Ибрагимов Нематжон Комилжоновичнинг 
фан доктори (DSc) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Йирингли септик инфекция орқали юзага келган эндоген интоксикация синдроми бўлган беморларнинг интенсив терапияси», 14.00.37 – Анестезиология ва реаниматология (тиббиёт фанлари).
Диссертация мавзуси рўйхатга олинган рақам: B2018.2.DSc/Tib321.
Илмий маслахатчи: Аваков Вячеслав Ервандович, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
Илмий кенгаш рақами: Республика шошилинч тиббий ёрдам илмий маркази, DSc.04/30.12.2019.Tib.63.01.
Расмий оппонентлар: Акалаев Рустам Нурмухамедович тиббиёт фанлари доктори, профессор; Ибатов Ровшан Алиевич, тиббиёт фанлари доктори, профессор; Исраилова Венера Карыпбековна, тиббиёт фанлари доктори, профессор.
Етакчи ташкилот: Академик И.П.Павлов номидаги Биринчи Санкт-Петербург давлат тиббиёт университети (Россия Федерацияси).
Диссертация йўналиши: амалий аҳамиятга молик.
II. Тадқиқотнинг мақсади йирингли септик инфекция орқали юзага келган эндоген интокцикация синдроми бўлган беморларнинг интенсив терапиясини такомиллаштириш бўйича таклиф ва тавсияларни ишлаб чиқишдан иборат. 
III. Тадқиқотнинг илмий янгилиги:
сепсисда эндотоксинларнинг хар хил биологик мухитларда миқдори ва захираланиши, гемодинамик бузилишларнинг оғирлик даражасига тасирини баҳолаш асосида жигар хамда буйрак етишмовчиликларини патогенетик коррекция қилиш  қаратилган даволаш тактикаси исботаланган;
қон айланишининг гиподинамик турида ультрабинафша нур билан нурлантирилган қонни аутотрансфузияси ва ўртача оғирликдаги молекулаларни туқималардан қон оқими тизимига сорбциядан олдинги сафарбар қилиниши хавфсизлиги ва самарадорлиги исботланган;  
қандли диабети бор беморларда юмшоқ тўқималарнинг йирингли некротик шикастланиши ва ўткир тарқалган перитонитли беморларда сепсис билан асоратланган турли даражаларни ривожланиши билан инфекцион жараён генерализациясини сони ва даражаси, патогенетик йўналтирилган даволаш ва кўрсатилган асоратларни эрта ташхислаш самарадорлиги исботланган; 
жигарнинг зарарлантириш хусусиятлари бузилишини эрта ташхислаш бўйича таклиф этилган чора–тадбирлар табиий зарарлантирувчи аъзо бўлган жигарнинг ютувчи ва зарарлантирувчи хусусиятини оширишга йўналтирилган фаолиятини тиклаш механизми илмий асосланган;  
экстракорпорал детоксикация  самарадорлигини ошириш мақсадида олдиндан инфузион муолажалар ёрдамида эндотелиянинг ўтказувчанлигини ва тўқималарнинг перфузиясини ошириш орқали қон томир тизимига интерстицияни дренажлаш усули самарадорлиги исботланган;
IV. Тадқиқот натижаларининг жорий қилиниши.
Йирингли септик инфекция орқали юзага келган эндоген интоксикация синдроми бўлган беморларнинг интенсив терапияси бўйича олинган илмий натижалар асосида:
йирингли септик инфекция орқали юзага келган эндоген интоксикация синдроми бўлган беморларнинг интенсив терапияси такомиллаштириш бўйича олиб борилган тадқиқотнинг илмий натижалари  асосида ишлаб чиқилган «Айланиб юрувчи қон хажмини аниқлаш усули» бўйича Ўзбекистон Республикаси Интеллектуал мулк агентлигининг ихтирога патенти олинган (№ 03704, 2006). Натижада ушбу усул айланиб юрувчи қон хажмини аниқлашнинг янги усулини жорий этилиши сепсис каби асоратлар сонини сезиларли пасайтириш ва экстракорпорал детоксикация натижаларини яхшилаш имконини берган;
йирингли септик инфекция орқали юзага келган эндоген интокцикация синдроми бўлган беморларнинг интенсив терапиясини такомиллаштириш бўйича олиб борилган тадқиқотнинг илмий натижалари  асосида ишлаб чиқилган «Йирингли-септик инфекция чақирган, эндоген интоксикация синдромли беморларни интенсив даволаш» номли услубий тавсиянома тасдиқланган (Соғлиқни сақлаш вазирлигининг 2021 йил 26 майдаги 8н–з/434–сон маълумотномаси). Натижада йирингли септик инфекция орқали юзага келган эндоген интокцикация синдроми бўлган беморларни  самарали ташхислаш ва даволашнинг самарадорлигини ошириш ва ҳаёт сифатини яхшилаш имконини берган  ва оёкларнинг юкори кисми ампутациясини 25% га камайтириш имконини берган;
йирингли септик инфекция орқали юзага келган эндоген интокцикация синдроми бўлган беморларнинг интенсив терапиясини такомиллаштиришга қаратилган илмий натижалар асосида «Сепсис: унинг патогенезига, ташхислашга, клиникасига ва даволашга замонавий қарашлар» номли услубий тавсиянома тасдиқланган (Соғлиқни сақлаш вазирлигининг 2022 йил 02 февралдаги 8н–з/90–сон маълумотномаси). Натижада бу  полиорган етишмаслиги ва сепсисга олиб келувчи эндоген интоксикация синдромли беморларни даволашда жонлантириш хизмати имкониятларини кенгайтириш ва самарадорлигини ошириш имконини берган. 
йирингли септик инфекция орқали юзага келган эндоген интокцикация синдроми бўлган беморларнинг интенсив терапиясини такомиллаштириш бўйича олинган илмий натижалар соғлиқни сақлаш амалиётига, жумладан, Тошкент тиббиёт академиясининг кўп тармоқли шифохонаси, Самарқанд ҳамда Андижон давлат тиббиёт институтлари шифохоналарининг клиник амалиётига жорий қилинган. (Соғлиқни сақлаш вазирлигининг 2022 йил 31 майдаги 08-14994–сон маълумотномаси). Олинган илмий натижаларнинг амалиётга жорий қилиниши перитонитли ва қандли диабетда оёқнинг йирингли некротик шикастланиши билан асоратланган беморларда жигар фаолиятининг бузилиши, даволашда жигарда қон айланишини яхшиловчи воситалар, гепатопротекторлар ва септик каскадни қоплаб олувчи воситаларни ўз вақтида қўллаш жигарнинг бузилган вазифасини тиклаш, жарроҳлик  амалиётидан кейинги даврда диурезни форсирланиши билан детоксикацион инфузион-трансфузион даволашни  амалга ошириш,  йирингли яллиғланишли асоратлар даражасини сезиларли даражада 33,6% га нисбатан 17,1% гача камайиши ва  беморлар ҳаёт сифатини яхшилаш ҳамда реанимация бўлимида даволаниш давомийлигини 11 кундан 8 кунгача (27,3%) камайтириш имконини берган.