Seytov Shavkat Jumabaevichning
falsafa doktori (PhD) dissertatsiya himoyasi haqida e’lon

I.Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Populyasion genetika diskret dinamik sistemalarining sonli va kompyuterli tahlili», 05.01.07 – Matematik modellashtirish. Sonli usullar va dasturlar majmui (fizika-matematika fanlari).
Dissertatsiya mavzusi ro‘yxatga olingan raqam: B2021.1.PhD/FM590.
Ilmiy rahbar: G‘aniho‘jaev Rasul Nabievich, fizika-matematika fanlari doktori, professor.
Dissertatsiya bajarilgan muassasa nomi: O‘zbekiston milliy universiteti.
IK faoliyat ko‘rsatayotgan muassasa (muassasalar) nomi, IK raqami: O‘zbekiston milliy universiteti, DSc.03/30.12.2019.FM.01.02. 
Rasmiy opponentlar: Normurodov Chori Begalievich, fizika-matematika fanlari doktori, professor; Eshmamatova Dilfuza Baxromovna, fizika-matematika fanlari nomzodi, dotsent.
Yetakchi tashkilot: Toshkent axborot texnologiyalari universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: nochiziqli ayirmali tenglamalar bilan ifodalanuvchi populyasiya jarayonlarida turg‘un va davriy holatlarning bifurkatsiya chiziqlarini topish, jarayonning asimptotik nuqtalarini  aniqlash hamda Koshi masalasini sonli echish uchun algoritm va dasturlar majmuini yaratishdan iborat.
III. Tadqiqotning ilmiy yangiligi: 
ikki parametrga bog‘liq ikki o‘lchovli kvadratik va kubik ayirmali tenglamalar bilan ifodalangan populyasiya jarayoni matematik modelining asimptotik nuqtalari tenglamalarning bifurkatsiya holatlaridan foydalanib topilgan;
ikki parametrga bog‘liq nochiziqli ayirmali tenglamalar orqali ifodalangan diskret dinamik sistemalar uchun  Jyulia  va Man`del`brot to‘plamlari tenglamaning boshlang‘ich shartlari asosida topilgan;
bir-biriga bog‘liq turlarning populyasiya jarayonini ifodalovchi ikki  o‘lchovli kvadratik va kubik akslantirishlar traektoriyalarining xaotikligi simvolik dinamika asosida  isbotlangan;
populyasiya jarayonini ifodalovchi nochiziqli ayirmali tenglamalar sistemasini sonli echish hamda Koshi shartlarini tasniflash algoritmi va dasturlar majmuasi ishlab chiqilgan.
IV. Tadqiqot natijalarining joriy qilinishi: Populyasiya jarayonini  analitik va sonli modellashtirish bo‘yicha olingan ilmiy izlanishlar natijalari quyidagi loyihalar va tashkilotlarda amaliyotga joriy qilingan:
nochiziqli jarayonlarni modellashtirishda ikki o‘lchovli kubik va kvadratik nochiziqli ayirmali tenglamalar sistemasi uchun xoatik echimlar mavjudligidan №FA-F-2-008 “Yakkalangan qora o‘ralar va qora o‘ralardan iborat qo‘shaloq tizimlar relyastivistik astrofizikasi” grant loyihasida nochiziqli Lagranj funksiyasidan foydalangan holda olingan zarralar dinamikasini tasniflashda va sonli echishda foydalanilgan (O‘zbekiston Fanlar Akademiyasi Ulug‘bek nomidagi astronimiya institutining 2022 yil 25 martdagi №02-59/32t-son ma’lumotnomasi). Ilmiy natijalarning qo‘llanilishi zarralarning qora tuynuklar atrofidagi nochiziqli tebranish jarayonlarini baholash va sonli natijalarni vizuallashtirish imkonini bergan.
nochiziqli ikki o‘lchovli ikki parametrga bog‘liq ayirmali tenglamalar sistemasi uchun turg‘un, davri ikkiga va to‘rtga teng bo‘lgan echimlari to‘la tasnifidan №OT-ATEX-2018-437 “Respublika energetika o‘rta va uzoq muddatli kelajagi uchun yoqilg‘i balansi diversifikatsiyalar bo‘yicha kompleks ilmiy texnikaviy echimlr ishlab chiqish” mavzusidagi grant loyihasida foydalanilgan (Toshkent davlat transport universitetining 2022 yil 31 yanvardagi №07-05/5/5-son ma’lumotnomasi).  Natijada, kompleks ilmiy-texnikaviy echimlar ishlab chiqishda sonli natijalarni vizullashtirish imkonini bergan.