Ne’matova Dilfuza Eminovnaning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. 
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Giperbolik sistemalarning turg‘un echimlarini hisoblash uchun ayirmali sxemalarni tadqiq etish», 01.01.03–Hisoblash matematikasi va diskret matematika (fizika-matematika fanlari).
Dissertatsiya mavzusi ro‘yxatga olingan raqam: B2022.1.PhD/FM391.
Ilmiy rahbar: Aloev Raxmatillo Djuraevich, fizika-matematika fanlari doktori, professor.
Dissertatsiya bajarilgan muassasa nomi: Mirzo Ulug‘bek nomidagi O‘zbekiston Milliy universiteti.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti huzuridagi DSc.03/30.12.2019.FM.01.02 raqamli ilmiy kengash.
Rasmiy opponentlar: Normuradov Chori Begalievich, fizika-matematika fanlari doktori, professor; Boltaev Aziz Kuzievich, fizika-matematika fanlari bo‘yicha PhD.
Yetakchi tashkilot: Jahon iqtisodiyoti va diplomatiya universiteti.
Dissertatsiya yo‘nalishi: nazariy va amaliy ahamiyatga molik.
II.Tadqiqotning maqsadi simmetrik t-giperbolik sistema uchun qo‘yilgan aralash masalani eksponensial turg‘un bo‘lgan (Lyapunov ma’nosida turg‘un) echimlarini sonli hisoblash jarayonida foydalanadigan fazoviy o‘zgaruvchilari yo‘nalishlari bo‘yicha parchalanuvchi ayirmali sxemani ishlab chiqish va uning turg‘unligini tadqiq etishdan iborat
III.Tadqiqotning ilmiy yangiligi:
ikkita tenglamali hamda n ta noma’lumli n ta tenglamali bir o‘lchovli chiziqli simmetrik t-giperbolik sistema uchun qo‘yilgan aralash masalani sonli echishga mo‘ljallangan oqimga qarshi ayirmali sxema qurilgan va uning Lyapunov turg‘unlik yondoshuvidan foydalanib eksponensial turg‘unligi isbotlangan; 
o‘zgaruvchan koeffisientli chiziqli simmetrik t-giperbolik sistema uchun qo‘yilgan aralash masalani sonli echishga mo‘ljallangan oqimga qarshi ayirmali sxema qurilgan hamda Lyapunov funksiyasini qurish yordamida eksponensial turg‘unligi isbotlangan; 
chiziqli giperbolik balans qonunlari sistemasi uchun qo‘yilgan aralash masalani sonli echishga mo‘ljallangan kichik hadlari bo‘yicha parchalanuvchi oqimga qarshi ayirmali sxema qurilgan va turg‘unligini ta’minlovchi algebraik mezonlardan eksponensial turg‘unligi isbotlangan; 
uch o‘lchovli chiziqli simmetrik t-giperbolik sistemasi uchun qo‘yilgan aralash masalani sonli echishga mo‘ljallangan fazoviy o‘zgaruvchilari yo‘nalishlari bo‘yicha parchalanuvchi oqimga qarshi ayirmali sxema qurilgan va Lyapunov funksiyasini qurish yordamida turg‘unligini ta’minlovchi algebraik mezonlardan eksponensial turg‘unligi isbotlangan.
IV. Tadqiqot natijalarining joriy qilinishi. Chiziqli simmetrik t-giperbolik sistema uchun qo‘yilgan aralash masalani turg‘un echimlarini hisoblash uchun ayirmali sxema qurish bo‘yicha olingan ilmiy natijalar asosida:
oshkor oqimga qarshi ayirmali sxema eksponensial turg‘unligini isbotlashda Lyapunov turg‘unligi yondoshuvi va eksponensial turg‘unlikni ta’minlovchi algebraik mezonlardan AR051321026-“Ishqalanish koeffisientining (xotira bilan) chastotali bog‘liqligini e’tiborga olgan holda elastik-deformatsiyalanuvchi g‘ovak muhit dinamikasini matematik modellashtirish” grant loyihasida bir jinsli bo‘lmagan g‘ovak muhitlarda seysmik to‘lqinlarning tarqalish muammosini sonli-analitik modellashtirish va tadqiq etishda qo‘llanilgan (Qozog‘iston Respublikasi ta’lim va fan vazirligi Informatsion va hisoblash texnologiyalari institutining 2021 yil 18 maydagi №01-07/270-sonli ma’lumotnomasi). Natijada, seysmik to‘lqinlarning tarqalish masalasi sonli echimining model masala aniq echimiga yaqinlashishini tasdiqlash imkonini bergan;
chiziqli giperbolik balans qonunlari sistemasi va uch o‘lchovli chiziqli simmetrik t-giperbolik sistema uchun qo‘yilgan aralash masalani sonli echishga bag‘ishlangan fazoviy o‘zgaruvchilari yo‘nalishlari bo‘yicha parchalanuvchi oqimga qarshi ayirmali sxema sonli echimidan UMT/CRIM/2-2/2/14 Jld.4(44) No 55233 -“Chiziqli va nochiziqli intergal tenglamalar uchun gamotope tahlil qilish usuli (HAM) va quvvat kabelining kuchlanishini va masshtab koeffisienti  modellashtirish” grant loyihasida nochiziqli integral tenglamalar sistemasini echishda qo‘llanilgan (Malayziya Terengganu universiteti (UMT)ning  2021 yil 5 maydagi  №UMT/FTKKI/500-30-sonli ma’lumotnomasi). Ilmiy natijalarning qo‘llanilishi nochiziqli integral tenglamalar sistemasi va singular integral tenglamani taqribiy echimlarni topish imkonini bergan.