилган янги ёндашувларни ишлаб чиқиш бўйича олинган илмий натижалар асосида:
энцефалит, миелит, энцефаломиелит кечиши ва касаллик якунини прогнозлаш бўйича олинган илмий тадқиқот натижалари асосида ишлаб чиқилган «Марказий асаб тизими ўткир яллиғланиш касалликларининг кечиши ва касаллик хотимасини прогнозлаш усули» номли услубий тавсиянома тасдиқланган (Соғлиқни сақлаш вазирлигининг 2022 йил 18 мартдаги 8н-з /75 маълумотномаси). Мазкур услубий тавсиянома марказий асаб тизими ўткир яллиғланиш касалликларида эрта ташхислаш ва асоратларни прогнозлашда самара кўрсатган, ижтимоий жиҳатдан аҳамияти катта бўлган ва иқтисодий самарадорлигини ошириш имконини берган;
марказий асаб тизими яллиғланиш касалликларида (миелит, энцефалит, энцефаломиелит) касаллик кечишининг оғирлилик даражасини аниқлаш, даволаш ва асоратларини яхшилаш бўйича тадқиқот натижалари соғликни сақлаш амалиётига, жумладан республика шошилинч тиббий ёрдам маркази Андижон филиали ва Асака туман тиббиёт бирлашмаси неврология бўлимларининг амалиётига жорий қилинган (Соғлиқни сақлаш вазирлигининг 2022 йил 2 июндаги 8-15336-сон маълумотномаси). Олинган натижалар тиббиёт амалиётига тадбиқ этилиши марказий асаб тизими ўткир яллиғланиш касалликларининг (энцефалит, миелит, энцефаломиелит) эрта диагностик алгоритмларини такомиллаштириш, прогностик модель ёрдамида ўз вақтида даволашни коррекциялаш орқали, касалликнинг чуқур неврологик асоратларини ва ўлим ҳолатларини камайтириш имконини берган.