Бабаджанов Жасурбек Камилжановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Яхши ва ёмон сифатли этиологияли механик сариқликдаги эндоген заҳарланишни коррекциялаш усулини ишлаб чиқиш» мавзусидаги 14.00.40 – Шошилинч тиббиёт (тиббиёт фанлари).
Диссертация мавзуси рўйхатга олинган рақам:. B2019.2.PhD/Tib983.
Илмий раҳбар: Арипова Назира Уктамовна, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Республика шошилинч тиббий ёрдам илмий маркази, DSc.04/30.12.2019.Тib.63.01.
Расмий оппонентлар: Ақилов Хабибулла Атауллаевич, тиббиёт фанлари доктори, профессор;. Баймаков Сайфиддин Рисбаевич, тиббиёт фанлари доктори, профессор.
Етакчи ташкилот: Республика ихтисослаштирилган онкология ва радиология илмий-амалий тиббиёт маркази.
Диссертация йўналиши: амалий аҳамиятга молик.
II. Тадқиқотнинг мақсади: механик сариқликда эндоген заҳарланиш кузатилган беморларни замонавий сорбция усулини жорий этиш орқали даволаш натижаларини яхшилашдан иборат.
III. Тадқиқотнинг илмий янгилиги:
сафро йўлларининг ташқи дренажлашдан кейин динамикада яхши ва ёмон сифатли этиологияли механик сариқлик билан касалланган беморларда сафронинг биокимёвий таркиби, сафро ва қон зардоби таркибидаги яллиғланиш келтириб чиқарувчи цитокинлар (ўсма некроз омили-α ва интерлейкин-6) ва ўрта молекуляр пептидлар даражасига боғлиқлиги асосланган;
қон зардоби ва сафро таркибида ўрта молекуляр пептидлар ва яллиғланишни келтириб чиқарувчи цитокинлар миқдорининг пасайиши негизида жигарнинг функционал ҳолатини тикланиши сафро таркибида сафро кислоталари миқдорининг ошишига боғлиқлиги исботланган;
тери ва жигар орқали холангиостомадан кейин механик сариқлик билан хасталанган беморларда маҳаллий Лигнова сорбентидан фойдаланган ҳолда сафро сорбциясининг яхшиланиши орқали тананинг эндоген заҳарланишини камайиши ва жигарнинг функционал ҳолатини тикланиши исботланган;
яхши ва ёмон сифатли этиологияли механик сариқлик кузатилган беморларда сафро сорбциясини қўллаш беморларни эндоген заҳарланишни келтириб чиқарадиган омилларни бартараф этганлиги сабабли беморларни жарроҳлик даволашнинг иккинчи босқичига тайёрлашни такомиллаштириш самарадорлиги исботланган.
IV. Тадқиқот натижаларининг жорий қилиниши.
Яхши ва ёмон сифатли этиологияли механик сариқликдаги эндоген заҳарланишни коррекциялаш усулини ишлаб чиқиш илмий тадқиқотлар натижалари асосида:
яхши ва ёмон сифатли этиологияли механик сариқликдаги эндоген заҳарланишни коррекция қилиш бўйича олиб борилган тадқиқотнинг илмий натижалар асосида ишлаб чиқилган «Ўт йўлларининг органик шикастланишлари диагностикаси» номли услубий тавсиянома тасдиқланган (Соғлиқни сақлаш вазирлигининг 2021 йил 18 июндаги 8н-р/538-сон маълумотномаси). Натижада ўт йўлларининг органик шикастланишларини самарали ташхислаш ва даволашни самарадорлигини ошириш имконини берган;
яхши ва ёмон сифатли этиологияли механик сариқликдаги эндоген заҳарланишни коррекция қилишга қаратилган илмий натижалар асосида «Механик сариқликдаги эндоген интоксикацияни коррекциялаш методини ишлаб чиқиш» номли услубий тавсиянома тасдиқланган (Соғлиқни сақлаш вазирлигининг 2021 йил 18 июндаги 8н-р/539-сон маълумотномаси). Натижада ушбу усул механик сариқликдаги эндоген интоксикацияни коррекциялаш самарадорлигини оширган ва беморларнинг хаёт сифатини яхшилаш имконини берган;
яхши ва ёмон сифатли этиологияли обструктив сариқликда эндоген заҳарланишни коррекция қилиш бўйича олинган илмий натижалар соғлиқни сақлаш амалиётига, жумладан, Республика шошилинч тиббий ёрдам илмий маркази Хоразм филиали ва тиббиёт ходимларининг касбий малакасини ривожлантириш марказининг кўп тармоқли клиникаси жарроҳлик бўлимларининг клиник амалиётига жорий қилинган (Соғлиқни сақлаш вазирлигининг 2021 йил 6 октябрдаги 8н-з/321-сон маълумотномаси). Олинган натижаларни амалиётга татбиқ этилиши яхши ва ёмон сифатли этиологияли механик сариқлик кузатилган беморларда сафро сорбциясини қўллаш беморларни операциядан олдин тайёрлашнинг анъанавий усулларига қараганда паллиатив ва радикал жарроҳлик аралашувларни эндоген заҳарланишни келтириб чиқарадиган омилларни бартараф этганлиги сабабли ижобий натижага бериш, тери ва жигар орқали холангиостома қўлланилгандан кейин механик сариқлик  билан асоратланган билиопанкреатодуденал соҳа касалликлари кузатилган беморларни паллиатив ва радикал жарроҳлик даволашнинг иккинчи босқичига тайёрлашни такомиллаштириш имконини бериш ва беморнинг ҳаёт сифатини баҳолаш имконини берган.