Мусашайхова Шахноза Мамирбековна
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бирламчи миелофиброз ва эссенциал тромбоцитемиянинг клиник-лаборатор ва молекуляр-генетик хусусиятлари» 14.00.29 – Гематология ва трансфузиология (тиббиёт фанлари).
Диссертация мавзуси рўйхатга олинган рақам: В2021.2.PhD/Tib1984.
Илмий раҳбар: Бобоев Кодиржон Тухтабаевич, тиббиёт фанлари доктори, профессор.
Диссертация бажарилган муассаса номи: Андижон давлат тиббиёт институтида бажарилган.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси DSc.04/30.12.2019.Tib.30.02.
Расмий оппонентлар: Маткаримова Дилфуза Сабуровна, тиббиёт фанлари доктори, профессор, Гильдиева Маргарита Сабировна, биология фанлари доктори, профессор.
Етакчи ташкилот: Бухоро давлат тиббиёт институти, Диссертация йўналиши: амалий аҳамиятга молик.
II. Тадқиқотнинг мақсади: JAK2, CALR, MPL генлари ва ўсманинг ўсиш супрессори ТP53 эпигенетик регуляторининг бирламчи миелофиброз ва эссенциал тромбоцитемиянинг клиник-лаборатор хусусиятлари ҳамда кечишининг башорати билан ўзаро боғлиқлигини баҳолашдан иборат.
III. Тадқиқотнинг илмий янгилиги:
илк марта Ph-манфий миелопролифератив неоплазмалар этиопатогенезида JAK2 (V617F), CALR (52del), CALR (insTTGTC), MPL (W515L) генларидаги драйвер мутацион ўзгаришларининг ва ўсма ўсишини супрессори ТР53 (Pro72Arg) эпигенетик регуляторининг аҳамияти баҳоланган;  
ТР53 генининг Pro72Arg полиморфизми мутацион генотипи мавжудлиги ўсма клонларини шакллантириши оқибатида Ph-манфий сурункали миелопролифератив касалликлар ривожланиши хавфи асосланган;
Ph-манфий миелопролифератив неоплазмаларнинг ўсмали прогрессиясида JAK2 (V617F), CALR(52del), CALR (insTTGTC), MPL (W515L) генлари драйвер мутациялари ва ТР53 (Pro72Arg) генининг биргаликдаги аддитив таъсири аниқланган;
ТР53 генининг функционал жиҳатдан ноқулай генотипик вариантлари билан драйвер мутацияларининг комбинацияси бирламчи миелофиброз ва эссенциал тромбоцитемия билан оғриган беморларда касаллик прогнозини сезиларли даражада ёмонлаштириши аниқланган.
IV.Тадқиқот натижаларининг жорий қилиниши.
Бирламчи миелофиброз ва эссенциал тромбоцитемиянинг клиник-лаборатор ва молекуляр-генетик хусусиятларини аниқлаш бўйича олинган илмий натижалар асосида:
сурункали миелопролифератив касалликларнинг турли шаклларини эрта ва ўз вақтида аниқлаш бўйича олинган илмий  натижалар асосида ишлаб чиқилган «Сурункали миелопролифератив касалликлар диагностикасининг молекуляр-генетик хусусиятлари» номли услубий тавсиянома тасдиқланган (Соғлиқни сақлаш вазирлигининг 2022 йил 27 майдаги № 8н-з/248 сонли маълумотномаси). Мазкур услубий тавсиянома сурункали миелопролифератив касалликларни аниқлашда тактик ёндашувларни такомиллаштиришга, хусусан  бирламчи миелофиброз ва эссенциал тромбоцитемия ташхисининг аниқ кўйилишини сезиларли даражада яхшилашга ва касалликнинг кечишини мутаносиб башорат қилиш имконини берган;      
сурункали миелопролифератив касалликларнинг клиник-лаборатор ва молекуляр-генетик хусусиятларини бахолаш бўйича олинган илмий натижалар соғлиқни сақлаш амалиётига, жумладан, Республика ихтисослаштирилган гематология илмий-амалий тиббиёт маркази, Андижон давлат тиббиёт институти клиникаси, Андижон вилояти кўп тармоқли тиббиёт маркази бўлимлари амалиётига тадбиқ этилган (Соғлиқни сақлаш вазирлигининг 2022 йил 21 июлдаги №08-20962 сонли маълумотномаси). Олинган илмий натижалар Ph-манфий миелопролифератив касалликларни эрта ва ишончли ташхислаш, клиник кечишини башорат қилиш орқали ўлим сонини, ногиронликни камайтириш хамда беморларни хаёт сифатини яхшилаш имконини берган.