Олий малакали илмий ва илмий-педагог кадрлар ихтисосликлари рўйхати (номенклатура) – олий малакали илмий ва илмий-педагог кадрларни мақсадли тайёрлаш, уларни аттестациядан ўтказиш, талабгорларнинг илмий даражаси ва илмий унвонларини тасдиқлаш, шунингдек муайян аттестация тадбирларини системали ташкил этиш юзасидан фан тармоқлари, ихтисослик гуруҳлари ва ихтисослик-ларнинг тизимли равишда шифрланган (рақамланган) комплекс рўйхати.

Ихтисослик – муайян белгилар (мақсад, предмет, моҳият, алоқадорлик ва бошқалар) асосида моҳиятан бир-бирига яқин ва мазмунан турдош бўлган тадқиқот йўналишларининг тегишли фан тармоғи асосида ихтисослик доирасидаги бирлиги.

Ихтисослик номи – муайян ихтисослик моҳиятининг аннотация тарзида аниқ ва жуда қисқа шаклда ифодаланиши.

Ихтисослик шифри (рақами) – олий малакали илмий ва илмий-педагог кадрлар ихтисосликлари рўйхатидаги муайян ихтисосликнинг тегишли фан тармоғи ва ихтисосликлар гуруҳи рақамланган тизимидаги тартиб рақами.

Фан тармоғи – муайян белгилар асосида моҳиятан бир-бирига яқин ихтисосликлар гуруҳи (ихтисосликлар)нинг тегишли фан тармоғи бўйича гуруҳланиши. 

Фан тармоғи шифри (рақами) – олий малакали илмий ва илмий-педагог кадрлар ихтисосликлари рўйхатидаги муайян фан тармоғининг фан тармоқлари таркибида рақамланган тартиб рақами.