Ражабов Отабек Асроровичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Металлокерамика ва циркон протезларидан фойдаланганда оғиз бўшлиғидаги клиник-функционал ва иммуноморфологик ўзгаришлар», 14.00.21 – Стоматология, 14.00.36 – Аллергология ва иммунология  (тиббиёт фанлари).
Диссертация мавзуси рўйхатга олинган рақам: В2020.2.DSc/Tib429.
Илмий маслахатчилар: Иноятов Амрилло Шодиевич, тиббиёт фанлар доктори, профессор,  Ирсалиева Фотима Ҳуснитдиновна, тиббиёт фанлар доктори, доцент.
Диссертация бажарилганмуассасаноми: Бухоро давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Бухоро давлат тиббиёт институти, DSc.04/30.04.2022.Tib93.01.
Расмий оппонентлар: Хабилов Нигмон Лукмонович, тиббиёт фанлар доктори, профессор; Гулямов Суръат Саидвалиевич, тиббиёт фанлари доктори, Аҳмедова Холида Юлдашевна, тиббиёт фанлар доктори, профессор.
Етакчиташкилот: С.Д.Асфендияров номли Козогистон миллий давлат тиббиёт университети.
Диссертация йўналиши: амалий аҳамиятга молик.
II. Тадқиқотнинг мақсади: Металлокерамика ва циркон протезларнинг оғиз шиллиқ қаватига таьсирини ва махаллий иммунитет омилларини қиёсий бахолаш асосида оптимал протез турини танлашдан иборат.
III. Тадқиқотнинг илмий янгилиги:
илк бор олинмайдиган тиш протезларининг таянч тишлар атрофидаги тўқималарда ва оғиз бўшлиғини шиллиқ қаватларининг протез материалларига нисбатан морфологик ва иммунологик реакциялари пародонтда яллиғланиш-деструктив касалликлари билан корреляцион боғлиқлиги аниқланган;
металлокерамик ва циркондан ясалган тиш протезларининг оғиз бўшлиғи  иммунологик гомеостазига, яъни иммуноглобулинлар (IgG, IgM ва sIgA) ва цитокинлар (IL-4, IL-6, TNF-а, IL-1в) фаолиятига салбий таъсири исботланган;
металлокерамикадан ясалган тиш протезларининг оғиз бўшлиғида, цирконийдиоксидида кузатилмаган салбий гальваник токлар ("галваноз", "электрогалваноз") таъсири ҳосил бўлиши (қуруқлик, қичишиш, тил, танглай, лаблар,  оғизда  куйиш каби) аниқланган;
металлокерамик ва цирконий диоксидидан тайёрланганган тиш протезларда оғиз бўшлиғи клиник ўзгаришларида (оғиз бўшлиғи шиллиқ қавати тўқимадаги макрофаглар, лимфотцитлар, семиз ва плазматик ҳужайралар миқдорининг ошиши) аллергик реакциянинг прогностик маркери эканлиги асосланган;
кўприксимон протез таянч тиш периодонт тўқимасига ортиқча функционал зўриқиш тиш атрофидаги суяк тўқимаси атрофияси ва юмшоқ тўқиманинг яллиғланиши кучайиши (лунж шиллиқ қаватида ёки тилда тишларнинг изи, эрозиялар, яралар,ОБШҚ рангининг ўзариши) билан узвий боғлиқлиги исботланган.
IV. Тадқиқот натижаларининг жорий қилиниши. 
Металлокерамика ва циркон диоксиди протезлари ёрдамида протезлашнинг турли усуллари самарадорлигини клиник-патогенетик асослашдан бўйича олинган илмий натижалар асосида:
металлокерамика ва циркон диоксиди протезларидан ёрдамида протезлашнинг турли усуллари бўйича тадқиқотнинг илмий натижалари асосида ишлаб чиқилган «Металлокерамика ва циркон протезлардан фойдаланилганда оғиз бўшлиғидаги клиник функционал ўзгаришларнинг диагностик таҳлиллари» номли услубий тавсиянома тасдиқланган (Соғлиқни сақлаш вазирлигининг 2021 йил 18 сентябрдаги 8н-д/795-сон  маълумотномаси). Илмий натижадаларнинг жорий қилиниши тиш қаторлари нуқсонлари ва алвеоляр ўсимталардаги суяк шаклланиши бузилишига чалинган беморларни даволашда оптимал ортопедик конструкцияларни танлаш ва келиб чиқадиган асоратларининг олдини олишга хизмат қилган;
металлокерамика ва циркон протезлардан фойдаланилганда оғиз бўшлиғидаги иммунологик хусусиятлари бўйича тадқиқотнинг илмий натижалари асосида ишлаб чиқилган «Металлокерамика ва циркон протезлардан фойдаланилганда оғиз бўшлиғидаги иммунологик хусусиятларини таҳлил қилиш» номли услубий тавсиянома тасдиқланган (Соғлиқни сақлаш вазирлигининг 2021 йил 12 окябрдаги 8н-д/795-сон маълумотномаси). Илмий натижадаларини жорий қилиниши тиш қаторларини беморларда қўллашга, ортопедик даволаш самарадорлигини оширишга, протезлашдаги эҳтимолий асоратларни олдини олишга ва беморларнинг хаёт сифатини яхшилашга имкон яратишга эришилган. 
Металлокерамика ва циркон протезларидан фойдаланганда оғиз бўшлиғидаги клиник-функционал ва иммуноморфологик ўзгаришлар бўйича тадқиқотнинг илмий  натижалари соғлиқни сақлаш амалиётига, жумладан Хоразм ва Жиззах вилоятлари Стоматология поликлиникалари, Бухоро вилояти Ғиждувон, Вобкент, Олот, Бухоро туман тиббиёт бирлашмалари клиник амалиётида жорий этилди (Соғлиқни сақлаш вазирлигининг 2022 йил 14 январдаги 8н-з/02-сон маълумотномаси). Ушбу илмий изланиш натижасида тиш протезларини беморларда қўллашга, ортопедик даволаш самарадорлигини оширишга, протезлашдаги эҳтимолий асоратларни олдини олишга ва беморларнинг хаёт сифатини яхшилашга имкон яратишга эришилган.