Пулатов Беҳзод Манноновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Электр энергетика тизимларининг ҳолатларини эволюцион алгоритмлар ёрдамида оптималлаштириш”, 05.05.02 – “Электротехника. Электр энергия станциялари, тизимлари. Электротехник мажмуалар ва қурилмалар”.
Диссертация мавзуси рўйхатга олинган рақам: B2019.2.PhD/T1152.
Илмий раҳбар: Гайибов Тулкин Шерназарович, техника фанлари доктори, профессор.
Диссертация бажарилган муассаса номи: Ислом Каримов номидаги Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/10.12.2019.Т.03.03.
Расмий оппонентлар: Таслимов Абдурахим Дехканович техника фанлари доктори, профессор; Хамидов Шухрат Вахидович, техника фанлари доктори, доцент. 
Етакчи ташкилот: “Тошкент давлат транспорт университети”.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Электр энергетика тизимларининг ҳолатларини станцияларнинг реал энергетик характеристикаларидан фойдаланиш асосида барча таъсир этувчи ва чекловчи факторларни ҳисобга олиб оптималлашнинг эволюцион алгоритмлари ва математик моделларини ишлаб чиқиш.
III. Тадқиқотнинг илмий янгилиги:
энергетика тизимларининг ҳолатларини оптималлаштиришнинг станцияларни реал энергетик характеристикаларидан бевосита фойдаланишга асосланган эволюцион алгоритми ишлаб чиқилган; 
энергетика тизимларининг ҳолатларини эволюцион алгоритм ёрдамида оптималлаштиришда тенглик ва тенгсизлик кўринишидаги функционал чегаравий шартларни ҳисобга олиш услуби яратилган;
таркибида ИЭС, ГЭС ва ҚТЭМда ишловчи электр станциялари мавжуд бўлган энергетика тизимларининг қисқа муддатли ҳолатларини кўрилаётган даврни вақт интервалларига ажратмасдан ва ажратиш орқали оптимал режалаштиришнинг математик моделлари ва эволюцион алгоритмлари ишлаб чиқилган; 
энергетика тизимларининг ҳолатларини режалаштиришда станцияларда ишловчи агрегатларнинг оптимал таркибини  уларнинг умумлашган энергетик ҳарактеристикаларидан  фойдаланиш асосида танлашнинг эволюцион алгоритми ишлаб чиқилган.
IV. Тадқиқот натижаларининг жорий қилиниши. 
Электр энергетика тизимларининг ҳолатларини станцияларнинг реал энергетик характеристикаларидан фойдаланиш асосида барча таъсир этувчи ва чекловчи факторларни ҳисобга олган ҳолда эволюцион алгоритмлар ёрдамида оптималлаштириш учун ишлаб чиқилган математик моделлар ва алгоритмлар бўйича олинган илмий натижалар асосида: 
электр энергетика тизимларининг ҳолатларини оптималлашнинг эволюцион алгоритми Ўзбекистон Республикаси Миллий диспетчерлик марказида суткалик иш режимини оптималлаштириш учун жорий қилинган («Ўзбекистон Миллий электр тармоқлари» АЖнинг 2022-йил 21-февралдаги 01-02-16/636-сонли маълумотномаси). Натижада бир сутка давомида иссиқлик электр станцияларидаги шартли ёқилғи сарфини 16,398 тоннага камайтиришга эришилган;
электр энергетика тизимларининг ҳолатларини барча ҳолат ва технологик чегаравий шартларни ҳисобга олиб оптималлашнинг эволюцион алгоритми Ўзбекистон Республикаси Миллий диспетчерлик марказида энергетика тизимининг қишки мавсуми иш режимларини оптималлаштириш учун жорий қилинган (2022 йил 21 февралдаги 01-02-16/636-сонли маълумотнома, «Ўзбекистон Миллий электр тармоқлари» АЖ). Натижада қишки мавсум давомида 1065,87 тонна шартли ёқилғини тежашга эришилган;
электр энергетика тизимларининг ҳолатларини оптималлашнинг  эволюцион алгоритми Ўзбекистон Республикаси Миллий диспетчерлик марказида энергетика тизимининг қишки мавсуми иш режимларини оптималлаштириш орқали ёқилғи билан боғлиқ бўлган харажатларни минималлаштириш учун жорий қилинган (2022 йил 21 февралдаги 01-02-16/636-сонли маълумотнома, «Ўзбекистон Миллий электр тармоқлари» АЖ). Натижада энергетика тизимида ёқилғи сарфи харажатларини 224,48 млн. сўм га камайтиришга эришилган.