Xасанова Наргизахон Абдумухтор қизининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Юрак ишемик касаллиги ривожланишида плазминоген фаоллигини ингибитори ва активаторининг клиник диагностик аҳамияти ва уларни коррекциялаш йўллари», 14.00.06 – Кардиология (тиббиёт фанлари).
Диссертация мавзуси рўйхатга олинган рақам: В2020.4.PhD/Tib1512.
Илмий раҳбар: Нуриллаева Наргиза Мухтархановна, тиббиёт фанлари доктори, доцент.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган кардиология илмий-амалий тиббиёт маркази, DSc.04/30.12.2019.Tib.64.01.
Расмий оппонентлар: Тулабаева Гавхар Миракбаровна, тиббиёт фанлари доктори, профессор;  Махмудова Азиза Жумановна, тиббиёт фанлари доктори, профессор.
Етакчи ташкилот: Тошкент педиатрия тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: ЮИК фонида COVID-19га чалинган ва чалинмаган беморларда плазминогени активатори ингибитори (PAI-1) оқсилининг диагностик аҳамиятини бахолаш ва уларда даволаш йўлларини самарадорлигини ошириш.
III. Тадқиқотнинг илмий янгилиги:
илк бор ЮИК стабил зўриқиш стенокардияси фонида COVID-19га чалинган/чалинмаган беморларда плазмин тизими маркери PAI-1 оқсили баҳоланган ва ушбу оқсил COVID-19га чалинган беморларда сезиларли юқорилиги аниқланган;
ЮИК стабил зўриқиш стенокардияси фонида COVID-19га чалинган/чалинмаган беморларда плазмин тизими маркери PAI-1 ва ЮИКнинг етакчи хавф омиллари ўртасида боғлиқлик баҳоланган ва PAI-1 оқсили билан ҳавотир-депрессия синдроми, чекиш, семизлик ва гиперхолестеринемия билан ўзаро боғлиқлик мавжудлигини аниқланган;
илк бор бўлиб плазмин тизими маркери PAI-1 ва хавф омиллари мавжуд бўлган беморларда қон томир-тромбоцитлар ва ренин ангиотензин альдостерон тизимидаги ўзгаришлар, бундан ташқари эндотелиал дисфункция маркери эндотелин билан ўзаро боғлиқлигини аниқланди;
беморлардаги ЮИКнинг хавф омилларининг мавжудлиги, плазмин тизимидаги, коагулограмма, ренин ангиотензин алдостерон тизимидаги ўзгаришлар ва эндотелин миқдори ва уларнинг ўзаро корреляцион боғлиқлигини ҳисобга олган ҳолда COVID-19га чалинган беморларга антикоагулянт воситаларни тавсия этиш бўйича алгоритм таклиф этилган.
IV. Тадқиқот натижаларининг жорий қилиниши. 
Юрак ишемик касаллигидан азият чекувчи беморларда фибринолитик тизим омили бўлган 1-тип плазминоген активатор ингибитори ва ренин ангиотензин алдостерон тизими омиллари, эндотелинни баҳолаш бўйича ўтказилган илмий тадқиқот натижалари бўйича: 
юрак ишемик касаллиги мавжуд бўлганбеморларда касаллик янада ривожланиши бўйича илмий тадқиқотнинг натижалари асосида ишлаб чиқилган «Юрак ишемик касаллигини ривожланиши ва кечиши хавфини фибринолитик тизим омиллари ёрдамида баҳолаш» номли услубий тавсиянома тасдиқланган (Соғлиқни сақлаш вазирлигининг 2021 йил 29 сентябрдаги 8Н-Р/853-сон маълумотномаси). Услубий тавсияномага киритилган маълумотлар юрак ишемик касаллиги ривожланиши ва кечишида фибринолитик тизим омили ҳисобланган 1-тип плазминоген активатор ингибиторининг аҳамияти ва унинг хавф омиллари билан ўзаро боғлиқлигидан келиб чиқан холда, ЮИК ва унинг тромботик юзага келиши мумкин бўлган асоратларига эрта ташхис қўйиш, бундан ташқари амалиётда фибринолиз тизимининг молекуляр генетик таҳлили имкони бўлмаганда эришилган натижаларга таянган ҳолда биохимик текширувни амалга ошириш имконини берган;
юрак ишемик касаллиги мавжуд беморларда касалликнинг ривожланиши ва унинг тромбоэмболик асоратларини башоратлаш бўйича олиб борилган тадқиқотнинг илмий натижалари соғлиқни сақлаш амалиётида, жумладан Тошкент тиббиёт академияси кўп тармоқли клиникасининг “Кардиология” бўлими ва Тошкент вилояти Зангиота тумани 16 сонли оилавий поликлиника амалиётига жорий этилган (Соғлиқни сақлаш вазирлигининг 2022 йил 3 мартдаги 8п-7/117-сон маълумотномаси). Олинган натижалар тиббиёт амалиётига тадбиқ этилиши  юрак ишемик касаллиги мавжуд беморларда касалликни янада ривожланишини ва юзага келиши мумкин бўлган тромбоэмболик асоратларни эрта ташхислаш имконини берган.