Умаров Шухрат Бадреддиновичнинг
фан доктори (DSc) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Даврий структурали вентилли ўзгартиргичларини иш режимларини тадқиқ қилиш услубиёти”, 05.05.02 – “ Электротехника. Электр энергия станциялари, тизимлари. Электротехник мажмуалар ва қурилмалар” (техника фанлари).
Диссертация мавзуси рўйхатга олинган рақам: В2022.1.DSc/T508.
Илмий маслаҳатчи: Сапаев Хушнуд Бабажанович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент давлат техника университети, DSc.03/10.12.2019.Т.03.03.
Расмий оппонентлар: Коровкин Николай Владимирович, техника фанлари доктори, профессор (Россия Федерацияси); Тоиров Олимжон Зувурович, техника фанлари доктори, профессор; Арипов Назиржон Мукарамович, техника фанлари доктори, профессор.
Етакчи ташкилот: Тошкент давлат ахборот технологиялари университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: даврий структурали вентилли ўзгартиргичларини ўткинчи ва турғун иш режимларини тадқиқ қилиш услубиётини яратиш ва юқори коммутацион муваззанатига эга бўлган вентилли ўзгартиргичнин схемасини ишлаб чиқишдан иборат.
III. Тадқиқотнинг илмий янгилиги:
даврий структурали вентилли ўзгартиргичларининг ишлаш режимларини тадқиқотлаш услубиёти бир ва уч фазали ток инверторларининг математик моделлари ва хисоблаш алгоритмлари асосида ишлаб чиқилган;
универсал операторли алмашинув схемаларини ишлаб чиқиш усули вентилли ўзгартиргичнинг нимсхемаларини эквивалентлаш асосида таклиф этилган;  
бир ва уч фазали автоном инверторларининг ишчи тавсифлари юклама тури, бошқариш усули ҳамда кириш токининг шаклини ҳисобга олган ҳолда аниқланган;
даврий структурали вентилли узгартиргичларининг ўткинчи ва турғун режимларини ҳисоблаш алгоритмлари кириш кучланиши ва юклама қийматлари ўзгаришини ҳисобга олган ҳолда ишлаб чиқилган;
Лаплас ўзгартирилиши усулини такомиллаштириш асосида даврий структурали вентилли  узгартиргичларининг элементларини техник кўрсаткичларини аниқлаш математик моделлари ишлаб чиқилган.
даврий структурали вентилли ўзгартиргич схемаси ток ва кучланиш автоном инверторларининг афзалликларини бирлаштириш асосида ишлаб чиқилган.
IV. Тадқиқот натижаларининг жорий қилиниши. Даврий структурали вентилли ўзгартиргичларини иш режимларини тадқиқ қилиш услубиётини ишлаб чиқиш бўйича олинган илмий натижалар асосида:
симни чўзиш технологик жараёнини такомиллаштириш усули “National HOLDINGS” МЧЖ жорий қилинган («Ўзэлтехсаноат» уюшмасининг 2021 йил 30 декабрдаги №04-3/2828-сонли маълумотномаси). Натижада, мис чиқиндиларини 8% га камайтирилишига, қиммат ускуналар ишлаш муддатини (табиий олмосдан ясалган филера) ўртача 5% га оширилишига, машина вақти 12% га узайтирилиб, 231150 000 (икки юз ўттиз бир миллион бир юз эллик минг)  сўм умумий иқтисодий самарадорликка эришилган;
симни чўзиш технологик жараёнини такомиллаштириш усули «NAVOI CABLE CONNECTOR» ХК МЧЖ жорий қилинган («Ўзэлтехсаноат» уюшмасининг 2022 йил 16 июндаги №04-3/1455-сонли маълумотномаси).  Натижада, мис чиқиндиларини 6% га камайтирилишига, қиммат ускуналарнинг ишлаш муддатини (табиий олмосдан ясалган филера) ўртача 4-5% га оширилишига, машина вақти 10% га узайтирилиб, 164380000 (бир юз олтмиш тўрт миллион уч юз саксон минг)  сўм умумий иқтисодий самарадорликка эришилган;
ўзгармас кучланишни ўзгарувчан кучланишга айлантирувчи ўзгартиргич  учун Ўзбекистон Республикаси Интеллектуал мулк агентлигидан фойдали моделга патент олинган (№FAP 01895; 2022й.). Натижада ўзгартиргичнинг  куч схемаси автоматик равишда алмашиши туфайли юқори коммутация мувозанатли инвертор яратилган.