Сафарова Тумарис Рустамкуловнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): “Этномаданий туризмни ривожлантиришнинг ижтимоий-маданий омиллари”, 09.00.02 – “Онг, маданият ва амалиёт шакллари фалсафаси  (маданият фалсафаси ва маданиятшунослик)” (фалсафа фанлари бўйича).
Диссертация мавзуси рўйхатга олинган рақам: В2021.2.PhD/Fal298.
Илмий раҳбар: Нурматова Мукарам Ахмедовна, фалсафа фанлари доктори, профессор.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.F.01.05.
Расмий оппонентлар: Абилов Урол Муродович, фалсафа фанлари доктори, профессор; Қорабоев Усмон Ҳосилович, фалсафа фанлари доктори, профессор.
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади этномаданий туризмнинг генезиси, ижтимоий функциялари, иқтисодий тараққиётдаги ўрни ва ривожланиш хусусиятларини  очиб беришдан иборат.
III. Тадқиқотнинг илмий янгилиги:
жамият ижтимоий-маданий ривожининг интровертив ва экстровертив моҳияти ва халқлар ўртасидаги маданий алоқаларни юксалтиришда этномаданий туризмнинг инсон онгги ва тафаккурига таъсири, турмуш тарзидаги ўзгаришлар сабабли илмий-техникавий цивилизация билан боғлиқлиги очиб берилган;
этномаданий туризмни ривожлантиришда зиёрат ва этнотуризмнинг амалий жиҳатдан маданий компетентликка эришишдаги янги тизимни яратишдаги роли, табиатни асраш ва сақлашда экологик ва агро туризмни инвайроментал ва коэволюцион жиҳатдан такомиллаштиришнинг туристик ресурслардан интеллектуaл жиҳатдан мақсадли фойдаланишдаги мaдaний интегрaцияга асосланган ҳаётий тажрибалар орттиришнинг ментал хусусиятлари асосланган;
этномаданий туризмни ривожлантирувчи қадрият, меросни акс эттирувчи аксиологик ва инсон эҳтиёжи каби антропологик омилларнинг жамият тараққиётининг инъикоси бўлганлиги сабабли маданиятлараро диалог, халқларнинг ўзаро ҳурматни ва барқарор ижтимоий муносабатларни ташкил этиш усули эканлиги фалсафий жиҳатдан очиб берилган;
Ўзбекистонда туризмни ривожлантиришнинг амалий этнология ва замонавий этноинтеграция билан уйғунлигини таъминлашда тизимлиликка эришиш сабабли антикваризм ва презентизм тамойилларига риоя қилиш, дунё халқлари учун миллий демографик хилма-хилликни акс эттирган янги маданий маконни яратишнинг ижтимоий зарурияти асосланган.
IV. Тадқиқот натижаларининг жорий қилиниши.Этномаданий туризмни ривожлантиришнинг ижтимоий-маданий омиллари мавзуси бўйича олиб борилган тадқиқот натижалари асосида:
жамият ижтимоий-маданий ривожининг интровертив ва экстровертив моҳияти ва халқлар ўртасидаги маданий алоқаларни юксалтиришда этномаданий туризмнинг инсон онгги ва тафаккурига таъсири, турмуш тарзидаги ўзгаришлар сабабли илмий-техникавий цивилизация билан боғлиқлигига оид ғоялардан Ўзбекистон Республикаси туризмни ривожлантириш қўмитасининг ички ва ташқи туризмни ривожлантиришга йўналтирилган йўл харитасида фойдаланилган (Ўзбекистон Республикаси Туризмни ривожлантириш қўмитасининг 2021 йил 6 апрелдаги 02-16/2473-сон маълумотномаси). Натижада Ўзбекистон Республикаси Туризмни ривожлантириш қўмитасининг миллий туризмни комплекс ривожлантиришнинг миллий ва ҳудудий дастурларини мувофиқлаштириш, минтақаларда туризмнинг янги йўналишларини ташкил этиш, туризм хизматлари бўйича режаларни такомиллаштиришга хизмат қилган;
