Хошимов Собир Муртазаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда хорижий инвестицияларни суғурталашни такомиллаштириш», 08.00.07 – Молия, пул муомаласи ва кредит (иытисодиёт фанлари).
Диссертация мавзуси рўйхатга олинган рақам: В2021.4.PhD/Iqt1914.
Илмий раҳбар: Каримқулов Жасур Имомбоевич, иқтисодиёт фанлари доктори (DSc).
Диссертация бажарилган муассаса номи: Тошкент молия институти.
ИК фаолият кўрсатаётган муассаса номи, ИК рақами: Тошкент молия институти, DSc.03/30.12.2019.I.17.01.
Расмий оппонентлар: Жумаев Нодир Хосиятович, иқтисодиёт фанлари доктори, профессор; Худойқулов Садирдин Каримович, иқтисодиёт фанлари доктори, профессор.
Етакчи ташкилот: Самарқанд иқтисодиёт ва сервис институти.
II. Тадқиқотнинг мақсади Ўзбекистонда хорижий инвестицияларни суғурталашни такомиллаштиришга қаратилган илмий тaклиф вa амалий тaвсиялaр ишлaб чиқишдaн ибoрaт.
III. Тадқиқотнинг илмий янгилиги:
давлат-хусусий шериклик шаклида суғурта пулини (Insurance Pool) ташкил этиш орқали юқори қийматли хорижий инвестициялар иштирокидаги лойиҳаларни суғурталаш таклиф этилган;
cуғурта компанияларининг хорижий инвестицияларни суғурталашда ташкилот раҳбарларининг жавобгарлигини суғурталаш ва бизнеснинг тўхтаб қолишини суғурталашни жорий этиш зарурлиги илмий асосланган;
хорижий инвестиция иштирокидаги лойиҳаларнинг риск ва мураккаблик даражасидан келиб чиқиб, табақалаштирилган тартибда суғурталашга қабул қилиш илмий асосланган;
хорижий инвестиция иштирокидаги лойиҳаларни суғурта фаолияти классификаторининг 1,-3,-7,-8,-9- класслари доирасида ўзаро боғлиқликда суғурталаш тартиби таклиф этилган.
IV. Тадқиқот натижаларининг жорий қилиниши:
Ўзбекистонда хорижий инвестицияларни суғурталашни такомиллаштириш бўйича ишлаб чиқилган илмий таклифлар ва амалий тавсиялар асосида:
давлат-хусусий шериклик шаклида суғурта пулини (Insurance Pool) ташкил этиш орқали юқори қийматли хорижий инвестициялар иштирокидаги лойиҳаларни суғурталаш таклифи Ўзбекистон Республикаси Молия вазирлиги ҳузуридаги Суғурта бозорини ривожлантириш агентлигининг   «2022-2026 йилларда Ўзбекистон суғурта бозорини ривожлантириш стратегияси»ни ишлаб чиқишда фойдаланилган (Ўзбекистон Республикаси Молия вазирлиги ҳузуридаги Суғурта бозорини ривожлантириш агентлигининг 2022 йил 29 мартдаги КТ/16-02-32-18/362-сон маълумотномаси). Натижада, хорижий инвестициялар иштирокидаги эркин иқтисодий зоналар ҳудудида қиймати 5,0 миллион АҚШ доллари эквивалентидан, устувор тармоқларда  қиймати 50 миллион АҚШ доллари ва ундан юқори бўлган инвестиция лойиҳаларини суғурталашга эришилган;
cуғурта компанияларининг хорижий инвестицияларни суғурталашда  ташкилот раҳбарларининг жавобгарлигини суғурталаш ва бизнеснинг тўхтаб қолишини суғурталашни жорий этиш таклифи «Ўзагросуғурта» АЖ суғурта компаниясининг «2022-2024 йилларга мўлжалланган суғурта хизматларини ривожлантириш стратегия»сини ишлаб чиқишда фойдаланилган («Ўзагросуғурта» акциядорлик жамиятининг 2022 йил 6 апрелдаги 02-02/752-сон маълумотномаси). Бунинг натижасида, «Ўзагросуғурта» АЖ суғурта компаниясида хорижий инвестицияларни суғурталаш бўйича суғурта турларини кенгайтириш ва кўрсатилаётган суғурта хизматлари ҳажмлари ошишига эришилган. Жумладан, хорижий инвестицияларни суғурталаш бўйича суғурта турлари 5 тадан 7 тага етказилган;
хорижий инвестиция иштирокидаги лойиҳаларнинг риск ва мураккаблик даражасидан келиб чиқиб, табақалаштирилган тартибда суғурталашга қабул қилиш таклифи «Ўзагросуғурта» АЖ суғурта компаниясининг «2022-2024 йилларга мўлжалланган суғурта хизматларини ривожлантириш стратегия»сини ишлаб чиқишда фойдаланилган («Ўзагросуғурта» акциядорлик жамиятининг 2022 йил 6 апрелдаги 02-02/752-сон маълумотномаси). Натижада, инвестиция лойиҳалари рискларини суғурталаш шартларини ишлаб чиқиш такомиллаштирилган ҳамда суғурта компанияларининг рисклар бўйича жавобгарлик масъулиятини қабул қилиш қобилиятини белгилашга хизмат қилган;
хорижий инвестиция иштирокидаги лойиҳаларни суғурта фаолияти классификаторининг 1,-3,-7,-8,-9- класслари доирасида ўзаро боғлиқликда суғурталаш тартиби таклифи «Ўзагросуғурта» АЖ суғурта компаниясининг 2021 йил 28 январдаги 01-06/1476-сон йиллик иш режасига асосан суғурталаш дастурларини ишлаб чиқишда фойдаланилган («Ўзагросуғурта» акциядорлик жамиятининг 2022 йил 6 апрелдаги 02-02/752-сон маълумотномаси). Бунинг натижасида, «Ўзагросуғурта» АЖда хорижий инвестиция иштирокидаги корхоналарни комплекс суғурталашдан келиб тушган суғурта мукофотлари 2021 йилда 12,78 млрд. сўмни ташкил қилиб, ўтган йилга нисбатан 30 фоизга ўсишига эришилган.