Teshaboev Muhammadyaxyo G‘ulomqodirovichning
falsafa doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Yuz va bo‘yinda kuyik asorati bo‘lgan bemorlarni jarrohlik davolashni optimallashtirish», 14.00.27–Xirurgiya (tibbiyot fanlari).
Dissertatsiya mavzusi ro‘yxatga olingan raqam: B2017.1.PhD/Tib113.
Ilmiy rahbar: Madazimov Madamin Muminovich, tibbiyot fanlari doktori, dotsent.
Dissertatsiya bajarilgan muassasa nomi: Andijon davlat tibbiyot instituti.
IK faoliyat ko‘rsatayotgan muassasa (muassasalar) nomi, IK raqami: Akademik V.Vohidov nomidagi Respublika ixtisoslashtirilgan xirurgiya markazi va Toshkent tibbiyot akademiyasi, DSc.27.06.2017.Tib.49.01.
Rasmiy opponentlar: Xakimov Murod Shavkatovich, tibbiyot fanlari doktori, professor; Kayumxodjaev Abdurashit Abdusalomovich, tibbiyot fanlari doktori.
Yetakchi tashkilot: Xar`kov milliy tibbiyot universiteti (Ukraina).
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: yangi usulni ishlab chiqish yo‘li bilan yuz va bo‘yin kuyishlari oqibatlarini xirurgik davolash natijalarini yaxshilashdan iborat.
III. Tadqiqotning ilmiy yangiligi:
yuz va bo‘yin kuyishlari oqibatlarida an’anaviy rekonstruktiv-tiklovchi aralashuvlarning operatsiyadan keyingi erta va uzoq muddatlardagi kamchiliklari aniqlangan;
teri strukturasidagi o‘zgarishlarni morfologik baholash va mikrotsirkulyasiya (tcpO2) holatini tekshirish bo‘yicha xavfsiz va nazorat qilinuvchi operatsiya vaqtidagi dermotenziyaning mumkinligi isbotlangan;
yuzasi bo‘yicha cheklangan yuz va bo‘yin chandiqli deformatsiyalarini bir bosqichda bartaraf qilish va plastika yoki donor jarohatlarni yopish uchun to‘qimalarning etarlicha zaxirasiga erishish imkonini beruvchi operatsiya vaqtidagi tez ballonli cho‘zish usuli ishlab chiqilgan;
taklif etilgan teri plastikasi usullari uchun ko‘rsatmalar aniqlandi hamda yuz va bo‘yin chandiqli deformatsiyalarini xirurgik davolash protokoli va taktikani tanlash algoritmi ishlab chiqilgan.
IV. Tadqiqot natijalarining joriy qilinishi.
Yuz va bo‘yin sohasi kuyish oqibatlari bilan bemorlarni xirurgik davolash sifatini yaxshilash bo‘yicha o‘tkazilgan ilmiy tadqiqot natijalari asosida:
ishlab chiqilgan «Yuz chandiqli deformatsiyalarini xirurgik davolash usuli»ga Intellektual mulk agentligining ixtiro uchun (IAP 04539-son) patenti olingan. Taklif etilgan usulni qo‘llagan holda davolash qoniqarsiz natijalari ko‘rsatkichini 12,4% ga kamaytirish, bemorlar hayot sifatini 27,5% ga yaxshilash imkonini bergan;
ishlab chiqilgan «Yuz kuyishi asoratlarini xirurgik reabilitatsiyasi» nomli uslubiy qo‘llanma sog‘liqni saqlash amaliy faoliyatiga, xususan, Andijon ko‘p tarmoqli tibbiyot markazi va Farg‘ona filiali davolash-maslahat faoliyatiga tatbiq etilgan (Sog‘liqni saqlash vazirligining 2016 yil 31 avgustdagi 8N-g/54-son ma’lumotnomasi). Yuz va bo‘yin sohasi kuyishi oqibatlari bilan bemorlarni xirurgik davolash uchun taklif etilgan kompleks yondashuvning qo‘llanishi davolashning yaqin va uzoq muddatdagi natijalarini 17% ga yaxshilash imkonini bergan.