этномаданий туризмни ривожлантиришда зиёрат ва этнотуризмнинг амалий жиҳатдан маданий компетентликка эришишдаги янги тизимни яратишдаги роли, табиатни асраш ва сақлашда экологик ва агро туризмни инвайроментал ва коэволюцион жиҳатдан такомиллаштиришнинг туристик ресурслардан интеллектуaл жиҳатдан мақсадли фойдаланишдаги мaдaний интегрaцияга асосланган ҳаётий тажрибалар орттиришнинг ментал хусусиятларига доир илмий янгиликлардан Ўзбекистон миллий телерадиокомпанияси «O’zbekiston» ва «O’zbekiston tarixi» телеканаллари фаолиятида фойдаланилган (Ўзбекистон миллий телерадиокомпаниясининг 2021 йил 21 майдаги 01-35-834-сон маълумотномаси). Натижада диссертация материаллари «O’zbekiston» телеканалининг «Муносабат» кўрсатуви ва «O’zbekiston tarixi» телеканалининг «Мавзу», «Этно» ва «Тақдимот» кўрсатувларининг сценарийларини ёзиш ва кўрсатувларнинг илмий аҳамиятини оширишга хизмат қилган;
этномаданий туризмни ривожлантирувчи қадрият, меросни акс эттирувчи аксиологик ва инсон эҳтиёжи каби антропологик омилларнинг жамият тараққиётининг инъикоси бўлганлиги сабабли маданиятлараро диалог, халқларнинг ўзаро ҳурматни ва барқарор ижтимоий муносабатларни ташкил этиш усули эканлиги фалсафий жиҳатдан очиб берилганлигига оид хулосалардан Республика Маънавият ва маърифат марказининг ички туризмни ривожлантириш бўйича Ўзбекистон Республикаси Президентининг 2019 йил 3 майдаги «Маънавий-маърифий ишлар самарадорлигини ошириш бўйича қўшимча чора-тадбирлар тўғрисида»ги ПҚ-4307-сон Қарори билан тасдиқланган дастурининг «Маънавий-маърифий тарғибот ишлари самарадорлигини оширишга қаратилган илмий-тадқиқот тадбирлари» номли V бобнинг 21-банди «Бой маънавий меросимиз, меъморий ва тарихий ёдгорликларни кенг тарғиб қилиш, хорижий меҳмонларда мамлакатимизнинг тарихи, миллий урф-одатлари ҳақида тўғри маълумот бериш ва ижобий имиджини шакллантириш мақсадида Ўзбекистоннинг туристик шаҳарларида фаолият олиб борадиган гидлар учун услубий қўлланма тайёрлаш» ҳамда мазкур дастурнинг «Халқимизнинг тарихий мероси, урф-одатлари ва миллий тарбия анъаналарини асраб-авайлаш, кенг аҳоли қатламлари, айниқса ёшлар ўртасида динлараро бағрикенглик, миллатлараро тотувлик ва ўзаро меҳр-оқибат муҳитини мустаҳкамлашга доир тадбирлар» номли VIII бобининг 34-банди «Ўзбекистоннинг бой маънавий мероси, меъморий ва тарихий ёдгорликларини кенг тарғиб қилиш мақсадида ЮНЕСКО жаҳон маданий мероси рўйхатига киритилган мамлакатимиздаги объектлар ҳақидаги маълумотларни 3D форматида намойиш этадиган электрон фото жамланма (виртуал саёҳат) яратиш ва ижтимоий тармоқлар орқали кенг тарғиб қилиш» мавзуларда ўтказилган тарғибот ишларида фойдаланилган (Республика Маънавият ва маърифат марказининг 2021 йил 7 апрелдаги  02/07-344-сон маълумотномаси). Натижада моддий мерос объектлари жойлашган ҳудудлар бўйича каталоглар, гидларга туризм тарихига оид маълумотлар йиғилган услубий кўрсатмалар тайёрлашга хизмат қилган;
Ўзбекистонда туризмни ривожлантиришнинг амалий этнология ва замонавий этноинтеграция билан уйғунлигини таъминлашда тизимлиликка эришиш сабабли антикваризм ва презентизм тамойилларига риоя қилиш, дунё халқлари учун миллий демографик хилма-хилликни акс эттирган янги маданий маконни яратишнинг ижтимоий заруриятига оид  илмий хулосалардан  Тадбиркорлар ва ишбилармонлар ҳаракати – Ўзбекистон Либерал демократик партияси Марказий кенгашининг туристик инфратузилмасини такомиллаштириш, туристик хизматлар кўрсатилиши соҳасига илғор жаҳон стандартларини жорий этиш бўйича шакллантиришга оид лойиҳаларида фойдаланилган (Тадбиркорлар ва ишбилармонлар ҳаракати – Ўзбекистон Либерал демократик партияси Марказий кенгашининг 2021 йил 24 мартдаги 01-27/266-сон маълумотномаси). Натижада партиянинг туризмни ривожлантиришдаги ташқи ва ички сервис хизмат кўрсатиш шоҳобчаларига замонавий технологияларни жорий қилиш ва тадбиркорларнинг туризм сервисини ривожлантиришга оид тадбирларни ишлаб чиқишга хизмат қилган.