Норов Собиржон Негмуродовичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ер текислаш машиналари шнекли иш органларининг параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2020.3.PhD/ Т1854.
Илмий раҳбар: Мансуров Мухторжон Тохиржонович, техника фанлари доктори, доцент.
Диссертация бажарилган муассаса (муассасалар) номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.T.112.01.
Расмий оппонентлар: Имомқулов Қутбиддин Боқижонович, техника фанлари доктори, профессор; Мусурмонов Аззам Турдиевич, техника фанлари доктори, доцент.
Етакчи ташкилот: Қишлоқ хўжалиги техникаси ва технологияларини сертификатлаш ва синаш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади: шнекли иш органи билан жиҳозланган текислагичнинг конструктив схемасини ишлаб чиқиш ҳамда параметрларини асослаш орқали экин майдонларини  жорий текислашда иш сифатини ошириш, ёнилғи ва бошқа харажатлар сарфини камайтиришдан иборат.
III. Тадқиқотнинг илмий янгилиги:
шнекли иш органи билан жиҳозланган текислагичнинг конструктив схемаси ва технологик иш жараёни майдон сатҳидаги нотекисликлар даражасини камайиши ҳамда майин тупроқ қатлами ҳосил қилинишини ҳисобга олиб ишлаб чиқилган;
текислагич шнекли иш органларининг диаметри, қадами ва айланишлар сони тупроқни уларнинг ишчи сиртига ёпишиб қолмаслиги ва олдига уюлмаслиги ҳамда агрегат рационал ҳаракат тезлигини ҳисобга олган ҳолда асосланган;
текислагич ва шнек орасидаги бўйлама масофа улар орасига тупроқ тиқилиб қолмаслиги ҳамда агрегат ҳаракат тезлигини ҳисобга олган ҳолда асосланган;
текислагичга ўрнатилган шнекнинг диаметри, қадами, айланишлар сони ва текислагич ковши билан шнек орасидаги бўйлама масофанинг мақбул қийматларини унинг агротехник ва энергетик иш кўрсаткичларига таъсирини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Ер текислаш машиналари шнекли иш органларининг параметрларини асослаш бўйича олинган натижалар асосида:
шнекли иш органи билан жиҳозланган ер текислагичга доир дастлабки талаблар ва техник топшириқ ишлаб чиқилган (Қишлоқ хўжалиги вазирлигининг 2021 йил 1 декабрдаги № 02/023 – 4902-сон маълумотномаси). Натижада ерларни талаблар даражасида текислайдиган ва майин тупроқ қатламини ҳосил қилиш имконини берадиган ҳамда иш унуми юқори бўлган текислагич яратилган;
шнекли иш органи билан жиҳозланган текислагичнинг тажриба нусхаси Бухоро вилоятининг Когон, Жондор, Вобкент туманлари фермер хўжаликлари жорий этилган (Қишлоқ хўжалиги вазирлигининг 2021 йил 1 декабрдаги № 02/023 – 4902-сон маълумотномаси). Натижада ерларни текислаш жараёнида иш сифати ошиб, техникага сарфланадиган харажатларни 1,3 бараварга камайтириш ҳамда қишлоқ хўжалик экинлари ҳосилдорлигини ошириш, етиштирилган ҳосил таннархини камайтириш имкониятлари яратилган.
ишлаб чиқилган шнекли иш органлар билан жиҳозланган машинанинг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (дастлабки талаблар ва техник топшириқлар) «BMKB-Agromash» АЖ да лойиҳалаш жараёнига жорий этилган (Қишлоқ хўжалиги вазирлигининг 2021 йил 1 декабрдаги № 02/023 – 4902-сон маълумотномаси). Натижада асосланган параметрларга эга бўлган шнекли иш органлар билан жиҳозланган машинани ишлаб чиқариш имкони яратилган.