Mamatqulov Xurshid Abdurashidovichning

falsafa doktori (PhD)dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Pedagoglarda xorijiy tillar bo‘yicha kasbiy kompetentlikni rivojlantirishning axborot-metodik ta’minotini takomillashtirish», 13.00.02–Ta’lim va tarbiya nazariyasi va metodikasi (ingliz tili) (pedagogika fanlari).

Dissertatsiya mavzusi ro‘yxatga olingan raqam: B2017.1.Rhd/Ped63.

Ilmiy rahbar: Boqieva Gulandom Xisamovna, filologiya fanlari doktori, professor.

Dissertatsiya bajarilgan muassasa nomi: O‘zbekiston davlat jahon tillari universiteti.

IK faoliyat ko‘rsatayotgan muassasa nomi, IK raqami: O‘zbekiston davlat jahon tillari universiteti, DSc.27.06.2017.Ped.27.01.

Rasmiy opponentlar: Xoshimova Dildora Urinboevna, pedagogika fanlari doktori, professor; Sobirova Gulnoza Sadikovna, pedagogika fanlari bo‘yicha falsafa doktori.

Yetakchi tashkilot: Nizomiy nomidagi Toshkent davlat pedagogika universiteti.

Dissertatsiya yo‘nalishi: nazariy va amaliy ahamiyatga molik.

II. Tadqiqotning maqsadi: pedagoglarda xorijiy tillar bo‘yicha kasbiy kompetentlikni rivojlantirishning axborot-metodik ta’minotini takomil-lashtirishdan iborat.

III. Tadqiqotning ilmiy yangiligi:

mutaxassisligi chet tillar bo‘lmagan pedagoglarning mustaqil ta’limini tashkil etish orqali ingliz tilini o‘zlashtirish va kasbiy kompetentligini rivojlantirishga xizmat qiluvchi dasturiy platforma va axborot-metodik ta’minot mazmuni takomillashtirilgan;

motivatsion va kognitiv omillarni hisobga olgan holda pedagoglarning ingliz tilini o‘zlashtirish samaradorligini oshirishga xizmat qiluvchi axborot-metodik ta’minot tizimidan foydalanish mexanizmi takomillashtirilgan;

zamonaviy onlayn texnologiyalarini joriy etgan holda pedagoglarning xorijiy tillar bo‘yicha bilim va ko‘nikmalarini shakllantirishga asoslangan mustaqil o‘qitish va baholash tizimlari takomillashtirilgan;

pedagoglarning kasbiy kompetentligini chet tilini bilishning umumevropa kompetensiyalari (o‘rganish, o‘qitish va baholash) talablari hamda differensiyalashgan yondashuv asosida rivojlantirish bo‘yicha amaliy tavsiyalar ishlab chiqilgan.

IV. Tadqiqot natijalarining joriy qilinishi.

Pedagoglarda xorijiy tillar bo‘yicha kasbiy kompetentlikni rivojlantirishning axborot-metodik ta’minotini takomillashtirishga doir tadqiqot natijalari asosida:

oliy ta’lim muassasalari rahbar va pedagog kadrlarini qayta tayyorlash va ularning malakasini oshirish ta’lim muassasalari faoliyatini takomillashtirish va ta’lim sifatini oshirishga doir takliflardan Vazirlar Mahkamasining 2015 yil 20 avgustdagi 242-son «Oliy ta’lim muassasalarining rahbar va pedagog kadrlarini qayta tayyorlash va ularning malakasini oshirishni tashkil etish chora-tadbirlari to‘g‘risida»gi qarori bilan tasdiqlangan «Oliy ta’lim muassasalarining rahbar va pedagog kadrlarini qayta tayyorlash va ularning malakasini oshirish kurslari to‘g‘risida»gi nizomning 1-ilovasidagi me’yoriy hujjatlarni tayyorlashda foydalanilgan (Oliy va o‘rta maxsus ta’lim vazirligining 2016 yil 5 oktyabrdagi 89-03-2867-son ma’lumotnomasi);

mutaxassisligi chet tillar bo‘lmagan professor-o‘qituvchilarining chet tili bo‘yicha bilim va ko‘nikmalarini shakllantirish taklif va tavsiyalardan Oliy va o‘rta maxsus ta’lim vazirligining 2014 yil 17 iyuldagi 281-son buyrug‘i bilan tasdiqlangan «Oliy ta’lim muassasalari mutaxassisligi chet tillar bo‘lmagan professor-o‘qituvchilarining chet tili bo‘yicha bilim va ko‘nikmalarini shakllantirish dasturi (minimal talablar)»ni tayyorlashda foydalanilgan (Oliy va o‘rta maxsus ta’lim vazirligining 2016 yil 5 oktyabrdagi 89-03-2867-son ma’lumotnomasi). Mazkur takliflarning joriy qilinishi oliy ta’lim muassasalari pedagog kadrlarining chet til bo‘yicha bilim va ko‘nikmalarini shakillantirish mexanizmini takomillashtirishga xizmat qilgan;

qayta tayyorlash va malaka oshirish ta’lim muassasalarida ichki va tashqi nazoratni yagona yondashuv asosida amalga oshirish bo‘yicha takliflardan Oliy va o‘rta maxsus ta’lim vazirligining 2016 yil 15 avgustdagi «Pedagog kadrlarni qayta tayyorlash va malakasini oshirish markazlarida o‘qitish sifatini nazorat qilish tizimini joriy etish to‘g‘risida»gi 343-son buyrug‘i bilan tasdiqlangan Yo‘riqnomani tayyorlashda foydalanilgan (Oliy va o‘rta maxsus ta’lim vazirligining 2016 yil 5 oktyabrdagi 89-03-2867-sonli ma’lumotnomasi). Mazkur Yo‘riqnoma qayta tayyorlash va malaka oshirish kurslarida o‘qitish sifati ichki nazoratini camarali amalga oshirish imkoniyatini yaratgan;

mutaxassisligi chet tillar bo‘lmagan professor-o‘qituvchilarning chet tilini bilishning umumevropa kompetensiyalari: o‘rganish, o‘qitish va baholash tizimi bo‘yicha VI darajasini egallashi, “Cooperative learning” texnologiyasi yordamida ta’lim jarayonini takomillashtirishga doir takliflari qayta tayyorlash va malaka oshirish kurslariga tatbiq etilgan (Oliy va o‘rta maxsus ta’lim vazirligining 2015 yil 26 iyuldagi 89-03-2215-son ma’lumotnomasi). Ushbu takliflar oliy ta’lim muassasalari o‘quv-tarbiya jarayonini tashkil etishga qo‘yilgan zamonaviy talablar asosida ta’lim muassasalari pedagoglarining kasbiy mahorat va malakasini rivojlantirishga xizmat qilgan.