Райимжонов Равшан Зокировичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Рақамли технологиялар даврида журналистнинг профессионал компетентлигига қўйилаётган талаблар: миллий ва халқаро тажриба”, 10.00.09 – Журналистика (филология фанлари).
Диссертация мавзуси рўйхатга олинган рақам: B2022.1.PhD/Fil1015.
Илмий раҳбар: Муратова Нозима Фахритдиновна, филология фанлари номзоди, доцент.
Диссертация бажарилган муассаса номи: Ўзбекистон журналистика ва оммавий коммуникациялар университети. 
ИК фаолият кўрсатаётган муассаса номи, ИК рақами: Ўзбекистон журналистика ва оммавий коммуникациялар университети, PhD.03/30.12.2019.Fil.14.01.
Расмий оппонентлар: Худойқулов Мухтор, филология фанлари доктори, профессор; Исмаилова Клементина, филология фанлари номзоди, доцент.  
Етакчи ташкилот: Қорақалпоқ давлат университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади рақамли медиа даврида журналистнинг профессионал компетентлигининг ўзгариш хусусиятларини очиб бериш, глобал медиа маконда журналистнинг компетентлик даражасини белгиловчи янги мезонларни аниқлаш ва амалиётга мослик даражасини белгилашдан иборат.
III. Тадқиқотнинг илмий янгилиги:
журналистларга профессионал компетентлик доирасида қўйилаётган талаблар ОАВ таҳририятларида рўй бераётган конвергентлашув ва рақамлаштириш жараёнлари таъсирида жорий этилаётган рақамли технологиялар даврида техник жиҳатдан кенгайиб, ижодий  томондан универсаллашаётгани далилланган; 
профессионал журналистик фаолият, медиатаълим ва олий журналистика таълими йўналишларида  медиа конпетентликни шакллантирувчи юмшоқ кўникмалар (soft skills) ва қаттиқ кўникмаларга (hard skills)  таяниш чегараси ва қамрови белгиланган;
Ўзбекистон ва хорижий мамлакатларнинг таълим тизимида профессионал компетенцияларга ёндашишга оид универсаллашув ва ихтисослашув каби тизимли, анъанавий ва рақамли компетенциялар каби контекстуал, бирламчи ва иккиламчи сингари профессионал кўникмалар мавжудлиги аниқланган;
миллий таълим тизимини янги медиалар билан ишлаш тенденцияларини инобатга олган ҳолда компетентлик ёндашуви призмаси орқали таълим стандартлари ва малака талабларини такомиллаштириш учун журналистик таълимда рақамли компетенцияларни қамраб олиш самарадорлиги далилланган.
IV. Тадқиқот натижаларининг амалиётга жорий этилиши. Ўзбекистонда ҳарбий журналистика шаклланиши ва ривожланиши тамойиллари тадқиқи бўйича олинган натижалар асосида: 
журналистларга профессионал компетентлик доирасида қўйилаётган талабларни комплекс тадқиқ қилиш орқали уларнинг рақамли технологиялар даврида ривожланиши, Ўзбекистон ва хорижий мамлакатларнинг таълим тизимида профессионал компетенцияларга ёндашишда мавжуд ўхшашлик ва тафовутлар, рақамлашаётган медиа шароитида журналист компетенциялари борасида ўзгаришлар асосида бир нечта таҳририят ходимларининг лавозим йўриқномалари қайта кўриб чиқилиши жараёнида фойдаланилган (ЎзМТРК давлат унитар корхонасининг “Маҳалла” телерадиоканалининг 2022 йил 04 февралдаги 01-12-83–сон маълумотномаси). Натижада таҳририятларда янги кадрларни олишдаги ёндашувлар такомиллаштирилган; 
профессионал журналистик фаолият, медиатаълим ва олий журналистик таълим призмаси орқали конпетентлик ёндашув чегараси, босма ва интернет нашрларида бир вақтнинг ўзида фаолият олиб бораётган журналистларга конвергент таҳририят шароитида рақамли форматда ишлаш бўйича қўйилаётган талабларнинг ўзгариши борасидаги хулосалар ва таклифлар ёш таҳририятларда ходимлар билан ишлаш сиёсатида акс этган (“Янги Ўзбекистон” ва “Правда Востока” бирлашган таҳририяти 2022 йил 17 январдаги 07-сон маълумотномаси). Натижалар татбиқи бўйича ижодий гуруҳни шакллантиришда вазифалар тақсимотида янгича ёндашув қўлланилган;
журналистларнинг ва тахририят рахбарларининг журналист компетенциялари борасида ўрганилган фикрлар асосида Zo`rTV журналистларининг янги медиалар билан ишлаш жараёнини оптималлаштиришга ёрдам берган (Zo`rTV медиа таҳририятининг 2021 йил 28 декабрдаги 402/21-А-сон маълумотномаси). Берилган тавсия ва таҳлилий маълумотлар асосида мутахасисларни мунтазам қайта тайёрлаш ва профессионал тажрибаларни такомиллаштириш, журналистларнинг ихтисослик доираларини кенгайтиришда фойдаланилган;
олд профессионал компетенциялар, журналист кадрлардаги медиа ахборий саводхонлик ва компетентликни ривожлантириш бўйича амалиётчи журналистлар учун ташкил этилган ўқув курсларининг малака талаблари ишлаб чиқилган (“Uza.uz” таҳририятининг 2021 йил 30 декабрдаги 30/12-сон маълумотномаси). Натижада, медиа ахборий саводхонлик каби компетентлик журналист кадрларнинг лаёқати ва профессионал компетенция даражасидаги категория сифатида шаклланиши борасида ўқув машғулотлари ишлаб чиқилган.